Ovilinga 15:9 - Etestamende Epe Moludhimba

⁹ Kalunga hiee tu ningila, novapaani otjo e ve ningila. Mena lyeitavelo ndive na lyo, Kalunga we ve ithila po odhonkali dhawo.

Ovilinga 15:9 Iomraidhean Croise

Ovilinga 10:15

Ondaka ye mu popitha otjikando otjityavali hai tyaa: “Atjihe soka Kalunga hiaa dhilika, ove koo ulu okutya otjivi.”

Ovilinga 10:28

Iya Petrus we ve heela ha tyaa: “N̯e mu tji i nawa okutya kOvajuda tji dhila okulitjinga nokulivalula nomihoko vimo. Iya Kalunga wa ndjulikila okutya hé popi omuntu okutya omuvi ne hamudhilikwa.

Ovilinga 10:34

Petrus wa uta okuteetha ha tyaa: “Otjatjili ame napano mba iwa okutya Kalunga ke na tja okapungulula kovantu avehe.

Ovilinga 11:12

Ombepo Ondhilikwa ya ntjeela okutya hé limbililwa, nge ende dhiva pamo nawo. Iya ovakwetu hemba epandu, va ya wo pamo naame koKesarea, hatu i monganda yaKornelius.

Ovilinga 14:1

Paulus naBarnabas va teetha mosinagoga yOvajuda moIkonium, ngahi va ningile moAntiokia. Ovajuda nOvagreka ovengi hava ningi ovaitaveli mena lyeteetho lyawo.

Ovilinga 14:27

Paulus naBarnabas hive thiki koAntiokia va konga eongalo. Ve li hipululila ovipuka mbyoka Kalunga mbyee ve undapetha, okutya Kalunga wa yelulila ovapaani omuvelo, nawo va ninge ovaitaveli.

Ovaroma 3:22

Kalunga otjipuka hehi me tji ningile ovantu avehe mbava itavela muJesus Kristus. Me ve ningile tjo, hápe na tja okapungulula.

Ovaroma 3:9

Iya tji li vi? Nt̯e Ovajuda, ont̯e tu li ovawa okupon̯a ovantu vamo? Aai, nokanunu. Twe tji yulika ae lukulu okutya Ovajuda nOvagreka avehe ve li kohi yodhonkono dhoulundhi,

Ovaroma 9:24

nant̯e wo hemba mbaa ithana, hamOvajuda vala aveika, iya nomovapaani wo.

1 Ovakorinto 1:2

Me sonekele eongalo lyaKalunga lyomoKorinto, mbava ningwa ovadhilikwa kuKristus Jesus, mbava ithanwa va ile ovadhilikwa pamo novantu avehe mbava ithana ena lyaMuhona wetu Jesus Kristus akuhe, nguu li Muhona wawo, ye nguu li Muhona wetu.

1 Ovakorinto 7:18

Kalunga hiee ku ithana, andaa wa vadhwa awa pita etanda, hó liholeke. Andaa wa vadhwa aho pitile, hó lipititha uke etanda.

Ovagalati 3:28

Iya kape na tja uke okapungulula okutya hengu Omujuda ne Omugreka ne omupika ne nguhe thi omupika ne omulumentu ne omukadhintu, iya n̯e amuhe muvamo muKristus Jesus.

Ovagalati 5:6

Iya atu li muKristus Jesus, okupita etanda nokuhapita etanda, avihe hembi kavi na himavi tya. Hitji na otjilinga okukala atu na eitavelo ndimali yulike okutya tu hole ovakwetu.

Ovaefeso 3:6

Otjiholekwa hootjohi okutya, ovapaani ve na oumpinga umo nOvajuda. Wo ovin̯ipo vyolutu lumo, ve na oumpinga weudhiko muKristus Jesus okupitila mondaka ombwa.

Ovakolossa 3:11

Iya kape na tja uke okapungulula pokati kOmugreka nOmujuda, ngwaa pita etanda nanguha pitile etanda, ongendi nomutombwantu, omupika nanguhe thi omupika, iya ovipuka avihe mbyoka vi li muKristus, ye oye e na ovipuka avihe.

1 Petrus 1:22

Iya napano himwa tyaa otjatjili, mwa kohoka, mu hole ovaitaveli vakwen̯i, kamu liningitha. Kalen̯i amu lihole tjatjili nomitima mbyaa kohoka.