Ovilinga 17:23 - Etestamende Epe Moludhimba

²³ Iya ame mba li ame endaenda motjitungwalongo tjen̯i, mba tala omaluvedhe en̯i omadhilikwa, mbe lipuma motjiyambelo hitja sonekwa hinyahi: ‘Otjiyambelo tjaKalunga nguhe iwe.’ Kalunga ngoka ngumu kumba, nguhamu i, ame oye me mu teethele.

Ovilinga 17:23 Iomraidhean Croise

Mateus 15:9

Va ndjundapela vala nyahinya, mena lyokutya va longetha omalongo odhonteto dhovantu.’ ”

Johannes 17:25

Taa omuvyuuki, ouye kau ku i, iya ame ndji ku i, namboka ovandje ve ku i okutya ove wa ntuma.

Johannes 17:3

Omwenyo waapehe hoowombu, okutya ve ku iwe ove Kalunga aika katjatjili, wo va iwe wo Jesus Kristus, ngoka nguwa tuma.

Johannes 4:22

N̯e Ovasamaria ngumu kumba, kamu mu i. Nt̯e Ovajuda tu mu i ngoka ngutu kumba, mena lyokutya ehupitho mali dhi mOvajuda.

Johannes 8:54

Jesus we ve yaka ha tyaa: “Ame ngaile me litumbaleke omwene, ngai etumbalo lyandje kali na tjilinga. Tate, ngumu tya, oye e li Kalunga ken̯i, oye a ntumbaleka.

Ovilinga 17:30

Kalunga we likambulithila ovantu potembu ndjoka hiva li ahave mu i. Iya napano ma heele ovantu avehe akuhe ve liteyulule.

Ovaroma 1:28

Iya nawo ngahi háva itavele ondunge yaKalunga, Kalunga naye wo we ve yethela mowoova wawo, va undape hihatja thele okuundapwa.

1 Ovakorinto 1:21

Iya ounongo waKalunga kau itavelele, ouye u iwe Kalunga kounongo wawo. Kalunga wa tokola okuhupitha mbava itavela hiaa undapetha eteetho lyetu ndii tiwa owoova.

1 Ovakorinto 8:5

Iya andaa ku na mbyoka mbiku tiwa “ovikalunga” kutya omeulu ne okombanda yohi, nandaku tiwa ku na “ovikalunga” ovingi, “nomalombe” omengi,

Ovaefeso 2:12

Potembu ndjinya hihamwa li naKristus, mwa li ahamu na oukwatjiwan̯a waIsrael, ovantu vaKalunga. Mwa li odhongendi mbahamu li mewaneneno lyeudhiko. Kamwa li neliun̯iko n̯e kamwa li naKalunga mouye.

2 Ovatessalonika 2:4

ma ka kondjetha odhombepo adhihe ne ovikalunga avihe mbyoka ovantu mbiva tumbaleka. Me ke linomena ovipuka avihe, ha ka kala motempeli yaKalunga, he liluku Kalunga.

1 Timoteus 1:17

Ohamba yaapehe, nguha t̯i, nguha moneka, Kalunga aika, nga tumbalekwe, ye nga hivilikwe, apehe katee apehe. Amen.

1 Johannes 5:20

Nt̯e tu tji i okutya OmunwaKalunga we ya, he tu pa etyeeko, opo tu iwe Kalunga katjatjili. Nt̯e tu li muye nguu li owatjatjili, mOmuna Jesus Kristus. Oye e li Kalunga katjatjili, nomwenyo waapehe.