Ovilinga 16:14 - Etestamende Epe Moludhimba

¹⁴ Pa li omukadhintu umo nguu tiwa oLidia, ngwaa dhile kotjitungwalongo tjaTiatira, nguu landetha ovitopa ovithilantu vyokalu. Omukadhintu ngoka wa li omutilikalunga, wa li ama teelele, Muhona ha patulula omwenyo we okwiitavela soka Paulus hiaa li ama popi.

Ovilinga 16:14 Iomraidhean Croise

Lukas 24:45

Iya wa pathumuna odhondunge dhawo okwiiwa omisonekwa,

Johannes 12:20

Mokati kamboka mbave dhile kotjipito tjOpaasa okukumba, mwa li Ovagreka vamo.

Ovilinga 10:2

Kornelius wa li omuundapeli nomutilikalunga pamo nonganda ye aihe. Ye wa li aa yandja omapopilo kOvajuda ovathona, ye wa kambulithile wo okukumba kuKalunga.

Ovilinga 11:21

Odhonkono dhaMuhona dha li pamo novaitaveli, ovantu ovengi ve liteyulula, hava itavele muMuhona.

Ovilinga 13:43

Ovantu hive liyapauka, Ovajuda ovengi novapaani ovengi mbava undapela Kalunga mbave lininga Ovajuda, va landula Paulus naBarnabas. Iya Paulus naBarnabas ve ve teethela, have ve ilikin̯a, va kale ave liun̯ika met̯ilonkenda lyaKalunga.

Ovilinga 13:50

Ovanene wOvajuda va ya kovalumentu mbava tumbala motjitungwalongo moka nokovakadhintu mbava tumbala, mbava undapela Kalunga. Ve ve longa ovimama okutya ahamava itavele mooPaulus naBarnabas, hava utu oku ve kondjetha, nopotjilongo mpoka have ve lamba po.

Ovilinga 16:40

Paulus naSilas va dha mo mokaliwoso, hava i koyaLidia. Hoka oko va ka wanena novaitaveli ovakwawo, have ve vandhipaleke meitavelo. Tjau hiva dhi mpoka, hava i.

Ovilinga 18:7

Paulus wa dha po, ha ka kala konganda yomulumentu omutilikalunga nguu tiwa oTitius Justus. Onganda ye ya li popedhi nosinagoga.

Ovilinga 8:27

Filippus wa kulama, ha i. Iya omulumentu umo ngwaa tumbala wokoEtiopia, wa vadhwa mondjila, ama tjuna konganda. Omulumentu hengu wa li osekulu onene nomuyungi wemona lyaKandake, omukadhintu ohamba yokoEtiopia. Ye wa ile koJerusalem oku ka kumba kuKalunga.

Ovaroma 9:16

Iya kaatji ningwa mena lyehalo ne lyovilinga vyomuntu, iya matji ningwa mena lyolweembya lwaKalunga.

Ovafilippi 2:13

Iya Kalunga oye a undapa mun̯e okutya mu hale n̯e mu undape ngahi ma hala.

Eholololo 1:11

hai tyaa: “Soneka medhingwambo hiuu lwete, ove u li tumine omaongalo epanduvali: LyokoEfeso nolyokoSmirna nolyokoPergamo nolyokoTiatira nolyokoSardes nolyokoFiladelfia nolyokoLaodikea.”

Eholololo 3:20

Taa tuutuu, ame mba kulama pomuvelo, me tyaa, iyaa. Andaa pe na nguu yuvite ondaka yandje, atjaa ha yelula omuvelo, ame me hiti, he i kuye, hatu li pamo naye.

Eholololo 3:7

“Sonekela omweengeli weongalo lyokoFiladelfia, u tyee: “Omudhilikwa, Owatjatjili nguu na osapi yaDavid, nguma yelula nokuhape na nguma yedhile po, ye ma yedhile nokuhape na nguma yelula po. Ye ma tyaa: