Ovilinga 2:32 - Etestamende Epe Moludhimba

³² Kalunga wa imuna Jesus hengu kout̯e, nt̯e atuhe tudhombangi dheimuko hendi.

Ovilinga 2:32 Iomraidhean Croise

Johannes 15:27

Nan̯e wo mamu ntjipulula, mena lyokutya mwa kala pamo naame okudha keutilo.

Ovilinga 1:22

okudha ketango ndyoka Jesus hiaa tjatjwa kuJohannes katee ketango ndyoka Jesus hiaa ithwa po punt̯e, ha i meulu. Omuntu ngoka nga ninge ombangi yeimuko lyaJesus pamo nant̯e.”

Ovilinga 1:8

Iya n̯e mamu ka pewa odhonkono katango Ombepo Ondhilikwa himai ya mun̯e, iya n̯e mamu ka ila odhombangi dhandje moJerusalem nomoJudea atjihe nomoSamaria katee mouye auhe.”

Ovilinga 13:30

Iya Kalunga we mu imuna kout̯e!

Ovilinga 13:33

we tji hwithila po nt̯e odhontekulona dhawo, hiaa imuna Jesus kout̯e, ngahi tja sonekwa mEpisalomi etyavali himamu tiwaa: ‘Oove omunwandje, iya ndino ame mba ile Iho.’

Ovilinga 17:31

Iya ye wa twaa po etango hima ka koya ouye pauvyuuki, me ke u koyetha omulumentu ngoka ngwaa holowola. Ye wa yulikila ovantu avehe otjipuka hehi poluhandja, hiaa imuna omulumentu ngoka kout̯e.”

Ovilinga 2:24

Kalunga we mu imuna kout̯e, ye we mu kutulula momiihamo vyet̯o, mena lyokutya et̯o kali ulile oku mu kambulila moupika.

Ovilinga 3:15

Iya mwa dhipaetha Omuyandjimwenyo. Kalunga ngunya we mu imuna kout̯e, nt̯e tudhombangi motjipuka hehi.

Ovilinga 3:26

Kalunga hiaa imuna omuntu we kout̯e, olutenga we mu tuma kun̯e, he mu pa elao hiaa teyulula ovantu avehe komauvi awo.”

Ovilinga 4:10

tji iwen̯i nawa amuhe otjiwan̯a tjaIsrael atjihe okutya omulumentu nguu li kovipala vyen̯i wa velulwa mena lyaJesus Kristus Omunasareta, ngumwa papela komutjaakano, Kalunga we mu imuna kout̯e.

Ovilinga 4:33

Ovayapostoli va hipulula nodhonkono adhihe okutya Muhona Jesus wa imunwa kout̯e, Kalunga avehe we ve pa elao en̯ingi.

Ovilinga 5:30

Kalunga kootateombwale oye a imuna Jesus kout̯e, ngoka ngumwa dhipaa himwe mu papela komutjaakano.

1 Ovakorinto 15:15

Iya nan̯i matu kuminine Kalunga, himatu tya wa imuna Kristus kout̯e, ye hé mu imunine, andaa ovat̯e kaava imunwa kout̯e.

1 Ovakorinto 6:14

Kalunga mena lyodhonkono dhe wa imuna Muhona kout̯e, ye me ke tu imuna wo kout̯e.

2 Ovakorinto 4:14

Tu tji i okutya Kalunga ngwaa imuna Muhona Jesus kout̯e, me ke tu imuna wo pamo naJesus kout̯e, he ke tu eta kotjipala tje pamo nan̯e.

Ovagalati 1:1

Omukanda hembu mau dhi kwaame Paulus, omuyapostoli nguhe tuminwe komuntu ne ketumino lyomuntu, iya mba tumwa kuJesus Kristus nokuKalunga Ihe, ngwee mu imuna kout̯e.

Ovaefeso 1:20

Kalunga ndhaa undapetha hiaa imuna Kristus kout̯e nahiee mu kaleka kokulyo kwe meulu.

Ovakolossa 2:12

Iya himwa tjatjwa mwa pakwa pamo naKristus. Metjatjo lyatjo ndyoka, mwa imunwa kout̯e pamo naKristus mena lyahimwa itavela odhonkono dhaKalunga, ngoka ngwaa imuna Kristus kout̯e.

Ovaheberi 13:20

Iya Kalunga kouwa, wa imuna kout̯e Muhona wetu Jesus, omut̯ita omunene wodhondhu okupitila mombindhi yewaneneno lyaapehe.

1 Petrus 1:21

N̯e mwa itavela muKalunga okupitila muKristus. Kalunga we mu imuna kout̯e, he mu pa etumbalo, eitavelo neliun̯iko lyen̯i opo li kale muKalunga.