Ovilinga 13:29 - Etestamende Epe Moludhimba

²⁹ Hiva dhi pokuninga ovipuka avihe, ngahi a popiwa momisonekwa, ve mu itha ko komutjaakano, have mu paka mombila.

Ovilinga 13:29 Iomraidhean Croise

Markus 15:42

Iya hikwa toko, tjo tja li etango lyokulilongekedha, ndyoka ndyaa landulwa kEsabati,

Lukas 23:50

Kwa li omulumentu nguu tiwa oJosef, owomOtjoongi tjOvanene. Omulumentu hengu wa li omuwa, omuvyuuki,

Lukas 23:53

Hiee tji itha ko, we tji dhingila motjitopa tjoliina, he mu paka mombila ndjaa hokolelwe mewe, moka muhamuya pakwa omuntu noumo.

Lukas 24:44

Iya we ve heela ha tyaa: “Odhondaka hendhi odho mbe mu heela, tainkolo mba li pun̯e, himba tile avihe mbyoka mbyaa ntjonekelwa moveta yaMoses, momisonekwa vyovaprofeti nOmapisalomi vya thele okuhwithilwa po.”

Johannes 19:28

Jesus wa li ae tji i okutya napano ovipuka avihe vya hwithilwa po. Omusonekwa opo u hwithilwe po, wa popya ha tyaa: “Mba t̯i onyota.”

Johannes 19:30

Hiaa makele ovinyu mbyoka mbyaa lula ha tyaa: “Avihe vya hwithilwa po!” Iya wa yongameka omutwe we, tjau ha t̯i.

Ovilinga 13:27

Ovantu womoJerusalem novatumini vawo kave ivilwe okutya Jesus oye e li an̯i. Iya wo kava teele nawa odhondaka dhovaprofeti ndhii tangwa mEsabati alihe. Iya wo va koya Jesus ngahi tja popiwa kovaprofeti.

Ovilinga 2:23

Kalunga omwene we tji soka ae lukulu, ye he tji tokola okutya Jesus ma yandjwa momawoko en̯i, on̯e mwe mu yandja momawoko ovantu mbahave i oveta yaMoses, hamu mu papeletha komutjaakano, hamu mu dhipaetha.

Ovilinga 26:22

Iya Kalunga wa mpopila katee kundino hendi, opo mba dhi okukulama hempa, hime hipululile ovantu avehe ovanene novanunu, hí na tjimo hime popi, me popi soka ovaprofeti naMoses hiva tile matji ka ningwa

Ovilinga 4:28

Wo va ongana, opo va kondjethe atjihe soka ove omwene kodhonkono dhoye nokehalo lyoye hiwa twaa po ae lukulu tji ningwe.

Ovilinga 5:30

Kalunga kootateombwale oye a imuna Jesus kout̯e, ngoka ngumwa dhipaa himwe mu papela komutjaakano.

1 Ovakorinto 15:4

okutya ye wa pakwa, wa imunwa kout̯e etango etyatatu, omisonekwa ngahi mavi popi.