Ovilinga 15:19 - Etestamende Epe Moludhimba

¹⁹ Jakob wa twikila okupopya ha tyaa: “Ame me lipula hinyahi okutya andaa ovapaani ve liteyulula, hava itavele muKalunga, hátu ve twike uke oudheu.

Ovilinga 15:19 Iomraidhean Croise

Ovilinga 15:10

Iya napano mamu yumanekethele tji Kalunga, himamu twike omutenge omudheu komapepe ovaitaveli? Omutenge mboka nt̯e nootateombwale katu u ulile oku u tjinda.

Ovilinga 15:24

Nt̯e twa tyaa okutya ovantu vamo owomunt̯e ve mu pukitha, have mu ngwangwaneke nodhondaka dhawo ovene, iya nt̯e hant̯e twe ve tuma.

Ovilinga 15:28

Ombepo Ondhilikwa ye tu yulikila okutya ahamatu mu twike uke omutenge umo kakele vala kovipuka mbimavi landula hempa:

Ovilinga 21:21

Iya wo va heelwa okutya kwa tiwa ove u longa Ovajuda avehe mbava kala movilongo vyovapaani okutya ngava yethe oveta yaMoses, wo háva pititha odhondele dhawo etanda, wo ahamava holele odhonteto dhOvajuda.

Ovilinga 21:25

Iya kombinga yovapaani mbava ninga ovaitaveli, twe ve sonekela omukanda wetokolo, hatu ve heele okutya ngave litjaele ovipuka hembi: Ombaveka, okulya ombindhi, otjipuka hitja pondwa ne okulala novantu.”

Ovilinga 26:20

Iya olutenga mba teethela owomoDamasko nowomoJerusalem nowomotjilongo atjihe tjaJudea nomokati kovapaani wo okutya ve liteyulule, ve ye kuKalunga, va undape ovilinga mbyoka mbimavi yulike okutya wo ve liteyulula.

Ovagalati 2:4

Iya ovantu vamo mbave lininga okutya ovaitaveli vakwetu ve livakela mokati ketu okulavetha ekutuluko lyetu muKristus Jesus, ve tu ninge ovapika.

1 Ovatessalonika 1:9

Ovantu ovene va hipulula, himwe tu tambula nahimwa yetha ovikalunga, hamu ya okuundapela Kalunga katjatjili omunamwenyo