Ovilinga 18:5 - Etestamende Epe Moludhimba

⁵ Iya Silas naTimoteus hive thiki, moKorinto okudha koMakedonia, va vadha Paulus ae litwaa mokuteetha odhondaka dhaKalunga nokuyulikila Ovajuda okutya Jesus oye e li Messias.

Ovilinga 18:5 Iomraidhean Croise

Lukas 12:50

Ame ndji tha okutjatjwa etjatjo, atjaa mba pongo katee mali hwithilwa po.

Lukas 16:28

mena lyokutya ndji na ovanitjandje ovalumentu vatano, ngava ka ilikin̯we, ahamave ya moluvedhe hendu lwoviihamo.’

Johannes 1:41

Andreas wa wanena dhiva nomukulwe Simon, he mu heele ha tyaa: “Nt̯e twa mono Messias.” Otjitya hehi matji tya Omuvavekwa.

Johannes 10:24

Iya Ovajuda ve mu onganena hava tyaa: “Katee nalun̯i mo tu kaleke momalimbililo? Tu heela otjatjili otjene, andaa ove Messias.”

Johannes 15:27

Nan̯e wo mamu ntjipulula, mena lyokutya mwa kala pamo naame okudha keutilo.

Johannes 3:28

N̯e ovene mudhombangi dhandje, himba tile: ‘Ame haame Messias, mba tenga vala okutumwa.’

Ovilinga 10:42

Kalunga we tu heela tu teethele ovantu avehe ondaka ombwa noku ve hipululila Jesus okutya wa holowolwa kuKalunga, a koye ovanamwenyo novat̯e.

Ovilinga 15:22

Ovayapostoli novanene veongalo neongalo alihe va tokola okuholowola ovalumentu vamo, have ve tumu koAntiokia pamo naPaulus naBarnabas. Va holowola Judas nguu tiwa Barsabas naSilas, mbava li ovanakomeho wovaitaveli,

Ovilinga 16:1

Paulus we ya koDerbe nokoListra, hukwa li omulongwa nguu tiwa oTimoteus. Ina, naye wa li Omujuda omwiitaveli, ihe wa li Omugreka.

Ovilinga 16:12

Hitwa dhi moNeapolis, twa ya kotjitungwalongo tjaFilippi, hitji li otjitungwalongo hitja tumbala moMakedonia, hukwa dhilukila Ovaroma, motjitungwalongo moka twa kala mo omatango amo.

Ovilinga 16:9

Kout̯iku Paulus wa mona emoneko, omulumentu Omumakedonia aa kulama komeho ye, he mu kumbu ha tyaa: “Yauka, u ye tjikoohino koMakedonia, u ye, u tu popile!”

Ovilinga 17:3

Iya ye we ve thitululila okutya Messias wa li ae na okutatethwa, kon̯ima ha imuka kout̯e. Paulus ha tyaa: “Iya Jesus, ame ngume mu hipululile, oye e li Messias.”

Ovilinga 18:28

Iya wa suka Ovajuda movipathi vyovantu avehe, ama itha momisonekwa okutya Jesus oye e li Messias.

Ovilinga 2:36

Iya Ovaisraeli avehe ngava kale ave tji i nawa okutya Jesus hengu ngumwa papela komutjaakano, Kalunga we mu ninga Muhona, naMessias.”

Ovilinga 20:21

Iya mba heela Ovajuda nOvagreka, ve liteyulule, wo va tjune kuKalunga, wo va itavele muMuhona wetu Jesus Kristus.

Ovilinga 20:23

Iya ame ndji tji i okutya motjitungwalongo atjihe Ombepo Ondhilikwa ya ntjeela okutya odhonkuto nomatatetho mavi nkevelele.

Ovilinga 20:24

Iya kombinga yandje ame híme yavala omwenyo wandje, tjinene vala me hwithile po ovilinga mbyoka Muhona Jesus mbyaa mpa okuundapa, vyokuteetha ondaka ombwa yet̯ilonkenda lyaKalunga.

Ovilinga 4:20

Nt̯e kaatu ulu okukala ahamatu hipulula hitwa mona nahitwa tyaa.”

Ovilinga 9:22

Iya Saulus wa vandhipala, ha kumitha Ovajuda womoDamasko, he ve yulikile okutya Jesus oye e li Messias.

2 Ovakorinto 1:19

Iya OmunwaKalunga, Jesus Kristus ngutwe mu teethela, nt̯e naSilvanus naTimoteus, haye e li “Iinga” na “Aai,” iya oye e li “Iinga.”

2 Ovakorinto 11:9

Iya ovakwetu mbava dha koMakedonia, va mpopila, hava mpa atjihe himba li amba hepa. Movipuka avihe híme hala oku mu twika omutenge okutya ahame mu ulithwa, otjo me ningi nokomeho.

2 Ovakorinto 5:14

Iya ohole yaKristus mai tu tumine, mena lyokutya twa koneka okutya omuntu umo wa t̯ila ovantu avehe. Hehi matji tya ovantu avehe va t̯a.

Ovafilippi 1:23

Me n̯in̯ikidhwa kuvali, me hala okudha po ndji kale puKristus, mena lyokutya otjo matji nt̯evelwa unene.

1 Ovatessalonika 3:2

Twa tuma omukwetu, Timoteus, nguu undapa otjilinga tjaKalunga nguu teetha ondaka ombwa yaKristus, opo e mu pameke, e mu vandhipaleke meitavelo.

1 Ovatessalonika 3:6

Iya napano Timoteus hiaa dha hoka, hiee ya kunt̯e, we tu heela ondaka ombwa yeitavelo noyohole yen̯i. We tu hipululila okutya mu tu thipaluka, n̯e mwe tu dhimbaluka unene, ngant̯e wo hitwe mu dhimbaluka.

1 Petrus 5:12

Silas, omukwetu ngumbe liun̯ika, wa mpopila okuntjonekela ko omukanda hembu pauthupi. Me hala oku mu vandhipaleka, ndji mu hipululile okutya hehi et̯ilonkenda lyaKalunga lyatjatjili. Kalen̯i amwa kola.