Ovilinga 19:16 - Etestamende Epe Moludhimba

¹⁶ Omulumentu ngoka ngwaa li nombepo ombi, we ve lombokela, he ve tono. Monganda va taula mo, hava ka inkola nyahinya ava kulaumuka.

Ovilinga 19:16 Iomraidhean Croise

Markus 5:15

Hive ya kuJesus va mona omulumentu ngoka, ngwaa li nodhondemoni odhingi, aa kala pohi wa dhala nawa, nodhondunge dhe ya mo, ovantu va li ava tila.

Lukas 8:29

mena lyokutya Jesus wa li ama hala okuheela ombepo ombi, i dhe mo momuntu hengu, mena lyokutya ya ninga omatango omengi amai mu pumbaula, atjaa wa kutilwe nomalyenge povit̯iho nopodhongunyu, ye ha lalelwa. Odhonkuto we dhi kopola, ha dhamaukithwa mokuti kondemoni.

Lukas 8:35

Ovantu va ya oku ka tala soka hitja ningwa ko. Hive ya kuJesus, va vadha omulumentu ngoka mumwa dha odhondemoni, aa kala pohi podhompadhi dhaJesus, wa dhala nawa, nodhondunge dhe ya mo. Ovantu va li ava tila.

Ovilinga 19:15

Ombepo ombi ye ve yaka hai tyaa: “Jesus ndji mu i, naPaulus mbe mu tyaa. Iya n̯e, on̯e oowaan̯i?”

Ovilinga 19:17

Ovajuda nOvagreka avehe mbava kala moEfeso, hive tji tee, va kambulwa kontilo, hava tumbaleke unene ena lyaMuhona Jesus.

Ovilinga 3:8

iya ye wa lomboka, ha kulama, ha hiti nawo motempeli, wa enda ama lombauka, otjo ma tanga Kalunga.

2 Petrus 2:19

Ovapukithi va udhikila ovaitaveli ekutuluko, tainkolo wo ovene va ningwa ovapika mbava lundhaka. Iya omuntu ma ulu okuningwa omupika kovipuka mbyoka avihe mbimavi mu tumine.