Ovilinga 13:39 - Etestamende Epe Moludhimba

³⁹ Iya tji iwen̯i okutya auhe ngoka nguma itavele muJesus, ma ithilwa po odhonkali dhe adhihe.

Ovilinga 13:39 Iomraidhean Croise

Lukas 10:25

Iya omulongiveta umo wa kulama, ha lolo Jesus ha tyaa: “Mulongethi, nge ninge tji, opo ndji mone omwenyo waapehe?”

Lukas 10:28

Jesus we mu yaka ha tyaa: “Wa yaka nawa. Tji hwithila po ove u kale nomwenyo.”

Lukas 18:14

Me mu heele okutya hengu wa tjuna koyawo, ae na ouvyuuki mbwaa pon̯a owOmufarisai. Iya auhe ngoka ngume linenepeke, ma nunupikwa, nangoka ngume linunupike, ma nenepekwa.”

Johannes 1:17

Iya oveta Kalunga we i yandja ya pitila muMoses, et̯ilonkenda notjatjili vya etwa kuJesus Kristus.

Johannes 5:24

“Ame me mu heele otjatjili okutya ngoka nguma tee odhondaka dhandje, ye ha itavele mungoka ngwaa ntuma, u na omwenyo waapehe, ye kaa koywa, wa dha mo met̯o, we ya momwenyo.

Ovilinga 10:43

Ovaprofeti avehe va popile Jesus okutya omuntu auhe nguma itavele muye, ma ithilwa po odhonkali dhe mena lye.”

Ovaroma 10:10

Iya okwiitavela nomutima maku ku ningi okutya u ile omuvyuuki, nokuhipulula notjinyo maku hupitha.

Ovaroma 10:4

Iya Kristus oye a eta oveta komaandelo, ye oye e li ouvyuuki womuntu auhe ngwaa itavela.

Ovaroma 3:19

Napano tu tji i okutya atjihe soka oveta himai popi, mai tji heele mbave li kohi yoveta, opo omuntu auhe a patwe otjinyo, nouye auhe u kale au na onkali kotjipala tjaKalunga.

Ovaroma 3:20

Kape na tja omuntu noumo nguma ile omuvyuuki kotjipala tjaKalunga, hima hwithile po soka himatji pulwa koveta, mena lyokutya oveta i lile po okuheela omuntu okutya ye omulundhi.

Ovaroma 4:15

Iya oveta i eta oluyuma lwaKalunga. Andaa kape na tja oveta, kape na tja nguma lundha oveta.

Ovaroma 4:24

iya dha sonekelwa wo nomena lyetu, mbamatu talwa okutya tuvavyuuki hitwa itavela muKalunga, ngwaa imuna Muhona wetu Jesus kout̯e.

Ovaroma 5:1

Iya hitwa ningwa ovavyuuki mena lyeitavelo, iya napano otjo pe na ouwa pokati ketu naKalunga mena lyaMuhona wetu Jesus Kristus.

Ovaroma 5:20

Iya Kalunga wa yandja oveta, odhonkali opo dhi ila odhon̯ingi, mpape na odhonkali odhon̯ingi net̯ilonkenda lyaKalunga en̯ingi.

Ovaroma 5:9

Iya napano twa ningwa ovavyuuki mena lyombindhi ye, twa hupithwa, opo hátu vadhwa koluyuma lwaKalunga.

Ovaroma 8:1

Iya napano kape na tja ekoyo okupa onkali mbave li muKristus Jesus,

Ovaroma 8:3

Kalunga wa undapa soka oveta hiya anyenwa oku tji undapa, mena lyokutya omuntu otjingone. Kalunga wa koya oulundhi momuntu, hiaa tuma Omuna ngoka ngwee ya molupe lwomuntu omulundhi, a ithe po odhonkali,

Ovaroma 9:31

Ovaisraeli mbava kondja okulitanta noveta va ninge ovavyuuki, va anyenwa.

1 Ovakorinto 6:11

Iya vamo owomun̯e otjo mwa li nyahoka. Iya n̯e mwa kohwa odhonkali, mwa ningwa ovadhilikwa vaKalunga, mwa vyuukithwa mena lyaMuhona wetu Jesus Kristus nomOmbepo yaKalunga ketu.

Ovagalati 2:16

Iya tu tji i okutya ovilinga vyoveta kaavi ningi omuntu a ile omuvyuuki, iya ma ile omuvyuuki aa itavele muJesus Kristus. Nant̯e wo twa itavela muKristus Jesus, opo tu vyuukithwe keitavelo muKristus, hakovilinga vyoveta. Kape na tja omuntu noumo nguma vyuukithwa kovilinga vyoveta.

Ovagalati 2:19

Ame mba kutuluka modhonkono dhoveta, opo ndji undapele Kalunga. Ame mba papelwa komutjaakano pamo naKristus,

Ovagalati 3:8

Omusonekwa wa popya ae lukulu okutya Kalunga ovapaani me ke ve ninga ovavyuuki mena lyeitavelo. Iya Omusonekwa wa teethela Abraham ae lukulu ondaka ombwa, hau tyaa: “Oviwan̯a avihe mavi ka pewa elao mena lyoye.”

Ovagalati 5:3

Me mu heele uke okutya auhe ngume lipititha etanda, u tha okuhwithila po oveta aihe.

Ovaheberi 10:11

Omuyambethi auhe u kulama etango alihe okuundapa otjilinga tje, u yamba omayambo ngoka ovikando ovingi. Omayambo atjo ngoka kae na tango a ithile po odhonkali.

Ovaheberi 10:4

Iya ombindhi yodhontwedhi noyodhonkombo kaai ulu okwiitha po odhonkali.

Ovaheberi 7:19

Iya oveta yaMoses kai na hiya hwithila po. Poluvedhe lwoveta pa tuwa eliun̯iko ewa, mulyo matu hweene kuKalunga.