Ovilinga 12:9 - Etestamende Epe Moludhimba

⁹ Petrus we mu landula, ha dhi mo mokaliwoso. Iya ye kaa li ae tji i okutya himatji ningi omweengeli otjatjili, wa li ama tya pamo ma loto.

Ovilinga 12:9 Iomraidhean Croise

Johannes 2:5

Ina wa heela ovaundapi ha tyaa: “Ningen̯i atjihe soka hime mu heele.”

Ovilinga 10:17

Petrus hiaa mono emoneko ndyoka wa li aa kumwa. Tainkolo a li ame lipula nemoneko ndyoka okutya mali tya vi, ovalumentu mbenya mbava li ava tumwa kuKornelius va yulikilwa onganda yaSimon, wo ve ya hava kulama potjivelo.

Ovilinga 10:3

Etango limo powola ontyatatu yokomatango Kornelius wa mona emoneko, omweengeli waKalunga ame ya kuye, ye he mu ithana ha tyaa: “Kornelius!”

Ovilinga 11:5

“Ame himba li mondolopa yaJoppe, ame kumbu, mba mona emoneko. Mba mona eulu alye liyapuka, hamu dhi otjipuka himatji ngala otjitopa otjinene, hitja t̯itwa kodhontyo dhatjo ne, hatji thothonokethelwa pwaame.

Ovilinga 12:8

Iya omweengeli we mu heela ha tyaa: “Kuta omuvya woye, ove u tapeke odhongaku dhoye.” Petrus wa ninga ngahi a heelwa. Iya omweengeli we mu heela uke ha tyaa: “Dhala ombaikitha yoye, ove u ndandule.”

Ovilinga 26:19

“Iya hamba Agrippa, ame mba itavela kemoneko lyokeulu.

Ovilinga 9:10

MoDamasko mwa li omulongwa umo nguu tiwa oAnanias. Muhona we liholololela ye memoneko, we mu ithana ha tyaa: “Ananias!” Ananias we mu yaka ha tyaa: “Muhona, aame hengu!”

Ovaheberi 11:8

Eitavelo olyo lya undapetha Abraham, a tyee kuKalunga hiee mu ithana, ha dhilukile kotjilongo soka hiaa ka pewa ngepingo. Abraham wa dhiluka motjilongo tjawo, ye kaa li ae i hoka huma i.