Ovilinga 13:43 - Etestamende Epe Moludhimba

⁴³ Ovantu hive liyapauka, Ovajuda ovengi novapaani ovengi mbava undapela Kalunga mbave lininga Ovajuda, va landula Paulus naBarnabas. Iya Paulus naBarnabas ve ve teethela, have ve ilikin̯a, va kale ave liun̯ika met̯ilonkenda lyaKalunga.

Ovilinga 13:43 Iomraidhean Croise

Mateus 23:15

“Utatyei, n̯e ovalongiveta nOvafarisai, valinomi n̯e! Mu kambakana elunga nohi, mu mone omulongwa umo. Iya andaa tja ningwa, mu mu ninga omuna woheli, ngwee mu pon̯a tuvali.

Ovilinga 11:23

Iya ye hiee thiki koAntiokia, wa li nehuluko, hiaa mona ovilinga vyonkenda, Kalunga mbyaa undapa mokati kovantu. Barnabas we ve ilikin̯a okutya va kale puMuhona nomitima vyawo avihe.

Ovilinga 13:50

Ovanene wOvajuda va ya kovalumentu mbava tumbala motjitungwalongo moka nokovakadhintu mbava tumbala, mbava undapela Kalunga. Ve ve longa ovimama okutya ahamava itavele mooPaulus naBarnabas, hava utu oku ve kondjetha, nopotjilongo mpoka have ve lamba po.

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovilinga 14:3

Paulus naBarnabas va ninga omatango moIkonium. Va teetha ondaka yaKalunga nouvandhi. Muhona Kalunga wa koleka odhondaka dhet̯ilonkenda lye, hiaa yandjele ovayapostoli okuundapa ovilingatangan̯eko novilingakumithi.

Ovilinga 16:14

Pa li omukadhintu umo nguu tiwa oLidia, ngwaa dhile kotjitungwalongo tjaTiatira, nguu landetha ovitopa ovithilantu vyokalu. Omukadhintu ngoka wa li omutilikalunga, wa li ama teelele, Muhona ha patulula omwenyo we okwiitavela soka Paulus hiaa li ama popi.

Ovilinga 17:17

Paulus wa ya kosinagoga yOvajuda oku ka tompola nOvajuda novapaani ovaundapelikalunga, tjo otjo a popya uke etango alihe novantu mbava enda pomalandethelo.

Ovilinga 17:34

Iya ovantu vamo ve liyembeka kuPaulus, hava ningi ovaitaveli, mokati kawo mwa li Dionisius, umo owomotjoongi tjokoAreopagi, mwa li uke omukadhintu nguu tiwa oDamaris, novakwawo vamo uke.

Ovilinga 17:4

Ovajuda vamo va itavela odhondaka dhaPaulus naSilas, hava yembe kuwo, nowingi wOvagreka ovatilikalunga nowingi wovakadhintu mbava tumbalekwa va yemba kuwo.

Ovilinga 18:7

Paulus wa dha po, ha ka kala konganda yomulumentu omutilikalunga nguu tiwa oTitius Justus. Onganda ye ya li popedhi nosinagoga.

Ovilinga 2:10

nOvafrigia nOvapamfilia nOvaegipiti nowomovilongo mbyoka vyaLibia mbyaa ama koKireni nOvaroma hemba mbava kala muno nOvajuda mbava yumukilwa moujuda nambave lininga Ovajuda,

Ovilinga 28:23

Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus.

Ovilinga 6:5

Eongalo alihe lya pandula ondunge yovayapostoli. Iya va holowola Stefanus, omulumentu ngwaa li neitavelo nOmbepo Ondhilikwa naFilippus naProkorus naNikanor naTimon naParmenas naNikolaus lukulu ngwaa li omupaani wokoAntiokia, ngwee lininga Omujuda.

Ovaroma 11:6

Iya andaa oket̯ilokenda, nan̯i hakovilinga, mena lyokutya ngaile okovilinga ngai et̯ilonkenda hat̯ilonkenda.

Ovaroma 3:24

Mava ningwa ovavyuuki otjali ket̯ilonkenda lye, mena lyokutya Kristus Jesus we ve yowola.

