Ovilinga 13:2 - Etestamende Epe Moludhimba

² Iya tainkolo va li amava undapele Muhona Kalunga, have litjaele ovikulya, Ombepo Ondhilikwa ye ve heela hai tyaa: “Ntjolowolela ndjen̯i Barnabas naSaulus, va ka undape otjilinga soka himbe ve ithanena.”

Ovilinga 13:2 Iomraidhean Croise

Mateus 17:21

Iya ombepo hendji ombi kai tewa mo kotjipuka tjimo, i tewa mo vala kealikano nokokulitjaela ovikulya.”

Mateus 6:16

“Iya amamu litjaele ovikulya, hámu tungu omukoto ngahi tji ninga ovalinomi, mena lyokutya wo va tinda movipala, ovantu opo va mone okutya wo ve litjaele ovikulya. Otjatjili me mu heele okutya wo va pewa ondjambi yawo.

Mateus 9:38

Iya kumben̯i, omwene wovilya a tume ovaundapi keteyo lyovilya vye.”

Lukas 10:1

Kon̯ima yovipuka mbyoka Muhona wa holowola uke ovalongwa omilongo epanduvali navavali, he ve tumu vavali navavali, va tenge komeho kondolopa aihe nopoluvedhe mpoka omwene mpaa li ama hala okuya.

Lukas 2:37

Iya potembu ndjoka wa li omuhepe wodhombula omilongo epandutatu nane. Ye ka dhile mo nokoholo motempeli, iya wa undapela Kalunga out̯iku nomutenya ama kumbu, ye he litjaele ovikulya.

Ovilinga 10:19

Iya Petrus tainkolo a li ame lipula uke nemoneko okutya mali tya vi, Ombepo Ondhilikwa ye mu heela hai tyaa: “Teelela, pomuvelo pe na ovalumentu vatatu mbamave ku pula.

Ovilinga 10:30

Kornelius wa yaka ha tyaa: “Iya hipa piti omatango ane powola nawanawa ngahendji, ame mba vadhwa ame kumbu monganda yandje powola ondatu yokomatango. Dhivadhiva mbe ya okulihaka momulumentu ngwaa kulama komeho yandje, nguu na ovikutu mbimavi ngen̯auka.

Ovilinga 13:3

Iya ve litjaela ovikulya, hava kumbu, hava tendeke omawoko awo kuBarnabas naSaulus, have ve lekele.

Ovilinga 13:4

Iya Barnabas naSaulus hiva tumwa kOmbepo Ondhilikwa, va ya koSeleukia, iya hoka va dha ko nombapolo, hava i kompanga yaKipros.

Ovilinga 14:26

Hiva dhi koAtalia va londa mombapolo, hava tjuna koAntiokia moSiria, eongalo hoka oko lya yandjelele Paulus naBarnabas met̯ilonkenda lyaKalunga, mena lyotjilinga soka hiva undapa.

Ovilinga 20:28

Iya litakamethen̯i n̯e ovene mu takamethe otjuunda soka himwa pewa kOmbepo Ondhilikwa oku tji takametha. Kalen̯i ovat̯ita veongalo lyaKalunga, ndyoka ndyee limonena mena lyombindhi yOmuna.

Ovilinga 22:21

Iya Muhona wa ntjeela ha tyaa: ‘Enda ko, mena lyokutya me ke ku tuma kokule kovapaani.’ ”

Ovilinga 4:36

Josef, Omulevi ngwaa yumukilwa moKipros ngoka ovayapostoli nguva ithana Barnabas (ena ndyoka li tya omuvandhipalethi),

Ovilinga 6:4

Nt̯e ovene matu hala okulitwaa mealikano nomotjilinga tjeteetho lyodhondaka dhaKalunga.”

Ovilinga 8:29

Iya Ombepo Ondhilikwa ya heela Filippus hai tyaa: “Enda, u ka kale popedhi netemba ndyoka.”

