Ovilinga 2:17 - Etestamende Epe Moludhimba

¹⁷ ‘Kalunga ma tya, omatango opehulilo ame me ka tila kombanda yovantu avehe Ombepo yandje, ovanwen̯i ovadhantu novakadhona mava ka teetha odhondaka dhaKalunga, omatele novathukona mava ka mona omamoneko, ovanene ven̯i mava ka lota omalambandjodhi.

Ovilinga 2:17 Iomraidhean Croise

Lukas 3:6

Ovantu avehe mava ka mona ehupitho lyaKalunga.’ ”

Johannes 17:2

Ngahi we mu pa odhonkono okutumina ovantu avehe, opo a yandje omwenyo waapehe kuwo avehe mboka mbawe mu pa.

Johannes 7:39

Iya Jesus wa popya odhondaka hendhi ouhunga nOmbepo ndjimai ka pewa mboka mbava itavele muye. Potembu ndjoka Ombepo ya li ahaiya yandjwa, mena lyokutya etumbalo lyaJesus lya li ahaliya holololwa.

Ovilinga 10:45

Ovaitaveli vamo Ovajuda mbava dhile naPetrus koJoppe, ve kuminwe hiva mono okutya Ombepo Ondhilikwa ya pewa ovapaani.

Ovilinga 11:27

Iya pomatango atjo ngoka, kwa dha ovaprofeti vamo koJerusalem, hava i koAntiokia.

Ovilinga 11:28

Iya Agabus umo owomovaprofeti mboka wa kulama, mepopilo lyOmbepo Ondhilikwa wa popya okutya mouye auhe mamu ke ya ondjala onene. Iya ondjala yatjo ndjoka, ya ningwa potembu ndjoka Klaudius hiaa li omukesari moRoma.

Ovilinga 2:16

Iya hehi otjo tja popilwe komuprofeti Joel, hiaa tile:

Ovilinga 2:18

Iinga, momatango ngoka me ka yandja wo Ombepo yandje movapika vandje ovalumentu novakadhintu, nawo mava ka teetha odhondaka dhaKalunga.

Ovilinga 2:33

Jesus wa yelulilwa peulu kokulyo kwaKalunga, iya ye wa pewa eudhiko lyOmbepo Ondhilikwa, Ihe ngahi e mu udhikila. Jesus we tu pa Ombepo Ondhilikwa, ndjimu mona napano nandjimu tyaa.

Ovilinga 21:9

Filippus wa li novana vane ovathukona wongendjo, mbava li ovaprofeti.

Ovaroma 5:5

Ekevelelo kaali t̯itha ohon̯i, mena lyokutya ohole yaKalunga ya tilwa momitima vyetu kOmbepo Ondhilikwa ndjitwa pewa.

1 Ovakorinto 12:10

Omuntu umo ma pewa otjali tjokuninga ovilingankono, umo ma pewa otjali tjokupopya etumwalaka lyaKalunga, umo ma pewa otjali tjokutangan̯eka notjokuthongonona odhombepo. Omuntu umo ma pewa otjali tjokupopya momalaka ngahae iwe, umo okupitiya omalaka.

1 Ovakorinto 12:28

Iya Kalunga ovantu avehe we ve twaa pomaluvedhe awo meongalo, olutenga ovayapostoli, olutyavali ovaprofeti nolutyatatu ovalongethi. Iya ku na uke mbava ninga ovilingankono, haku landula mbava pewa odhonkono okuvelula ne okupopila ovakwawo ne oku ve viyula ne okupopya momalaka ngahae iwe.

Ovaheberi 1:2

Iya pomatango henga athiinina we tu popitha okupitila mOmuna ngoka Kalunga ngwaa utitha ouye, novipuka avihe pomaandelo mavi ka ninga ovye.

Jakob 5:3

Otjisilveri notjingoldo tjen̯i tja ninga omulelu, hehi matji ningi oumbangi woku mu pa ombedhi. Omulelu hembu mau ka lya onyama yen̯i ngomulilo. Mwe liongedhela omauhona pomatango henga opehulilo.

2 Petrus 3:3

Olutengatenga mwa thele okwiiwa okutya omatango athiinina maku ke ya ovapenyi wokupenya, mava ka kala amava ende ngahi matji hala omahalo awo omavi.