Ovilinga 17:12 - Etestamende Epe Moludhimba

¹² Owingi womuwo va ninga ovaitaveli, novakadhintu ovengi Ovagreka ovatumbalekwa novalumentu ovengi Ovagreka va ninga ovaitaveli.

Ovilinga 17:12 Iomraidhean Croise

Markus 15:43

Josef owokoArimatia, omutumbalekwa womOtjoongi tjovanene, ngoka wo ngwaa li ama kevelele otjilongo tjaKalunga, we ya aa vandhipala, ha i kuPilatus, he mu kumbu otjivimbi tjaJesus.

Johannes 7:17

Kwalukele ngoka nguma hala okuundapa ehalo lyaKalunga, ma ka nongonoka elongo hendi ndime longo, andaa lya dha kuKalunga, ne me popi vala mwaame omwene.

Ovilinga 13:46

Iya Paulus naBarnabas va popya nouvandhi hava tyaa: “Nt̯e olutenga tainkolo hátuya teethela ovantu vamo, on̯e twa thele okuteethela ondaka hendji yaKalunga. Iya n̯e kamu i tambulile. Hehi matji tya, n̯e mwe limona okutya kamu thevelwe okuya momwenyo waapehe. Iya nt̯e napano matu ka teethela ovapaani.

Ovilinga 13:50

Ovanene wOvajuda va ya kovalumentu mbava tumbala motjitungwalongo moka nokovakadhintu mbava tumbala, mbava undapela Kalunga. Ve ve longa ovimama okutya ahamava itavele mooPaulus naBarnabas, hava utu oku ve kondjetha, nopotjilongo mpoka have ve lamba po.

Ovilinga 14:1

Paulus naBarnabas va teetha mosinagoga yOvajuda moIkonium, ngahi va ningile moAntiokia. Ovajuda nOvagreka ovengi hava ningi ovaitaveli mena lyeteetho lyawo.

Ovilinga 2:47

hava tanga Kalunga. Va li ava hopwa kovantu avehe, etango alihe Muhona wa wedha mo mokati kawo mbava hupithwa.

1 Ovakorinto 1:26

Vakwetu, talen̯i okutya mwa vadhwa amu li vi, Kalunga hiee mu ithana. Okupopya mountu havengi mbava li ovanongo, havengi mbava li ovanadhonkono, havengi mbava ingonekwa.

Ovaefeso 5:14

Iya otjipuka atjihe himatji etwa poluhandja, matji ile otjiten̯i. Ngahi maku tiwaa: “Nguwa lala, imuka po, kulama, dha mo movat̯e, Kristus me ku tungatele.”

Jakob 1:10

Omuntu omuhona, Kalunga ae ku tjun̯a pohi, wa thele okuhulukwa, mena lyokutya omuhona ma ka t̯a ngontemo yehodhi.

Jakob 1:21

Iya yethen̯i osilo aihe, nouvi auhe, n̯e mu tutuvale, mu tambule ondaka ndjimwa twikwa, ndjimai ulu okuhupitha omienyo vyen̯i.