Ovilinga 18:23 - Etestamende Epe Moludhimba

²³ Moka omo a kala omatango amo. Kon̯ima ha ka valulila po ovilongo novilongo vyomotjit̯indwalongo tjaGalatia notjaFrigia. Wa popila ovaitaveli vahoka, va kole meitavelo lyawo.

Ovilinga 18:23 Iomraidhean Croise

Lukas 1:3

Teofilus omutumbalekwa, himba thongonona ovipuka avihe okudha keutilo, mba mono okutya tji li nawa naame wo ndji ku sonekele vyo mokuliyondja kwavyo,

Lukas 22:32

Iya ame mbe ku kumbile, eitavelo lyoye ahamali dhimi mwoove. Naove himo tjuna, koleka ovakwen̯i.”

Lukas 22:43

Omweengeli womeulu we mu hololokela, he mu pameke.

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovilinga 15:32

Judas naSilas mboka mbava li ovaprofeti va popya otjingi okukoleka nokuvandhipaleka ovaitaveli.

Ovilinga 15:41

Ye wa yatakana moSiria nomoKilikia ama pameke omaongalo.

Ovilinga 16:40

Paulus naSilas va dha mo mokaliwoso, hava i koyaLidia. Hoka oko va ka wanena novaitaveli ovakwawo, have ve vandhipaleke meitavelo. Tjau hiva dhi mpoka, hava i.

Ovilinga 16:6

Paulus naSilas naTimoteus va pitakana motjit̯indwalongo hitji tiwa oFrigia nomoGalatia, Ombepo Ondhilikwa ye ve tjaela okuteethela ondaka yaKalunga moAsia.

Ovilinga 19:1

Iya Apollos tainkolo a li moKorinto, Paulus wa yatakana movilongo vyomalukonko katee e ya koEfeso. KoEfeso wa vadha ko ovaitaveli vamo,

Ovilinga 2:10

nOvafrigia nOvapamfilia nOvaegipiti nowomovilongo mbyoka vyaLibia mbyaa ama koKireni nOvaroma hemba mbava kala muno nOvajuda mbava yumukilwa moujuda nambave lininga Ovajuda,

1 Ovakorinto 16:1

Iya napano ouhunga nokwoongedhela ovadhilikwa vaKalunga odhombongo nan̯e wo ningen̯i ngahi mba heela omaongalo omoGalatia.

Ovagalati 1:2

Ovakwetu avehe mbatu li nawo, mava menekele po omaongalo omoGalatia.

Ovagalati 1:9

Ngahi twe mu heela lukulu, iya otjo me mu heele uke okutya auhe ngume mu teethele ondaka imo uke, ndjihai thi ndjimwa tambula, nga thingwe.

Ovagalati 4:14

Nandaku tiwa mwa mona omaudheu mena lyonkalo yandje, n̯e kamu ntombele ne okundjekelahi, iya mwa ntambula ngomweengeli waKalunga, ngaKristus Jesus.

1 Ovatessalonika 3:2

Twa tuma omukwetu, Timoteus, nguu undapa otjilinga tjaKalunga nguu teetha ondaka ombwa yaKristus, opo e mu pameke, e mu vandhipaleke meitavelo.

1 Ovatessalonika 4:18

Iya livandhipaleken̯i nodhondaka hendhi.

1 Ovatessalonika 5:14

Vakwetu, matu mu pukulula, mbave na ondende, ve pukululen̯i, mbava lya owoma, ve vandhipaleken̯i, popilen̯i ovingone, avehe ve talen̯i nonkenda.