Ovilinga 15:32 - Etestamende Epe Moludhimba

³² Judas naSilas mboka mbava li ovaprofeti va popya otjingi okukoleka nokuvandhipaleka ovaitaveli.

Ovilinga 15:32 Iomraidhean Croise

Mateus 23:34

Taa tuutuu, iya mena lyanyahi ame me mu tumine ovaprofeti novanadhondunge novalongiveta. Vamo owomuwo mamu ke ve dhipaa, hamu ke ve papela komutjaakano, vamo mamu ke ve tona nodhosokoti modhosinagoga dhen̯i, hamu ke ve taata modhondolopa nodhondolopa.

Lukas 11:49

Iya ounongo waKalunga mau tyaa: ‘Me ke ve tumina ovaprofeti novayapostoli, vamo owomuwo mave ke ve dhipaa, navamo mave ke ve taata,’

Ovilinga 11:23

Iya ye hiee thiki koAntiokia, wa li nehuluko, hiaa mona ovilinga vyonkenda, Kalunga mbyaa undapa mokati kovantu. Barnabas we ve ilikin̯a okutya va kale puMuhona nomitima vyawo avihe.

Ovilinga 11:27

Iya pomatango atjo ngoka, kwa dha ovaprofeti vamo koJerusalem, hava i koAntiokia.

Ovilinga 13:1

Meongalo lyomoAntiokia mwa li ovaprofeti novalongethi, ngahi tji li Barnabas naSimeon (nguu tiwa Omundholodhi) naLukius Omukireni, naManaen (ngwaa kulila pamo nomutumini Herodes) naSaulus.

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovilinga 15:1

KoJudea kwa dha ovantu vamo, have ya koAntiokia, hava utu okulonga ovaitaveli hava tyaa: “Andaa kaamu piti etanda ngahi tja popiwa moveta yaMoses, kaamu ulu okuhupithwa.”

Ovilinga 15:22

Ovayapostoli novanene veongalo neongalo alihe va tokola okuholowola ovalumentu vamo, have ve tumu koAntiokia pamo naPaulus naBarnabas. Va holowola Judas nguu tiwa Barsabas naSilas, mbava li ovanakomeho wovaitaveli,

Ovilinga 15:27

Nt̯e napano matu mu tumine Judas naSilas mbamave ya oku mu hipululila nawa ovipuka hembi mbitwa soneka.

Ovilinga 15:3

Wo hiva dhi pokulekelwa keongalo, va yatakana moFoinikia nomoSamaria, va ka enda amava hipulula okutya ovapaani ve liteyulule, va itavele muKalunga. Ondaka hendji ya etela ovaitaveli avehe ehuluko.

Ovilinga 15:31

Ovaitaveli hiva tanga omukanda, omitima vyawo vya li nehuluko enene mena lyondaka ombwa ndjee ve tendeleka.

Ovilinga 15:41

Ye wa yatakana moSiria nomoKilikia ama pameke omaongalo.

Ovilinga 18:23

Moka omo a kala omatango amo. Kon̯ima ha ka valulila po ovilongo novilongo vyomotjit̯indwalongo tjaGalatia notjaFrigia. Wa popila ovaitaveli vahoka, va kole meitavelo lyawo.

Ovilinga 2:40

Petrus we ve hipululila odhondaka odhingi, ye he ve ilikin̯a ha tyaa: “Hupithwen̯i mo mekula hendi ndyaa uvalala.”

Ovilinga 20:2

Paulus wa yatakana moulongo noulongo, ha vandhipaleke ovantu nodhondaka odhingi, ha i kotjilongo tjaGreka,

Ovaroma 12:6

Tu na otjali tjet̯ilonkenda hitji lili nahitji lili hitwa pewa ket̯ilonkenda. Andaa pe na nguu na ounongo okupopya etumwalaka lyaKalunga, nge tji ninge monkalo yeitavelo lye,

Ovaroma 12:8

Ne andaa okuvandhipaleka ovakwawo, nge ve vandhipaleke. Nguma yandja, nga yandje nomutima omuwa. Nguu na odhonkono okutumina ovantu, nge tji ninge nodhondunge. Nguma popile mbave li moluhepo, nge tji ninge nehuluko.

