Ovilinga 16:9 - Etestamende Epe Moludhimba

⁹ Kout̯iku Paulus wa mona emoneko, omulumentu Omumakedonia aa kulama komeho ye, he mu kumbu ha tyaa: “Yauka, u ye tjikoohino koMakedonia, u ye, u tu popile!”

Ovilinga 16:9 Iomraidhean Croise

Ovilinga 10:3

Etango limo powola ontyatatu yokomatango Kornelius wa mona emoneko, omweengeli waKalunga ame ya kuye, ye he mu ithana ha tyaa: “Kornelius!”

Ovilinga 10:30

Kornelius wa yaka ha tyaa: “Iya hipa piti omatango ane powola nawanawa ngahendji, ame mba vadhwa ame kumbu monganda yandje powola ondatu yokomatango. Dhivadhiva mbe ya okulihaka momulumentu ngwaa kulama komeho yandje, nguu na ovikutu mbimavi ngen̯auka.

Ovilinga 16:10

Iya Paulus hiaa mona emoneko, dhivadhiva twa uta okulipula ondjila yokuya koMakedonia, mena lyokutya twa mona okutya Kalunga we tu ithana, tu ka teethe ondaka ombwa kovantu womotjilongo soka.

Ovilinga 16:12

Hitwa dhi moNeapolis, twa ya kotjitungwalongo tjaFilippi, hitji li otjitungwalongo hitja tumbala moMakedonia, hukwa dhilukila Ovaroma, motjitungwalongo moka twa kala mo omatango amo.

Ovilinga 18:5

Iya Silas naTimoteus hive thiki, moKorinto okudha koMakedonia, va vadha Paulus ae litwaa mokuteetha odhondaka dhaKalunga nokuyulikila Ovajuda okutya Jesus oye e li Messias.

Ovilinga 19:21

Kon̯ima yovipuka avihe mbyaa ningwa ko, Paulus wa tokola okuyatakana moMakedonia naAkaia hima i koJerusalem. Ye wa popya ha tyaa: “Hime dhi ho, me tha okuya koRoma.”

Ovilinga 19:22

Paulus wa tuma ovapopili ve vavali Timoteus naErastus koMakedonia, ye tainkolo me tji kala kanunu koAsia.

Ovilinga 19:29

Otjuuyila hehi tja handjana notjitungwalongo atjihe. Ovantu avehe va lombokela Ovamakedonia vavali, Gaius naAristarkus, mboka mbava endele pamo naPaulus, have ve lambele kontanga yovidhano.

Ovilinga 20:1

Kon̯ima otjuuyila hitja u pohi, Paulus wa ithana ovaitaveli, he ve vandhipaleke, he ve lekele, ha tyaa: “Kalen̯i po nawa.” Iya he ve thii po, ha i koMakedonia.

Ovilinga 20:3

ha ka kala ko oule womiedhi vitatu. Tainkolo Paulus a li ama longele, a ende koSiria, wa nongonoka okutya Ovajuda ve mu panga ompango. Iya wa tokolele okutjuna nondjila ndjii pitila moMakedonia.

Ovilinga 27:2

Nt̯e twa londa mombapolo yokoAdramiti ndjaa li amai i komahelulilo ngoka ngae li pontyo yelunga motjit̯indwalongo tjaAsia. Twa ya melunga, hatu ende pamo naAristarkus, Omumakedonia ngwaa dhile koTessalonika.

Ovilinga 9:38

Ovaitaveli va vadhwa ava tee okutya Petrus u li moLidda. Iya mena lyokutya Lidda ya li popedhi naJoppe, va tuma ovalumentu vavali kuPetrus nelaka ndimali tyaa: “Alikana kanyauka, indjo kunt̯e!”

Ovaroma 15:26

Iya Ovamakedonia nOvaakaia va mona okutya tji li nawa okwoongedha odhombongo dhokupopila ovadhilikwa vaKalunga ovathona womoJerusalem.

2 Ovakorinto 11:9

Iya ovakwetu mbava dha koMakedonia, va mpopila, hava mpa atjihe himba li amba hepa. Movipuka avihe híme hala oku mu twika omutenge okutya ahame mu ulithwa, otjo me ningi nokomeho.

2 Ovakorinto 12:7

Iya okutya opo hé linomene omamoneko omanene, mba tuwa okuya molutu lwandje, omweengeli waSatana a ntone unene, opo hé linomo.

2 Ovakorinto 7:5

Iya hitwe ya moMakedonia, katu thuvile, iya twa li nomaudheu akuhe, tjikootjimo otjilwa novantu vamo, tjikootjimo owoma momienyo.

2 Ovakorinto 8:1

Vakwetu, matu mu heele mu iwe et̯ilonkenda, Kalunga ndyaa yandja momaongalo omoMakedonia.

2 Ovakorinto 9:2

Ndji tji i okutya mu na ehalo okupopila, iya me litangele n̯e movipathi vyOvamakedonia. Mbe ve heela okutya ovakwetu owokoAkaia va kala ave lilongekedha okupopila okudha ouvali. Ouvandhi wen̯i wa tutumuna ovengi owomuwo.

1 Ovatessalonika 4:10

Ohole yen̯i mwe i yulikila ae ovakwen̯i avehe mbava kala moMakedonia. Iya matu mu vandhipaleke mu kale amu lihole okupon̯a mpoka.