Ovaroma 5:2

Iya mena lyeitavelo, Kristus we tu thikitha met̯ilonkenda lyaKalunga, moka mutu li. Matu hulukwa himatu kevelele etumbalo lyaKalunga.

Ovaroma 5:21

Oulundhi ngahi u tumina ovantu avehe hau ve etele et̯o, net̯ilonkenda wo mali tumine okupitila mouvyuuki, li tu twale momwenyo waapehe, okupitila muJesus Kristus, Muhona wetu.

2 Ovakorinto 5:11

Iya nt̯e tu tji i okutya okutila Muhona matji tya vi, matu kondjo okuhekelela ovantu puKalunga. Kalunga u tu i nawa, me liun̯ike okutya nan̯e wo mu tu i.

2 Ovakorinto 6:1

Nt̯e tuvaundapi pamo naKalunga, matu mu ilikin̯a wo okutya et̯ilonkenda lyaKalunga ndimwa tambula hámu li dhanetha.

Ovagalati 5:1

Kristus we tu kutulula, tu kale atwa kutuluka. Iya kalen̯i amwa kola, hámu liyandja uke mu ningwe ovapika.

Ovagalati 5:4

Mbamamu hala okuninga ovavyuuki kotjipala tjaKalunga, mena lyokuhwithila po oveta, okutya mwe liitha mo muKristus. Met̯ilonkenda lyaKalunga mwa u mo.

Ovaefeso 2:8

Iya mwa hupithwa ket̯ilonkenda meitavelo. Ehupitho hendi mwe li pewa otjali kuKalunga, kaamu ulu okuliundapela lyo ovene.

Ovafilippi 3:16

Iya ngaile apehe mpatwe ya, ngatu enden̯i mondjila imo.

Ovafilippi 4:1

Vakwetu n̯e, ovahivilikwa vandje mbamba dhimbaluka, on̯e ehuluko lyandje nohala yandje. Vahivilikwa, kalen̯i amwa kola muMuhona.

Ovakolossa 1:23

andaa mamu kala meitavelo mumwa kulama, mumwa kola, hámu ithwa mo mekevelelo lyondaka ombwa ndjimwa tyaa, ndjaa teethelwa ovantu avehe mouye. Iya ame Paulus mba ila omuteethi wondaka ndjoka.

Ovakolossa 1:28

Matu teetha Kristus, hatu ilikin̯a, hatu longo omuntu auhe nounongo auhe, opo tu kaleke omuntu auhe poluhandja, a kule muKristus.

Titus 2:11

Iya et̯ilonkenda lyaKalunga lye ya, li etele ovantu avehe ehupitho,

Ovaheberi 12:15

Talen̯i okutya ahamapa kala omuntu ngume liitha mo met̯ilonkenda lyaKalunga. Talen̯i okutya ahamapa kala omuntu nguma ngala otjitho hitji na oudhioo, hitja lula, hatji kulu, hatji etele ovantu oudheu owingi noudhioo watjo.

Ovaheberi 13:9

Hámu twalwatwalwa komalongo ngae lili nangae lili, ngahamu i. Iya onawa omutima u kolekwe ket̯ilonkenda lyaKalunga, hakoveta yovikulya ndjaa tuwa po, oveta yovikulya kaai popile mboka mbave vi lya.

1 Petrus 5:12

Silas, omukwetu ngumbe liun̯ika, wa mpopila okuntjonekela ko omukanda hembu pauthupi. Me hala oku mu vandhipaleka, ndji mu hipululile okutya hehi et̯ilonkenda lyaKalunga lyatjatjili. Kalen̯i amwa kola.

2 Petrus 3:14

Vakwetu ovahivilikwa, tainkolo mamu kevelele etango ndyoka, kondjen̯i mu kale amwa kohoka, ahamu na tja ombedhi, mu kale naye nouwa.

1 Johannes 2:28

Vanwandje, napano kalen̯i muye, opo katango me ke ya, nt̯e tu kale neliun̯iko, opo hátu ka t̯ithwa ohon̯i, nt̯e ahamatu ka tewa po hime ya.

2 Johannes 1:9

Auhe nguma i pontyo, ahama kala melongo lyaKristus, okutya ke na tja Kalunga, nguma kala melongo lye, oye ma kala ae na Ihe nOmuna.