Ovilinga 18:12 - Etestamende Epe Moludhimba

¹² Iya Gallio hiaa li omutumini moAkaia, Ovajuda ve litwaa kumo, hava kambula Paulus, have mu twala kompela.

Ovilinga 18:12 Iomraidhean Croise

Mateus 27:19

Iya tainkolo Pilatus a li kotjipunditumino, omukadhe we mu tumina elaka ha tyaa: “Omulumentu hengu omuvyuuki. Hó mu ningile ouvi, mena lyokutya otjit̯iku tjandino mba loto ondjodhi ombi ouhunga naye.”

Johannes 19:13

Iya Pilatus hiaa tee odhondaka ndhoka, wa twala Jesus pondje, ye ha kala pohi kotjipunditumino poluvedhe ndoka nduu tiwa ondambo yOmawe, mOtjiheberi “Gabbata.”

Ovilinga 13:12

Omutumini hiaa mono soka hitja ningwa, wa itavela. Iya he kuminwa elongo lyaMuhona.

Ovilinga 13:50

Ovanene wOvajuda va ya kovalumentu mbava tumbala motjitungwalongo moka nokovakadhintu mbava tumbala, mbava undapela Kalunga. Ve ve longa ovimama okutya ahamava itavele mooPaulus naBarnabas, hava utu oku ve kondjetha, nopotjilongo mpoka have ve lamba po.

Ovilinga 13:7

Ye wa li epanga lyomutumini wompanga, Sergius Paulus, ngwaa li omulumentu wodhondunge. Omutumini hengu wa ithana Barnabas naSaulus, ve ye kuye mena lyokutya wa li ama hala okutyaa odhondaka dhaKalunga.

Ovilinga 13:8

Ompule hendji Elimas (Elimas ena lye mOtjigreka) ya t̯ila Barnabas naSaulus onki, hai kondjo okutjaela omutumini okutya ahama itavele muKalunga.

Ovilinga 14:19

Ovanene vamo wOvajuda mbava dhile koAntiokia nokoIkonium, va longa ovantu ovimama, va kondjethe Paulus, ve mu tona nomawe, hava tya pamo wa t̯i, have mu kokololele kotjila tjotjitungwalongo.

Ovilinga 14:2

Iya Ovajuda mbava anya okwiitavela, va longa ovapaani ovimama okutya va kondjethe ovaitaveli.

Ovilinga 17:13

Iya Ovajuda wokoTessalonika hiva tee okutya Paulus wa teetha odhondaka dhaKalunga moBerea, ve ya ko, hava utu okuhongaetha owingi wovantu, have ve ngwangwaneke.

Ovilinga 17:5

Iya Ovajuda ve ve t̯ila onki, hava ongedha ovalumentu wondjaya nambava vadhwa pomalandethelo, va kongolola ovantu, hava tono otjuuyila motjitungwalongo, hava hitilile onganda yaJason, amava taendha Paulus naSilas, ve ve ete komeho yowingi wovantu.

Ovilinga 18:11

MoKorinto Paulus wa kala mo ombula imo nomiedhi epandu, ama longo ovantu ondaka yaKalunga.

Ovilinga 18:27

Iya Apollos hiaa li ama hala okuya koAkaia, ovaitaveli womoEfeso ve mu popila mouwa, wo hava soneke omukanda, e u twaelele kovaitaveli mbave li koAkaia, oku ve heela okutya ve mu yakule nawa. Iya ye hiee thiki, wa popila unene ovantu mboka mbava ninga ovaitaveli ket̯ilonkenda lyaKalunga.

Ovilinga 19:21

Kon̯ima yovipuka avihe mbyaa ningwa ko, Paulus wa tokola okuyatakana moMakedonia naAkaia hima i koJerusalem. Ye wa popya ha tyaa: “Hime dhi ho, me tha okuya koRoma.”

Ovilinga 25:10

Paulus we mu yaka ha tyaa: “Ame mba kulama mompela yomukesari, omo me tha okukoyelwa. KOvajuda hí na ko notjimo himba lundha, naove omwene ngahi u tji i nawa.

Ovaroma 15:26

Iya Ovamakedonia nOvaakaia va mona okutya tji li nawa okwoongedha odhombongo dhokupopila ovadhilikwa vaKalunga ovathona womoJerusalem.

Ovaroma 16:5

Eongalo ndii onganena moyawo nalyo li menekelen̯i po. Menekelen̯i po Epainetus, omuhivilikwa wandje, nguu li omutenga waKristus moAsia.

1 Ovakorinto 16:15

OwoyaStefanas mu ve i, owo ve li ovakriste ovatenga moAkaia, mbave liyandjela otjilinga tjokupopila ovadhilikwa vaKalunga. Vakwetu, me mu ilikin̯a,

2 Ovakorinto 1:1

Omukanda hembu mau dhi kwaame Paulus, omuyapostoli waKristus Jesus kehalo lyaKalunga, wo mau dhi wo nokomukwetu Timoteus. Me sonekele eongalo lyaKalunga lyomoKorinto nokovadhilikwa vaKalunga avehe mbave li moAkaia atjihe.

2 Ovakorinto 11:10

Ngahi ndji na otjatjili tjaKristus, okulitanga kwandje kaaku ka nyimithwa kovantu womotjit̯indwalongo tjomoAkaia.

2 Ovakorinto 11:26

Otwingi modhondjila dhandje mba li moudheu womilonga, moudheu wovapundi, moudheu wotjiwan̯a tjandje, moudheu wovapaani, moudheu womovitungwalongo, moudheu womomakuti, moudheu womelunga nomoudheu womokati kovaitaveli vakwetu wovithithi.

2 Ovakorinto 9:2

Ndji tji i okutya mu na ehalo okupopila, iya me litangele n̯e movipathi vyOvamakedonia. Mbe ve heela okutya ovakwetu owokoAkaia va kala ave lilongekedha okupopila okudha ouvali. Ouvandhi wen̯i wa tutumuna ovengi owomuwo.

1 Ovatessalonika 2:14

Iya vakwetu, mwa ila ovalanduli womaongalo aKalunga, ngaa kala moJudea, ngae li muKristus Jesus, mena lyokutya nan̯e wo mwa tatethelwe kowoyen̯i ngawo hiva tatethelwe wo kOvajuda,

1 Ovatessalonika 2:16

Ve tu tjaela hitu teethela ovapaani okutya va hupithwe. Iya nyahoka mave yulitha apehe oulundhi wawo. Iya okudha mpoka oluyuma lwaKalunga halu ya kombanda yawo.

Jakob 2:6

Iya n̯e mwa tomba ovathona. Mbave mu tatetha nambave mu twala movipopya nan̯i havahona?