Ovilinga 15:6 - Etestamende Epe Moludhimba

⁶ Ovayapostoli novanene veongalo va onganene okutompola otjipuka hehi.

Ovilinga 15:6 Iomraidhean Croise

Mateus 18:20

Iya mpape na vavali navatatu ava ongana mena lyandje, ame me kala mokati kawo.”

Ovilinga 11:30

Ovaitaveli va onga oviyandjwa, havi yandjwa kooBarnabas naSaulus, ve vi twale kovanene veongalo koJerusalem.

Ovilinga 15:2

Paulus naBarnabas va li nombata onene novantu mboka mbava dhile koJudea. Hapa tokolwa okutya Paulus naBarnabas novaitaveli vamo womoAntiokia ngava ende koJerusalem va ka tompole otjipuka hehi pamo novayapostoli novanene veongalo.

Ovilinga 15:22

Ovayapostoli novanene veongalo neongalo alihe va tokola okuholowola ovalumentu vamo, have ve tumu koAntiokia pamo naPaulus naBarnabas. Va holowola Judas nguu tiwa Barsabas naSilas, mbava li ovanakomeho wovaitaveli,

Ovilinga 15:25

Nt̯e atuhe twa ongana, hatu tokola okuholowola ovalumentu vamo tu ve tume kun̯e pamo novakwetu ovatumbalekwa Barnabas naPaulus,

Ovilinga 15:4

Iya wo hive thiki moJerusalem, va yakulwa keongalo nokovayapostoli nokovanene veongalo. Ve ve hipululila ovipuka avihe Kalunga mbyee ve undapetha.

Ovilinga 16:4

Paulus naTimoteus ngahi va kala amava endaenda modhondolopa nodhondolopa, ve ve heela odhoveta ndhaa tuwa po kovayapostoli nokovanene womoJerusalem, ve dhi takamethe.

Ovilinga 21:18

Ngamuhuka Paulus wa ya pamo nant̯e kuJakob, ovanene veongalo avehe oko va onganene.

Ovilinga 6:2

Ovayapostoli va onganeka ovaitaveli avehe, have ve heele hava tyaa: “Nt̯e hanawa okuyetha okuteetha odhondaka dhaKalunga, tu litwee mokuyandja ovikulya.

Ovaheberi 13:17

Tyeen̯i kovaviyuli ven̯i, n̯e mu landule himava popi. Va t̯ila omienyo vyen̯i otjiho, kava thuva, mena lyokutya mave ke vi pulwa kuKalunga. Andaa mamu ve tee, wo mava undapa nawa ovilinga vyawo, iya andaa kaamu ve tee, mava undapa noluyuma okutya nyahoka katji na himatji mu popile.

Ovaheberi 13:7

Thipaluken̯i ovaviyuli ven̯i, mbave mu heela ondaka yaKalunga. Lipulen̯i onkalo yawo okutya ya li vi, n̯e mu holele eitavelo lyawo.