Ovilinga 14:26 - Etestamende Epe Moludhimba

²⁶ Hiva dhi koAtalia va londa mombapolo, hava tjuna koAntiokia moSiria, eongalo hoka oko lya yandjelele Paulus naBarnabas met̯ilonkenda lyaKalunga, mena lyotjilinga soka hiva undapa.

Ovilinga 14:26 Iomraidhean Croise

Ovilinga 11:19

Omatatetho ngaa uta, okudha Stefanus hiaa dhipawa, a handjaneka ovaitaveli. Vamo va ya katee koFoinikia nokoKipros nokoAntiokia, amava teetha ondaka ombwa, ve i teethele vala Ovajuda aveika.

Ovilinga 11:20

Iya ovaitaveli vamo ovalumentu mbava dhile koKipros nokoKireni, ve ya koAntiokia, hava ka teethela ovapaani ondaka ombwa okutya Jesus oye e li Muhona.

Ovilinga 11:23

Iya ye hiee thiki koAntiokia, wa li nehuluko, hiaa mona ovilinga vyonkenda, Kalunga mbyaa undapa mokati kovantu. Barnabas we ve ilikin̯a okutya va kale puMuhona nomitima vyawo avihe.

Ovilinga 11:26

Iya hiee mu mono, we mu eta koAntiokia. Barnabas naSaulus va kala pamo meongalo ombula imo, meongalo moka va longa mo ovantu ovengi. MoAntiokia ovaitaveli omo va uta okulukwa ovakriste.

Ovilinga 11:27

Iya pomatango atjo ngoka, kwa dha ovaprofeti vamo koJerusalem, hava i koAntiokia.

Ovilinga 14:19

Ovanene vamo wOvajuda mbava dhile koAntiokia nokoIkonium, va longa ovantu ovimama, va kondjethe Paulus, ve mu tona nomawe, hava tya pamo wa t̯i, have mu kokololele kotjila tjotjitungwalongo.

Ovilinga 14:21

Paulus naBarnabas va teetha ondaka ombwa mondolopa ndjoka yaDerbe, ovantu ovengi ve ve ninga ovaitaveli. Kon̯ima yanyahoka Paulus naBarnabas va tjuna uke koListra nokoIkonium nokoAntiokia motjit̯indwalongo tjaPisidia.

Ovilinga 14:23

Paulus naBarnabas eongalo alihe ve liholowolela ovanene veongalo. Wo ve litjaela ovikulya, hava kumbu kuKalunga, iya va yandja ovanene veongalo motjiho tjaMuhona, nguva itavela.

Ovilinga 15:22

Ovayapostoli novanene veongalo neongalo alihe va tokola okuholowola ovalumentu vamo, have ve tumu koAntiokia pamo naPaulus naBarnabas. Va holowola Judas nguu tiwa Barsabas naSilas, mbava li ovanakomeho wovaitaveli,

Ovilinga 15:30

Odhontumwa dha lekelwa okudha koJerusalem, hive thiki moAntiokia, va onga ovaitaveli avehe, have ve pa omukanda.

Ovilinga 15:40

Iya Paulus wa holowola Silas. Ovaitaveli hiva yandja Paulus met̯ilonkenda lyaMuhona, ha i.

Ovilinga 20:32

“Iya napano me mu yandja motjiho tjaKalunga nokodhondaka dhet̯ilonkenda lye. Ye u na odhonkono dhoku mu koleka noku mu pa oumpinga pamo novantu ovadhilikwa ve avehe.

Ovaroma 15:19

kodhonkono dhomatangan̯eko nodhovilingakumithi, kodhonkono dhOmbepo yaKalunga ngahi mba hwithila po eteetho lyondaka ombwa yaKristus okudha koJerusalem nomonkondoloka katee koIlliriko.

2 Ovakorinto 1:12

Iya okulitanga kwetu hookohu okutya elityoo lyetu mali tu heele nawa okutya onkalamwenyo yetu mouye hembu twa kala moudhilikwa nomoukohoki waKalunga, unene tuu onkalo pokati ketu nan̯e, katu viyulilwe kounongo wonkalo yountu, iya okodhonkono dhet̯ilonkenda lyaKalunga.

Ovagalati 2:11

Iya Petrus hiee ya moAntiokia, mbe mu anda mokati kovantu, mena lyokutya wa li nombedhi.

Ovakolossa 1:25

Mba ila omupopili weongalo, ndji undape otjilinga tjouteku wondaka yaKalunga mbumba pewa, ndji mu teethele ondaka yaKalunga ndjaa hwile po.

Ovakolossa 1:28

Matu teetha Kristus, hatu ilikin̯a, hatu longo omuntu auhe nounongo auhe, opo tu kaleke omuntu auhe poluhandja, a kule muKristus.

Ovakolossa 4:17

Heelen̯i Arkippus okutya nga hwithile po otjilinga hiaa pewa okuundapela Muhona.

2 Timoteus 4:2

Teetha odhondaka dhaKalunga, kambulitha okuteetha poluvedhe oluwa nopoluvedhe oluvi, pukulula ovantu, u ve ande, u ve vandhipaleke nelikambulithilo, ove u ve longe.