Ovilinga 14:5 - Etestamende Epe Moludhimba

⁵ Ovapaani nOvajuda nodhosekulu dhawo va ongana pamo, hava panga ompango yokutatetha Paulus naBarnabas noyoku ve dhipaa nomawe.

Ovilinga 14:5 Iomraidhean Croise

Mateus 5:44

Iya ame me mu heele okutya kalen̯i amu hole odhondjedhi dhen̯i, kumbilen̯i mbave mu tatetha,

Lukas 6:28

Ngume ku thingi, mu pa elao, ngume ku ningi navi, mu kumbila.

Ovilinga 13:45

Iya Ovajuda hiva mono owingi wovantu himau ya kuPaulus, va uta oku ve t̯ila onki. Va penya, hava kondjetha ovipuka Paulus mbyaa popya.

Ovilinga 13:50

Ovanene wOvajuda va ya kovalumentu mbava tumbala motjitungwalongo moka nokovakadhintu mbava tumbala, mbava undapela Kalunga. Ve ve longa ovimama okutya ahamava itavele mooPaulus naBarnabas, hava utu oku ve kondjetha, nopotjilongo mpoka have ve lamba po.

Ovilinga 14:19

Ovanene vamo wOvajuda mbava dhile koAntiokia nokoIkonium, va longa ovantu ovimama, va kondjethe Paulus, ve mu tona nomawe, hava tya pamo wa t̯i, have mu kokololele kotjila tjotjitungwalongo.

Ovilinga 14:2

Iya Ovajuda mbava anya okwiitavela, va longa ovapaani ovimama okutya va kondjethe ovaitaveli.

Ovilinga 14:4

Ovantu womondolopa yaIkonium ve liyapukile pokati, vamo va ama kOvajuda, vamo hava ama kovayapostoli.

Ovilinga 17:5

Iya Ovajuda ve ve t̯ila onki, hava ongedha ovalumentu wondjaya nambava vadhwa pomalandethelo, va kongolola ovantu, hava tono otjuuyila motjitungwalongo, hava hitilile onganda yaJason, amava taendha Paulus naSilas, ve ve ete komeho yowingi wovantu.

2 Ovakorinto 11:26

Otwingi modhondjila dhandje mba li moudheu womilonga, moudheu wovapundi, moudheu wotjiwan̯a tjandje, moudheu wovapaani, moudheu womovitungwalongo, moudheu womomakuti, moudheu womelunga nomoudheu womokati kovaitaveli vakwetu wovithithi.

1 Ovatessalonika 2:14

Iya vakwetu, mwa ila ovalanduli womaongalo aKalunga, ngaa kala moJudea, ngae li muKristus Jesus, mena lyokutya nan̯e wo mwa tatethelwe kowoyen̯i ngawo hiva tatethelwe wo kOvajuda,

1 Ovatessalonika 2:16

Ve tu tjaela hitu teethela ovapaani okutya va hupithwe. Iya nyahoka mave yulitha apehe oulundhi wawo. Iya okudha mpoka oluyuma lwaKalunga halu ya kombanda yawo.

1 Ovatessalonika 2:2

Ngahi mu tji i ae okutya twa tatethelwe moFilippi, hatu monethwa ovihuna. Iya twa li nouvandhi muKalunga ketu oku mu teethela ondaka ombwa nandaku tiwa pa li ekondjo enene.

2 Timoteus 3:11

momatatetho, movihuna mbyaa mbadha moAntiokia, moIkonium, moListra. Iya Muhona wa ntjupitha mo movipuka hembi avihe.