Ovilinga 16:23 - Etestamende Epe Moludhimba

²³ Iya Paulus naSilas hiva dhi pokutonwa, va yedhililwa mokaliwoso. Omuyungi wokaliwoso wa heelwa okutya nge ve takamethe nawa.

Ovilinga 16:23 Iomraidhean Croise

Mateus 26:48

Omuweleleki wa vadhwa ae ve n̯anga onyala, ha tyaa: “Ngume hupita, oye e li ye, mu kambulen̯i.”

Lukas 21:12

Iya ovipuka mbyoka tainkolo háviya ningwa, mave ke mu kambula, have mu taata. Mave ke mu twala modhosinagoga, have ke mu yedhilila mouliwoso, have mu twala kovipala vyodhohamba novyovatumini mena lyandje.

Ovilinga 12:18

Iya komuhuka hikwa tji, ovayungi va li ava tila unene, mena lyokutya kava li ave tji i okutya Petrus wa i pi.

Ovilinga 12:4

Hiee mu kambula, we mu twaa mokaliwoso, he mu yandja kovilombo vine, otjilombo atjihe tja li novakwavita vane, va ninge odholenda, himave mu yungu. Herodes we lipula okutya me ke mu eta kovikoya kotjipala tjovantu kon̯ima yetango enene lyOpaasa.

Ovilinga 16:27

Iya omuyungi wokaliwoso hiaa pathumuka wa mona omivelo vyokaliwoso avya yeluka, wa soka okutya odhonkwatwa adhihe kadhi mo, dha ka inkola. Ye wa nana mo omukonda we, e lidhipae.

Ovilinga 16:36

Iya omuyungi wokaliwoso wa heela Paulus ha tyaa: “Ovatumini va ntumine elaka ndimali tya nge mu yethe mu ende, n̯e naSilas. Iya kulamen̯i mu ende nouwa.”

Ovilinga 5:18

Va kambulitha ovayapostoli, have ve yedhilile mokaliwoso.

Ovilinga 5:23

“Nt̯e hitwe ya kokaliwoso, twa vadha omivelo avya yedhilwa nawa novayungi amava yungu pomivelo, iya hitwa hiti mo katu vadhele mo omuntu noumo.”

Ovilinga 8:3

Iya Saulus wa uta okuhan̯auna po eongalo. Ye wa hita modhonganda, ha kokolola mo ovaitaveli, ovalumentu novakadhintu, he ve yedhilile mokaliwoso.

Ovilinga 9:2

he mu kumbu, a pewe omikanda, a ende navyo kovanene wodhosinagoga dhomoDamasko, opo e tjiiwe okukambula ovalanduli avehe wondjila yaMuhona Jesus, mboka mbama ka vadha ko, ovalumentu ne ovakadhintu, e ve ete odhonkwatwa koJerusalem.

2 Ovakorinto 11:23

Va undapela Kristus? Me popi ngomulumentu nguhe na odhondunge, okutya mbe ve pon̯a. Mba undapa unene oku ve pon̯a. Mba kala mokaliwoso otwingi oku ve pon̯a, mba tonwa unene oku ve pon̯a, povikando ovingi mbe tje t̯a.

2 Ovakorinto 6:5

Twa tonwa, twa tuwa mouliwoso, twa lwithwa. Twa undapethwa ovilinga ovidheu, katwa li noluvedhe okulya ne okulala.

Ovaefeso 3:1

Ame Paulus ndjinkwatwa mena lyokutya n̯e ovapaani ndji mu teethela Kristus Jesus,

Ovaefeso 4:1

Ame ndjinkwatwa mena lyokutya ndji undapela Muhona, me mu kumbu mu ende ngahi mwa thele okweenda paithano ndimwa ithanenwa,

2 Timoteus 2:9

Me tatethwa hindji teetha ondaka ombwa, mba kutwa ndji ngala omputji. Iya odhondaka dhaKalunga kadhi kutilwe.

Filemon 1:9

iya mena lyohole, me ku kumbu. Iya ame Paulus ndji li ngahi ndji li, mba kulupa, iya napano wo ndjinkwatwa yaKristus Jesus.

Eholololo 1:9

Aame Johannes omukwen̯i, ngundji na oukumo umo nan̯e muJesus mokulikambulithila, moudheu nomotjilongo tje. Mba li kompanga ndjii tiwa oPatmos, mena lyokutya mba teetha odhondaka dhaKalunga, ame he hipulula Jesus.

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.