Ovilinga 19:26 - Etestamende Epe Moludhimba

²⁶ Iya napano mwe tji mono naa nawa, n̯e mu tji yuvite omulumentu hengu Paulus ovipuka mbima ningi. Ye u tya ookalunga mbava undapwa nomawoko ovantu haookalunga, wa hekela ovantu ovengi, he ve ameke kuye, hamomuno vala moEfeso, iya omotjilongo atjihe tjaAsia.

Ovilinga 19:26 Iomraidhean Croise

Ovilinga 14:15

“Valumentu n̯e, otjitji himamu ningi nyahoka? Nt̯e tuvantu ngan̯e! Nt̯e twe ya oku mu teethela ondaka ombwa okutya mu yethe ovipuka mbihavi na tjilinga, n̯e mu itavele muKalunga omunamwenyo, ngoka ngwaa uta eulu nohi nelunga nahitji li mo atjihe.

Ovilinga 17:29

Iya andaa tudhondele dhaKalunga hátu lipula okutya olupe lwe, lwe litha kethano lyotjingoldo ne lyotjisilveri ne lyewe ndyaa hongwa kounongo nokomaeli omuntu.

Ovilinga 18:19

Wo ve ya moEfeso, moka Paulus mwaa thiaa Priskila naAkula, ye wa ya kosinagoga hoka huva ka tompola nOvajuda.

Ovilinga 19:1

Iya Apollos tainkolo a li moKorinto, Paulus wa yatakana movilongo vyomalukonko katee e ya koEfeso. KoEfeso wa vadha ko ovaitaveli vamo,

Ovilinga 19:10

oule wodhombula mbali, katee Ovajuda nOvagreka avehe moAsia va tee odhondaka dhaMuhona.

Ovilinga 19:25

Demetrius wa ongedha ovantu avehe mboka mbava undapa pamo naye nambava undapa otjilinga ngotjawo, ha tyaa: “Vakwetu, mu tji i okutya ouhona wetu tu u mona movipuka hembi.

1 Ovakorinto 12:2

Mu tji i okutya himwa li ovapaani, mwa twalwatwalwa kovikalunga mbihavi popi, havi mu pukitha.

1 Ovakorinto 8:4

Iya ouhunga nombaveka, nt̯e tu tji i okutya otjikalunga mouye katji na himatji tya, ku na vala Kalunga umo.

Ovagalati 4:8

Iya himwa li ahamu i Kalunga, mwa li ovapika vamboka mbahave thi ookalunga katjatjili.

1 Ovatessalonika 1:9

Ovantu ovene va hipulula, himwe tu tambula nahimwa yetha ovikalunga, hamu ya okuundapela Kalunga katjatjili omunamwenyo

Eholololo 9:20

Otjihupe tjovantu mboka mbahava t̯ilile movipo mbyoka, kave liteyululile nokanunu, va yethe okutumbaleka ovipuka mbyoka mbiva undapa nomawoko awo. Iya kava yethele okutumbaleka uke odhondemoni novikalunga vyotjingoldo novyotjisilveri novyotjivela otjindumbu novyomawe novyovimuti mbyoka mbihavi ku mono, mbihavi tee, vyo mbihavi ende.