Ovilinga 15:40 - Etestamende Epe Moludhimba

⁴⁰ Iya Paulus wa holowola Silas. Ovaitaveli hiva yandja Paulus met̯ilonkenda lyaMuhona, ha i.

Ovilinga 15:40 Iomraidhean Croise

Ovilinga 11:23

Iya ye hiee thiki koAntiokia, wa li nehuluko, hiaa mona ovilinga vyonkenda, Kalunga mbyaa undapa mokati kovantu. Barnabas we ve ilikin̯a okutya va kale puMuhona nomitima vyawo avihe.

Ovilinga 13:3

Iya ve litjaela ovikulya, hava kumbu, hava tendeke omawoko awo kuBarnabas naSaulus, have ve lekele.

Ovilinga 14:26

Hiva dhi koAtalia va londa mombapolo, hava tjuna koAntiokia moSiria, eongalo hoka oko lya yandjelele Paulus naBarnabas met̯ilonkenda lyaKalunga, mena lyotjilinga soka hiva undapa.

Ovilinga 15:22

Ovayapostoli novanene veongalo neongalo alihe va tokola okuholowola ovalumentu vamo, have ve tumu koAntiokia pamo naPaulus naBarnabas. Va holowola Judas nguu tiwa Barsabas naSilas, mbava li ovanakomeho wovaitaveli,

Ovilinga 15:32

Judas naSilas mboka mbava li ovaprofeti va popya otjingi okukoleka nokuvandhipaleka ovaitaveli.

Ovilinga 16:19

Iya ovahona ve hive tji mono okutya eliun̯iko lyawo lyokumona emona lyodhombongo lya keka, va lombokela Paulus naSilas, have ve kambula, have ve twala koluvedhe lwomalandethelo kovatumini.

Ovilinga 17:4

Ovajuda vamo va itavela odhondaka dhaPaulus naSilas, hava yembe kuwo, nowingi wOvagreka ovatilikalunga nowingi wovakadhintu mbava tumbalekwa va yemba kuwo.

Ovilinga 20:32

“Iya napano me mu yandja motjiho tjaKalunga nokodhondaka dhet̯ilonkenda lye. Ye u na odhonkono dhoku mu koleka noku mu pa oumpinga pamo novantu ovadhilikwa ve avehe.

1 Ovakorinto 15:10

Iya ame ndji li po ket̯ilonkenda lyaKalunga ngahi ndji li hinyahi. Et̯ilonkenda lye kali hepelele mo mwaame, iya mba undapa tjatjili okupon̯a ovayapostoli avehe, nandaku tiwa hí tji ningile mwaame omwene, et̯ilonkenda lyaKalunga olyo lya ndjundapetha.

2 Timoteus 4:22

Muhona nga kale pamo naove. Et̯ilonkenda lyaKalunga ngali kale nan̯e amuhe.

Titus 3:15

Mbave li pwaame avehe mave ku menekele po. Menekela po mbave tu hole meitavelo. Et̯ilonkenda ngali kale nan̯e amuhe.