Ovilinga 18:21 - Etestamende Epe Moludhimba

²¹ Iya ye we ve lekela ama tyaa: “Kalunga andaa we tji hala, me tjuna uke.” Paulus moEfeso wa dha mo nombapolo.

Ovilinga 18:21 Iomraidhean Croise

Mateus 26:39

Wa hweena uke komeho kanunu, ha wile pohi ompupama, ha kumbu, ha tyaa: “Taa, andaa matji tjiiwa otjinwino hehi ngatji mpon̯oke. Iya hangahi me hala, ongahi mo hala.”

Markus 6:46

Kon̯ima yoku ve lekela, wa londa kondundu oku ka kumba.

Lukas 9:61

Umo we mu heela ha tyaa: “Muhona, me hala ndji ku landule, iya mpopila ndje olutenga ndji tji ka lekele owokonganda.”

Ovilinga 15:29

Hámu li ovikulya vyombaveka, hámu li ombindhi ne onyama yotjipuka hitja pondwa, n̯e hámu lala novantu. Andaa mamu litjaele ovipuka hembi, mamu ningi nawa. Kalen̯i po nawa!”

Ovilinga 18:19

Wo ve ya moEfeso, moka Paulus mwaa thiaa Priskila naAkula, ye wa ya kosinagoga hoka huva ka tompola nOvajuda.

Ovilinga 18:20

Iya Ovajuda hiva pula Paulus, a kale pamo nawo omatango omengi, ye ka itavelele.

Ovilinga 18:24

Omujuda umo nguu tiwa oApollos ngwaa yumukilwa moAleksandria, we dhile koEfeso. Ye wa li nounongo wokupopya nokwiiwa omisonekwa.

Ovilinga 19:1

Iya Apollos tainkolo a li moKorinto, Paulus wa yatakana movilongo vyomalukonko katee e ya koEfeso. KoEfeso wa vadha ko ovaitaveli vamo,

Ovilinga 19:17

Ovajuda nOvagreka avehe mbava kala moEfeso, hive tji tee, va kambulwa kontilo, hava tumbaleke unene ena lyaMuhona Jesus.

Ovilinga 19:21

Kon̯ima yovipuka avihe mbyaa ningwa ko, Paulus wa tokola okuyatakana moMakedonia naAkaia hima i koJerusalem. Ye wa popya ha tyaa: “Hime dhi ho, me tha okuya koRoma.”

Ovilinga 20:16

Iya Paulus wa tokolele okutya ahama ende moEfeso, opo há mana po oluvedhe lwe moAsia. Ye wa li aa kanyauka, wa li ama hala okutya andaa matji tjiiwa, e ke thike koJerusalem metango lyaPentekoste.

Ovilinga 21:14

Iya híhe tu itavelele oku mu anda, twa nyima, hatu tyaa: “Ehalo lyaMuhona Kalunga ngali hwithilwe po.”

Ovilinga 21:29

Wo va popya nyahoka, mena lyokutya va mwene Trofimus ngwaa dhile koEfeso, ae li pamo naPaulus motjitungwalongo, wo hava tya pamo we mu twalele motempeli.

Ovaroma 1:10

momaalikano andje. Apehe ndji kumba, ehalo lyaKalunga andaa mokaluvedhe heha kathiinina mali mpa omuhunga ndji ye kun̯e.

Ovaroma 15:32

Andaa Kalunga we tji hala, ame me ya kun̯e nehuluko, ndji ye tu thuve po.

1 Ovakorinto 15:32

Iya andaa mba lwa novithitu moEfeso monkalo yountu, mba nganyana tji? Andaa ovat̯e kaava imunwa kout̯e, okutya “Ngatu lye, tu nwe, mena lyokutya muhuka matu t̯i,” ngahi tji hewa.

1 Ovakorinto 16:7

Napano híme hala vala ndji ende po, iya me liun̯ike okutya me ya oku mu valulila po outango, Muhona ae tji hala.

1 Ovakorinto 16:8

Iya me ka kala moEfeso katee poPentekoste.

1 Ovakorinto 4:19

Muhona andaa we tji hala, ame me ke ya dhiva oku mu valulila po, ndji ke limonene ko omwene, hahitji popiwa vala kovalinomi hemba, iya nokutala wo odhonkono dhawo.

2 Ovakorinto 13:11

Vakwetu, iya kalen̯i nawa! Kalen̯i amwa hwile po okupwa. Vandhipalekwen̯i, mu ilikin̯we, kalen̯i nomalipulo amo, kambulithen̯i ouwa. Kalunga nguu hole ovantu, nguu na ouwa, ma kala pamo nan̯e.

Ovaefeso 1:1

Omukanda hembu mau dhi kwaame Paulus, omuyapostoli waKristus Jesus kehalo lyaKalunga. Me sonekele ovadhilikwa vaKalunga mbava kala moEfeso, mbava itavela muKristus Jesus.

Ovaheberi 6:3

Iya otjo matu hala okuninga, Kalunga ae tji hala.

Jakob 4:15

Ngaile mu popya wo amamu tyaa: “Muhona andaa me tji hala, atjaa ame he kala wo nomwenyo, me ka undapa otjontumba ne otjongandi.”

1 Petrus 3:17

Iya awa undapa ouwa, atjaa ho tatethwa, tji li nawa, andaa himo tatethelwa tji li kehalo lyaKalunga, tja pon̯a okutatethelwa okuundapa ouvi.

Eholololo 1:11

hai tyaa: “Soneka medhingwambo hiuu lwete, ove u li tumine omaongalo epanduvali: LyokoEfeso nolyokoSmirna nolyokoPergamo nolyokoTiatira nolyokoSardes nolyokoFiladelfia nolyokoLaodikea.”

Eholololo 2:1

“Sonekela omweengeli weongalo lyokoEfeso, u tyee: “Nguu na odhonyothi epanduvali mokuwoko kwe kwokokulyo, nguma ende pokati kovituliko vyodholamba vyotjingoldo epanduvali, ma tyaa: