Ovilinga 14:22 - Etestamende Epe Moludhimba

²² Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovilinga 14:22 Iomraidhean Croise

Mateus 10:38

Iya nguhama tjindi omutjaakano we, ye ahama ndandula, kee nt̯evelwa.

Mateus 16:24

Iya Jesus wa heela ovalongwa ve ha tyaa: “Andaa pe na nguma hala okundandula, nge lidhimbe ye omwene, ye a tjinde omutjaakano we, a ndandule.

Mateus 19:24

Me mu heele uke okutya ongamelu okupitila meyulu lyonguya otjipu okupon̯a omuhona okuya motjilongo tjaKalunga.”

Markus 10:30

ye a kale ngaile ahe na hima pewa mouye hembu. Iya nanda mono omatatetho, ma pewa twethele odhonganda novanitje novakulwe ovadhantu nodhompandje nowoina novana novyana. Iya mouye mbumau ya ma ka pewa omwenyo waapehe.

Markus 9:47

Iya eho lyoye andaa mali ku tyoletha, li dhoola mo. Okuya motjilongo tjaKalunga au na eho limo hahe, hatjo ngokukala nomeho avali, ove ho yumbwa moheli.

Lukas 24:26

Ovipuka havyo vi li vyo mbyoka okutya Messias wa thele okutatethwa, tainkolo héya ya metumbalo lye?”

Johannes 15:18

“Ouye andaa u mu yele, kalen̯i amu tji i okutya aame wa kala au yele olutenga.

Johannes 15:20

Thipaluken̯i soka himbe mu heela he tyaa: ‘Omupika ka pon̯ene omuhona we.’ Andaa ovantu va ntaata, nan̯e wo mave ke mu taata. Andaa va takametha odhondaka dhandje, nodhen̯i wo mave ke dhi takametha.

Johannes 16:33

Ovipuka hembi mbe mu heele vyo, opo mu kale nouwa mwaame. N̯e mu na omaudheu mouye, atjaa hámu tila, ame mba ula ouye odhonkono!”

Johannes 3:5

Jesus we mu yaka ha tyaa: “Ame me ku heele otjatjili okutya omuntu kaa ulu okuya motjilongo tjaKalunga, andaa ka yumukilwe momeva nomOmbepo,

Ovilinga 11:23

Iya ye hiee thiki koAntiokia, wa li nehuluko, hiaa mona ovilinga vyonkenda, Kalunga mbyaa undapa mokati kovantu. Barnabas we ve ilikin̯a okutya va kale puMuhona nomitima vyawo avihe.

Ovilinga 11:26

Iya hiee mu mono, we mu eta koAntiokia. Barnabas naSaulus va kala pamo meongalo ombula imo, meongalo moka va longa mo ovantu ovengi. MoAntiokia ovaitaveli omo va uta okulukwa ovakriste.

Ovilinga 11:29

Ovaitaveli moAntiokia va tokola okutya auhe nga yandje hiee na tjo ngahi ma ulu, tjo tji tuminwe ovaitaveli vakwawo mbave li koJudea.

Ovilinga 13:43

Ovantu hive liyapauka, Ovajuda ovengi novapaani ovengi mbava undapela Kalunga mbave lininga Ovajuda, va landula Paulus naBarnabas. Iya Paulus naBarnabas ve ve teethela, have ve ilikin̯a, va kale ave liun̯ika met̯ilonkenda lyaKalunga.

Ovilinga 14:20

Ovaitaveli hive mu onganena, wa imuka po, ha tjuna motjitungwalongo. Komuhuka hikwa tji, Paulus naBarnabas hava i koDerbe.

Ovilinga 14:28

Paulus naBarnabas okudha mpoka va kala oluvedhe olule moAntiokia pamo novaitaveli.

Ovilinga 15:32

Judas naSilas mboka mbava li ovaprofeti va popya otjingi okukoleka nokuvandhipaleka ovaitaveli.

Ovilinga 15:41

Ye wa yatakana moSiria nomoKilikia ama pameke omaongalo.

Ovilinga 18:23

Moka omo a kala omatango amo. Kon̯ima ha ka valulila po ovilongo novilongo vyomotjit̯indwalongo tjaGalatia notjaFrigia. Wa popila ovaitaveli vahoka, va kole meitavelo lyawo.

