Ovilinga 19:27 - Etestamende Epe Moludhimba

²⁷ Pe na oudheu okutya ovilinga vyetu mavi ka tombwa, hatjo vala atjiika, iya notempeli yakalungakadhona Artemis mai ka kala vala. Ovantu kaava ka tumbaleka uke kalungakadhona Artemis, nguu tumbalekwa moAsia nomouye auhe.”

Ovilinga 19:27 Iomraidhean Croise

Mateus 23:13

“Utatyei, n̯e ovalongiveta nOvafarisai, valinomi n̯e! Ovantu mu ve yedhilila pondje yotjilongo tjeulu, iya n̯e ovene kaamu hiti mo, mu tjaela mboka mbamava hala okuhita mo.

Mateus 24:14

Iya ondaka hendji ombwa yotjilongo tjaKalunga mai ka teethelwa ouye auhe, i ningile oviwan̯a avihe oumbangi, tjau atjaa haku ya ehulilo.

Ovilinga 19:10

oule wodhombula mbali, katee Ovajuda nOvagreka avehe moAsia va tee odhondaka dhaMuhona.

Ovilinga 19:21

Kon̯ima yovipuka avihe mbyaa ningwa ko, Paulus wa tokola okuyatakana moMakedonia naAkaia hima i koJerusalem. Ye wa popya ha tyaa: “Hime dhi ho, me tha okuya koRoma.”

1 Timoteus 6:5

Ovantu mbahave na odhondunge, mbahava landula otjatjili, apehe ve hole odhombata. Wo va tya pamo okukala omukriste okwiila omuhona.

1 Johannes 5:19

Tu tji i okutya nt̯e tuvaKalunga, nouye auhe owometumino lyomunauvi.

Eholololo 13:3

Iya omutwe umo watjo wa li notjito hitje tje tji dhipaa, atjaa napano otjito soka tja veluka. Ovantu avehe mouye ve kuminwa otjithitu soka, hava landula mo.

Eholololo 13:8

Ovantu avehe mbava kala kombanda yohi, mave ke tji tumbaleka, avehe mboka mbahava sonekelwe omana awo membo lyomwenyo lyOndjona ndjaa dhipawa, okudha keuto lyouye.

Eholololo 14:9

Omweengeli omutyatatu wa landula kovakwawo, ha popi nondaka onene ha tyaa: “Nguma tumbaleke otjithitu notjithika tjatjo, iya ma pewa otjihako mompomo ye ne kokuwoko kwe,