Ovilinga 13:6 - Etestamende Epe Moludhimba

⁶ Barnabas naSaulus va endaenda mompanga aihe katee moPafos, hoka huva vadha omulumentu umo Omujuda ompule, omuprofeti wovithithi nguu tiwa oBarjesus.

Ovilinga 13:6 Iomraidhean Croise

Mateus 16:17

Jesus we mu yaka ha tyaa: “Simon yaJona, umunalao, mena lyokutya hamuntu e ku holololele soka, iya oTate nguu li meulu.

Mateus 24:24

Iya maku ke ya oomessias wovithithi novaprofeti wovithithi, mava ka ninga omatangan̯eko omanene novilingakumithi, va pukithe, andaa matji tjiiwa, novaholowolwa wo.

Mateus 7:15

“Lungamenen̯i ovaprofeti wovithithi, mboka mbave ya kun̯e movipa vyodhondhu, iya nan̯i mokati omaungu ngaa tunda.

Markus 10:46

Iya Jesus novalongwa ve ve ya koJeriko. Iya ye hiaa dhi koJeriko novalongwa ve nowingi wovantu, Bartimeus yaTimeus, omupot̯i nguu kopa, wa li aa kala pohi pontyo yondjila.

Ovilinga 13:13

Paulus novakwawo mbava li pamo naye, koPafos va dha ko nombapolo, have ya koPerge motjilongo tjomoPamfilia. Iya Johannes Markus hoka oko a thiaa ovakwawo, ha tjuna koJerusalem.

Ovilinga 13:8

Ompule hendji Elimas (Elimas ena lye mOtjigreka) ya t̯ila Barnabas naSaulus onki, hai kondjo okutjaela omutumini okutya ahama itavele muKalunga.

2 Ovakorinto 11:13

Ovalumentu mbave li nyahoka, ovayapostoli wovithithi. Va undapetha ovithithi movilinga vyawo. Ve litjitula ovayapostoli vaKristus.

2 Timoteus 3:8

NgaJannes naJambres nawanawa hiva kondjethele Moses, ovantu hemba otjatjili kave tji hala. Ovantu hemba va ngwangwana odhondunge, kave liun̯ikile muKristus.

1 Johannes 4:1

Vahivilikwa, hámu itavele ombepo aihe, iya thongononen̯i odhombepo andaa dha dha kuKalunga, mena lyokutya ovaprofeti ovengi wovithithi va handjana nouye.

Eholololo 19:20

Otjithitu tja kambulwa pamo nomuprofeti wovithithi nguu ninga omatangan̯eko movipathi vyatjo, ngaa pukitha nao ovantu mboka mbava tuwa otjihako tjotjithitu nambava tumbaleka otjithika tjatjo. Wo va yumbwa nomwenyo melunga lyomulilo nosulfuri.