Ovilinga 9:15

Muhona wa heela Ananias ha tyaa: “Enda ko, mena lyokutya ame mbe mu holowola, a ndjundapele, ye a ivithe ena lyandje koviwan̯a vyovapaani nokodhohamba dhawo nokOvaisraeli.

Ovaroma 1:1

Omukanda hembu mau dhi kwaame Paulus, omupika waKristus Jesus ngumba holowolwa, he ithanwa ndji kale omuyapostoli wokuteetha ondaka ombwa yaKalunga.

Ovaroma 10:15

Mava ulu vi okuteetha, andaa kava tuminwe? Ngahi kwa sonekwa haku tiwaa: “Odhompadhi dhovateethi wondaka ombwa dhe thewa vi!”

Ovaroma 15:16

opo ndji undapele Kristus Jesus mokati kovapaani, movilinga ovidhilikwa vyouyambethi vyokuteetha ondaka ombwa yaKalunga, ovapaani opo va ile eyambo ndyee thewa, Ombepo Ondhilikwa ndiya dhilika.

1 Ovakorinto 12:11

Iya ovipuka hembi avihe vi undapwa kOmbepo yatjo tuu ndjoka Ondhilikwa ndjii li imo, oyo i yandja komuntu auhe ngahi mai hala.

1 Ovakorinto 7:5

Hámu linomona, kakele vala amwa twaa po okaluvedhe kokutji litwaa mealikano. Iya kon̯ima tjunen̯i uke pamo ngovalikupi ngahi mu kala, opo hámu lolwa kuSatana, mena lyokutya kaamu ulu okukala olule ahamamu lala po pamo ngovalikupi.

2 Ovakorinto 11:27

Pa li ovilinga noudheu, otwingi ndji lala ontali, mba t̯a ondjala nonyota. Otwingi mba kala ahe na tja ovikulya mbyaa hulu. Mba mona ovihuna unene koutalala nokoluhepo.

2 Ovakorinto 6:5

Twa tonwa, twa tuwa mouliwoso, twa lwithwa. Twa undapethwa ovilinga ovidheu, katwa li noluvedhe okulya ne okulala.

Ovagalati 1:15

Iya tje thevelwa Kalunga ngwaa ntjolowola okudha medhimo lyameme, ha ndjithana mena lyet̯ilonkenda lye,

Ovaefeso 3:7

Mba ninga omuteethi wondaka ombwa motjali tjet̯ilonkenda lyaKalunga, ndyaa mpa movilinga vyodhonkono dhe.

Ovakolossa 4:17

Heelen̯i Arkippus okutya nga hwithile po otjilinga hiaa pewa okuundapela Muhona.

1 Timoteus 2:7

Iya ame mba tuwa po, ndji kale omuteethi nomuyapostoli, ndji longethe ovapaani eitavelo lyatjatjili. Me popi otjatjili híme kembe.

2 Timoteus 1:11

Iya mba holowolwa, ndji kale omuyapostoli nomulongethi nomuteethi.

2 Timoteus 2:2

Ovipuka mbyoka mbiwa tyaa mwaame ame popi movipathi vyodhombangi odhingi, vi longa ovantu mbave tji i okuliun̯ikwa, mbamava ulu wo oku vi longa ovakwawo.

2 Timoteus 4:11

Lukas oye vala aika e li pwaame. Etelela Markus, mena lyokutya me mu hala e ye a mpopile ovilinga.

2 Timoteus 4:5

Iya ove liyunga movipuka avihe. Hepa, undapa otjilinga tjoye tjomuteethi wondaka ombwa. Hwithila po otjilinga tjoye tjokuundapela Kalunga.

Ovaheberi 5:4

Kape na tja noumo ngume liithile etumbalo hendi muye omwene, Kalunga oye a ithana omuntu a ile omuyambethi omunene ngaAron hiaa ithanwa.