1 Ovakorinto 1:8

Kalunga me mu pameke katee kehulilo, opo hámu kala nombedhi metango lyaMuhona wetu Jesus Kristus.

1 Ovakorinto 14:29

Vavali ne vatatu mbava pewa etumwalaka lyaKalunga, ngava popye, tainkolo ovakwawo mava thongonona soka ovakwawo himava popi.

1 Ovakorinto 14:3

Iya nguu popya etumwalaka lyaKalunga, u heela ovantu, he ve popile, he ve vandhipaleke, ye he ve tendeleke.

1 Ovakorinto 14:32

Mbava pewa otjali tjokupopya etumwalaka lyaKalunga, ngave tji kambule nawa,

Ovaefeso 3:5

katji heelelwe ovantu womakula amo, iya napano Kalunga we tji holololela ovayapostoli ve ovadhilikwa novaprofeti mOmbepo Ondhilikwa.

1 Ovatessalonika 2:11

Amuhe ngahi mu tji i, nt̯e twa li ngomulumentu ae li nodhondele dhe omwene.

1 Ovatessalonika 3:2

Twa tuma omukwetu, Timoteus, nguu undapa otjilinga tjaKalunga nguu teetha ondaka ombwa yaKristus, opo e mu pameke, e mu vandhipaleke meitavelo.

1 Ovatessalonika 4:1

Iya vakwetu, twe mu heela himu tha okukala, opo mu hulukithe Kalunga. Hehi otjo mu ninga ae. Iya matu mu kumbu, hatu mu vandhipaleke, mena lyaMuhona Jesus mu ninge ngahi mu ninganinga ae.

1 Ovatessalonika 5:14

Vakwetu, matu mu pukulula, mbave na ondende, ve pukululen̯i, mbava lya owoma, ve vandhipaleken̯i, popilen̯i ovingone, avehe ve talen̯i nonkenda.

1 Ovatessalonika 5:20

Odhondaka dhouprofeti hámu dhi tombo.

2 Ovatessalonika 3:12

Iya napano ovantu mbave li nyahoka, matu ve londola amatu ve pukulula muMuhona Jesus Kristus okutya ngava tutuvale, ve liundapele ovikulya vyawo ovene.

1 Timoteus 2:1

Olutengatenga me pukulula okutya ngaku kumbwe, ngaku ningwe omaalikano, ngaku kumbilwe, ngaku yandjwe ompandu kuKalunga mena lyovantu avehe,

2 Timoteus 4:2

Teetha odhondaka dhaKalunga, kambulitha okuteetha poluvedhe oluwa nopoluvedhe oluvi, pukulula ovantu, u ve ande, u ve vandhipaleke nelikambulithilo, ove u ve longe.

1 Petrus 5:1

Ovanene veongalo mbave li mokati ken̯i me ve pukulula, ame ngundji li omunene weongalo nombangi yaKristus hiaa tatethwa. Metumbalo ndyoka ndimali ka holololwa, naame wo me ka pewa mo.

1 Petrus 5:10

Iya napano Kalunga nguu na onkenda aihe, ngwee mu ithanena metumbalo lye ndihamali anda, muKristus Jesus, himwa kala kohi youdheu okaluvedhe okanunu, ye omwene me mu longekedha, he mu pa odhonkono, hamu pama, hamu kala amwa kolo.

1 Petrus 5:12

Silas, omukwetu ngumbe liun̯ika, wa mpopila okuntjonekela ko omukanda hembu pauthupi. Me hala oku mu vandhipaleka, ndji mu hipululile okutya hehi et̯ilonkenda lyaKalunga lyatjatjili. Kalen̯i amwa kola.