Ovilinga 6:7

Odhondaka dhaKalunga dha twikila okuhandjana. Otjihavelo tjovaitaveli moJerusalem tja ninga otjingi, nowingi wovayambethi va ninga ovaitaveli.

Ovilinga 9:16

Ame me ke mu yulikila okutya ovihuna mbima ka mona vi lithike pi, mena lyokutumbaleka ena lyandje.”

Ovaroma 8:17

Iya andaa tudhondele dhaKalunga, tudhompinga wo, odhompinga dhaKalunga nodhompinga pamo naKristus, andaa matu tatethwa pamo naye, opo tu laimithwa wo pamo naye.

1 Ovakorinto 1:8

Kalunga me mu pameke katee kehulilo, opo hámu kala nombedhi metango lyaMuhona wetu Jesus Kristus.

Ovafilippi 1:29

Iya mena lyokutya mwa pewa otjilinga tjokuundapela Kristus, hakumu itavela vala, iya nokutatethwa wo mena lye.

Ovakolossa 1:23

andaa mamu kala meitavelo mumwa kulama, mumwa kola, hámu ithwa mo mekevelelo lyondaka ombwa ndjimwa tyaa, ndjaa teethelwa ovantu avehe mouye. Iya ame Paulus mba ila omuteethi wondaka ndjoka.

1 Ovatessalonika 3:13

Muhona nga koleke omitima vyen̯i, opo hámu kala nombedhi, iya mu kale ovadhilikwa kotjipala tjaKalunga Tate, Muhona wetu Jesus hime ya pamo novadhilikwa ve avehe.

2 Timoteus 1:8

Hó t̯a ohon̯i okuhipulula Muhona wetu, naame ngumba kambulwa mena lye, hó nt̯a ohon̯i. Hepa pamo naame mena lyokuteetha ondaka ombwa, Kalunga ngahi me ku pa odhonkono oku tji ninga.

2 Timoteus 3:12

Ovantu avehe mbamava hala okuundapela Kalunga nontilokalunga muKristus Jesus, mava ka tatethwa.

1 Petrus 2:21

Iya otjipuka hitji li hinyahi, Kalunga otjo e mu ithanena, mena lyokutya Kristus naye wo wa tatethwa mena lyen̯i, we mu thiila otjiholelwa, opo mu landule modhompadhi dhe.

1 Petrus 5:10

Iya napano Kalunga nguu na onkenda aihe, ngwee mu ithanena metumbalo lye ndihamali anda, muKristus Jesus, himwa kala kohi youdheu okaluvedhe okanunu, ye omwene me mu longekedha, he mu pa odhonkono, hamu pama, hamu kala amwa kolo.

1 Petrus 5:9

Iya mu kondjethen̯i neitavelo ndyaa kola. Iya iwen̯i okutya ovakwen̯i mouye nawo va tjinda omaudheu ngahenga.

2 Petrus 1:11

Iya nyahoka mamu ka pewa oluvedhe oluwa ndwaa hulu okuya motjilongo tjaapehe tjaMuhona wetu, Omuhupithi, Jesus Kristus.

Judas 1:3

Vaitaveli vakwetu ovahivilikwa, ame mba li ame hala unene oku mu sonekela mena lyehupitho lyomienyo vyetu atuhe. Ame mba li andji yuvite okutya mba thele oku mu sonekela ndji mu pukulule, n̯e mu kondjele eitavelo hendi ndyaa pewa ovantu ovadhilikwa motjikando tjimo.

Eholololo 1:9

Aame Johannes omukwen̯i, ngundji na oukumo umo nan̯e muJesus mokulikambulithila, moudheu nomotjilongo tje. Mba li kompanga ndjii tiwa oPatmos, mena lyokutya mba teetha odhondaka dhaKalunga, ame he hipulula Jesus.

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.

Eholololo 7:14

Ame mbe mu yaka he tyaa: “Taa, ove u tji i.” Iya wa ntjeela ha tyaa: “Hemba ombamava dhi moudheu ounene, mbava koha omidhalo vyawo, have vi lwelulile mombindhi yOndjona.