Ovilinga 16:15 - Etestamende Epe Moludhimba

¹⁵ Iya Lidia pamo nonganda ye hiva tjatjwa, we tu konga tu ye konganda ye, ha tyaa: “Iya amu ndwete okutya ndjimuliun̯ikwa muMuhona, indjen̯i mu kale monganda yandje.” Iya he tu hekele, tu kale puye.

Ovilinga 16:15 Iomraidhean Croise

Mateus 10:41

Ngoka nguma tambula omuprofeti mena lyokutya omuprofeti, ma mono ondjambi yomuprofeti. Nguma tambula omuvyuuki mena lyokutya omuvyuuki, ma mono ondjambi yomuvyuuki.

Mateus 3:6

wo hava tjatjwa kuye momulonga waJordan, hiva hipulula odhonkali dhawo.

Lukas 14:23

Omuhona wa heela omupika we ha tyaa: ‘Enda kodhondjila nokomivanda, u ve tumin̯in̯e ve ye, onganda yandje opo i yule.

Lukas 24:29

Iya ve mu tumin̯in̯a hava tyaa: “Kala punt̯e, mena lyokutya kwa toko, netango lya hiti.” Jesus wa ya monganda, a kale puwo.

Ovilinga 11:14

Petrus me ku heele ondaka ndjimai ku hupitha pamo nonganda yoye aihe.’

Ovilinga 16:31

Paulus naSilas ve mu yaka hava tyaa: “Itavela muMuhona Jesus, ove u hupithwe nonganda yoye.”

Ovilinga 16:33

Iya powola ndjoka yout̯iku omuyungi wa itha po Paulus naSilas, ha ka koha oviwalo vyawo. Iya ye pamo nowomonganda avehe va tjatjwa dhivadhiva.

Ovilinga 16:34

Omuyungi wa twala Paulus naSilas konganda ye, he ke ve pa ovikulya, wa li ae hulukwa unene pamo novantu wonganda ye avehe, mena lyokutya napano wa itavele muKalunga.

Ovilinga 18:8

Krispus, ngwaa li omunene wosinagoga, wa itavela muMuhona pamo nonganda ye aihe. Ovantu ovengi owomoKorinto mbava teele ondaka yaKalunga, va itavela, hava tjatjwa.

Ovilinga 8:12

Iya ovantu hiva itavele ondaka ombwa ndjoka ndjiva teethelwa kuFilippus, ndjimai popi otjilongo tjaKalunga nena lyaJesus Kristus, ovalumentu novakadhintu va tjatjwa.

Ovilinga 8:38

Osekulu ya kulametha etemba. Filippus nosekulu va ya momeva, iya Filippus he mu tjatja.

Ovaroma 16:23

Gaius, mpandji kala, me mu menekele po. Monganda ye omo mu onganena ovakwaneongalo. Erastus nguu ungula odhombongo dhotjitungwalongo nomukwetu Kwartus mave mu menekele po.

2 Ovakorinto 12:11

On̯e mwa ndhin̯ikidha ndji ngale omuhima. Ame mba thele okupopilwa kun̯e. Iya ame hí pon̯enwe kovayapostoli ven̯i hembenya ovanene, nandaku tiwa aame omuntu vala.

2 Ovakorinto 5:14

Iya ohole yaKristus mai tu tumine, mena lyokutya twa koneka okutya omuntu umo wa t̯ila ovantu avehe. Hehi matji tya ovantu avehe va t̯a.

Ovagalati 6:10

Iya tainkolo tu na okaluvedhe, ngatu ningile ovantu avehe ouwa, unene tuu owoyetu meitavelo.

Ovaefeso 1:1

Omukanda hembu mau dhi kwaame Paulus, omuyapostoli waKristus Jesus kehalo lyaKalunga. Me sonekele ovadhilikwa vaKalunga mbava kala moEfeso, mbava itavela muKristus Jesus.

Ovafilippi 1:7

Otjipuka hehi tja mbyuukile oku mu soka amuhe, mena lyokutya nan̯e hemba mbamwa mpopila ndji na n̯e komutima, nomodhonkuto mundji li nahihamba li modhonkuto, hindji popila nokukoleka ondaka ombwa motjilinga himba pewa kuKalunga.

Filemon 1:17

Iya andaa wa ntala ngomukwen̯i naOnesimus mu tambula ngahi wa ntambula.

Ovaheberi 13:2

Hámu dhimbi okuyakula odhongendi. Pe na vamo mbava ningile nyahoka, hava yakula ovaengeli, wo ahave tji i.

1 Petrus 5:12

Silas, omukwetu ngumbe liun̯ika, wa mpopila okuntjonekela ko omukanda hembu pauthupi. Me hala oku mu vandhipaleka, ndji mu hipululile okutya hehi et̯ilonkenda lyaKalunga lyatjatjili. Kalen̯i amwa kola.

2 Johannes 1:10

Andaa pe na ngume ya kun̯e, ye ahama eta elongo hendi, hámu mu tambula monganda yen̯i, n̯e hámu mu popitha.

3 Johannes 1:5

Gaius, omuhivilikwa, u ningila nawa ovaitaveli vakwen̯i, nodhongendi wo,

3 Johannes 1:8

Iya twa thele okutambula nawa ovantu mbave li nyahoka, opo tu ninge ovapopili vatjatjili pamo nawo.