Ovilinga 16:25 - Etestamende Epe Moludhimba

²⁵ Iya mokati kovit̯iku Paulus naSilas va kala amava kumbu, otjo mava imbile Kalunga. Odhonkwatwa odhonkwawo dha li amadhi teelele kuwo.

Ovilinga 16:25 Iomraidhean Croise

Lukas 22:44

Wa li moviihamo ovinene, ha kumbu aa mana mo. Oupyu we wa tota ngomata ombindhi amai totele pohi.

Ovilinga 15:22

Ovayapostoli novanene veongalo neongalo alihe va tokola okuholowola ovalumentu vamo, have ve tumu koAntiokia pamo naPaulus naBarnabas. Va holowola Judas nguu tiwa Barsabas naSilas, mbava li ovanakomeho wovaitaveli,

Ovilinga 16:19

Iya ovahona ve hive tji mono okutya eliun̯iko lyawo lyokumona emona lyodhombongo lya keka, va lombokela Paulus naSilas, have ve kambula, have ve twala koluvedhe lwomalandethelo kovatumini.

Ovilinga 16:33

Iya powola ndjoka yout̯iku omuyungi wa itha po Paulus naSilas, ha ka koha oviwalo vyawo. Iya ye pamo nowomonganda avehe va tjatjwa dhivadhiva.

Ovilinga 5:41

Ovayapostoli va dha mOtjoongi tjOvanene ave hulukwa, mena lyokutya Kalunga we ve tala okutya va yauka okutatethelwa ena lyaJesus.

Ovaroma 12:12

Hulukwen̯i mekevelelo, likambulithilen̯i momaudheu, kambulithen̯i ealikano.

Ovaroma 5:3

Hatjo vala soka, iya matu hulukilwa wo omaudheu, hitu tji i okutya moudheu mamu dhi okulikambulithila.

2 Ovakorinto 6:10

Tu ngala mbatwa etetha onkenda, nandaku tiwa twe hulukwa apehe. Tu ngala ovathona, nandaku tiwa ovengi twe ve ninga ovahona. Tu ngala mbahatu na hitu na tjo, nandaku tiwa tu na ouhona wovipuka avihe.

Ovaefeso 5:19

Liheelen̯i omapisalomi, omaimbilo noviimbo vyopambepo, imben̯i mu tange Muhona momitima vyen̯i.

Ovafilippi 2:17

Iya eitavelo lyen̯i olyo li li eyambo motjilinga tjaKalunga, iya ame nande yandjwa ngeyambo, me hulukwa, me linyandaele pamo nan̯e amuhe.

Ovakolossa 1:24

Iya ame napano mbe hulukwa, hime tatethwa mena lyen̯i. Ame me hwithile po nolutu lwandje omaudheu ovipuka mbihavya ningililwe olutu lwaKristus, nduu li eongalo.

Ovaheberi 5:7

Jesus monkalamwenyo ye kombanda yohi wa kumba, ha pula, ha kuu nomihodhi kuKalunga, ngoka nguma ulu oku mu hupitha met̯o. Kalunga we mu tyaa, mena lyokutya we linunupika, he liyandja kuye.

Jakob 1:2

Vakwetu, litalen̯i okutya muvanalao, andaa mwa vadhwa komatyoletho ngae lili nangae lili.

Jakob 5:13

Mokati ken̯i andaa pe na nguu na oudheu, nga kumbe, andaa pe na ngwee hulukwa, nga imbe oviimbo okuhivilika.

1 Petrus 4:14

Amamu lalulwa mena lyokutya mwa itavela muKristus okutya muvanalao, mena lyokutya Ombepo yelaimo, Ombepo yaKalunga i li kombanda yen̯i.