Ovilinga 19:9 - Etestamende Epe Moludhimba

⁹ Ovantu vamo ve likukutika, hava anya okwiitavela eteetho lyaPaulus, hava penye ondjila yaMuhona Jesus movipathi vyovantu avehe. Iya Paulus we ve thiaa po, ha holowola mo ovaitaveli, ha i nawo kondongetho yaTirannus. Nahi owo a tompola nawo etango alihe

Ovilinga 19:9 Iomraidhean Croise

Mateus 15:14

Mboka ve yethen̯i, ovaviyuli ovapot̯i wovapot̯i. Andaa omupot̯i ma koko omupot̯i omukwawo kempangoti, aveevali mava wile metoto.”

Mateus 16:4

Kula n̯e evi, ovayoni wolukupo, mamu taendha etangan̯eko, iya kaamu pewa etangan̯eko limo, olyo ndyoka vala olyaJona.” Jesus we ve thiaa po ha i.

Mateus 26:55

Iya powola ndjoka Jesus wa heela engundwa lyovantu ha tyaa: “Mwe ya nomaonga nodhonkunye ngambamamu kambula otjimpulu? Omatango aehe ndji kala motempeli, ndji longa ovantu, n̯e kamu nkambula.

Johannes 12:40

“Kalunga wa twikitha omeho awo, ye wa kukutika omitima vyawo, omeho awo opo háe ku mono, nomitima vyawo opo hávi koneke, ahamave liteyulula, ndji ve velule.”

Ovilinga 11:26

Iya hiee mu mono, we mu eta koAntiokia. Barnabas naSaulus va kala pamo meongalo ombula imo, meongalo moka va longa mo ovantu ovengi. MoAntiokia ovaitaveli omo va uta okulukwa ovakriste.

Ovilinga 14:4

Ovantu womondolopa yaIkonium ve liyapukile pokati, vamo va ama kOvajuda, vamo hava ama kovayapostoli.

Ovilinga 17:4

Ovajuda vamo va itavela odhondaka dhaPaulus naSilas, hava yembe kuwo, nowingi wOvagreka ovatilikalunga nowingi wovakadhintu mbava tumbalekwa va yemba kuwo.

Ovilinga 19:23

Potembu ndjoka pe ya oudheu ounene mena lyondjila yaMuhona Jesus.

Ovilinga 19:30

Paulus wa li ama hala okupopya komeho yowingi wovantu, atjaa ovaitaveli kave tji itavelele.

Ovilinga 20:31

Iya lungamen̯i, n̯e mu thipaluke himba ninga odhombula ndatu, ame auhe mbe mu longa nomihodhi omutenya nout̯iku.

Ovilinga 22:4

Ame uke mba tatethele, he dhipaa ovantu mboka mbava landula ondjila yaMuhona Jesus. Mba kambulitha ovalumentu novakadhintu, he ve yedhilile mokaliwoso.

Ovilinga 24:21

Kakele vala himba wololokele, tainkolo mba kulamene kotjipala tjawo he tyaa: ‘N̯e mamu nkoyo, mena lyokutya mba tya ovat̯e mava ka imuka kout̯e.’ ”

Ovilinga 28:22

Iya nt̯e matu hala okutya tu iwe himo soko, mena lyokutya nt̯e tu tji i okutya opaati hendji i kondjethwa akuhe.”

Ovilinga 7:51

Stefanus wa twikila ko uke okupopya ha tyaa: “N̯e mwa poloka. Omatwi nomitima vyen̯i vi ngala vala ovyovapaani, ondaka yaKalunga kamu i tee. N̯e mu ngala vala owoihoombwale, apehe mu kondjetha Ombepo Ondhilikwa.

Ovilinga 9:2

he mu kumbu, a pewe omikanda, a ende navyo kovanene wodhosinagoga dhomoDamasko, opo e tjiiwe okukambula ovalanduli avehe wondjila yaMuhona Jesus, mboka mbama ka vadha ko, ovalumentu ne ovakadhintu, e ve ete odhonkwatwa koJerusalem.

Ovaroma 11:7

Iya ovi? Israel hiaa tanta ke tji vadhele, ovaholowolwa ve tji vadha, ovakwawo va kukuta,

Ovaroma 9:18

Iya Kalunga ma t̯ile onkenda nguma hala okut̯ila onkenda, ha kukutike nguma hala okukukutika.

1 Ovakorinto 16:9

Omuvelo wa mpatulukile okuundapa otjilinga otjinene hitja tumbala, atjaa pe na ovakondjethi ovengi.

1 Timoteus 6:5

Ovantu mbahave na odhondunge, mbahava landula otjatjili, apehe ve hole odhombata. Wo va tya pamo okukala omukriste okwiila omuhona.

2 Timoteus 1:15

Ove hehi u tji i okutya ovantu avehe moAsia, ngahi tji li Figelus naHermogenes, va nt̯iaa po.

2 Timoteus 3:5

Mava ka moneka ngangumo tya va tila Kalunga, iya ve litendela odhonkono dhe. Kala kokule novantu mbave li nyahoka.

2 Timoteus 4:2

Teetha odhondaka dhaKalunga, kambulitha okuteetha poluvedhe oluwa nopoluvedhe oluvi, pukulula ovantu, u ve ande, u ve vandhipaleke nelikambulithilo, ove u ve longe.

Ovaheberi 3:13

Iya livandhipaleken̯i etango alihe, tainkolo maku tiwaa: “Ondino,” opo hápa kala omuntu noumo nguma kembelwa po koulundhi, e likukutike.

2 Petrus 2:12

Ovantu mbave li nyahi va ngala ovithitu, monkalo yavyo vi yumukwa vala, havi kambulwa, havi dhipawa, wo va penya ovipuka avihe mbihave i, nawo mava ka han̯aunwa po ngovithitu.

2 Petrus 2:2

Ovantu ovengi mava ka landula odhonkalo dhawo dhokuhelitjaela movihulo, hava ka penya ondjila yatjatjili mena lyovilinga vyawo.

Judas 1:10

Iya ovantu hemba va popya ovipuka ovivi okupenya ovipuka avihe mbihave i. Iya ovipuka mbive i vala mountjitwe ngovithitu, ovyo mavi ve teya po.