Ovilinga 12:7 - Etestamende Epe Moludhimba

⁷ Iya we ke lihaka vala omweengeli waMuhona, we mu kulamene, nelaimo lye hali laimine mokandjuwo hoka kokaliwoso. Omweengeli wa mbambala Petrus kepepe, ha tyaa: “Kulama, kanyauka!” Dhivadhiva omalyenge a wa ko komawoko aPetrus.

Ovilinga 12:7 Iomraidhean Croise

Mateus 2:13

Ovanongo wokoutjilo hiva i, omweengeli waMuhona we liholololela Josef mondjodhi, ha tyaa: “Kulama, itha ondele naina, u ka inkolele koEgipiti, u ka kale hoka katee me ke ku heela, mena lyokutya Herodes u li po ama soko okutaendha ondele, e mu dhipae.”

Lukas 2:9

Omweengeli waMuhona we ya kuwo, elaimo lyaMuhona hali ve laimine, wo hava tila unene.

Lukas 24:4

Tainkolo va li ave limbililwa, puwo pa kulama ovalumentu vavali mbava li ava dhala omidhalo mbimavi laima.

Ovilinga 10:30

Kornelius wa yaka ha tyaa: “Iya hipa piti omatango ane powola nawanawa ngahendji, ame mba vadhwa ame kumbu monganda yandje powola ondatu yokomatango. Dhivadhiva mbe ya okulihaka momulumentu ngwaa kulama komeho yandje, nguu na ovikutu mbimavi ngen̯auka.

Ovilinga 12:23

Dhivadhiva omweengeli waMuhona wa yumba Herodes ouvela ounene, mena lyokutya ka tumbalekele Kalunga. Herodes wa tukwa komativa, ha t̯i.

Ovilinga 12:6

Otjit̯iku soka tainkolo etango ndyoka Herodes ndyaa li aa soko okweeta Petrus movipathi vyovantu avehe, Petrus wa lalele pokati kovakwavita vavali. Ye wa li aa kutwa nomalyenge avali, po pomuvelo wokaliwoso pa li ovakwavita.

Ovilinga 12:8

Iya omweengeli we mu heela ha tyaa: “Kuta omuvya woye, ove u tapeke odhongaku dhoye.” Petrus wa ninga ngahi a heelwa. Iya omweengeli we mu heela uke ha tyaa: “Dhala ombaikitha yoye, ove u ndandule.”

Ovilinga 16:26

Iya dhivadhiva pe ya eteketo lyohi enene, hali teketetha ekulameno lyokaliwoso katee omivelo vya yeluka, nomalyenge odhonkwatwa ha kutuluka.

Ovilinga 2:24

Kalunga we mu imuna kout̯e, ye we mu kutulula momiihamo vyet̯o, mena lyokutya et̯o kali ulile oku mu kambulila moupika.

Ovilinga 5:19

Iya mokati kovit̯iku omweengeli waMuhona Kalunga wa yelula omivelo vyokaliwoso, ha pititha mo ovayapostoli, he ve heele ha tyaa:

Ovilinga 9:3

Iya Saulus hiaa li ama hala okuvadha popedhi naDamasko, dhivadhiva wa kondolokwa keen̯i ndyaa dha meulu.

Ovaefeso 5:14

Iya otjipuka atjihe himatji etwa poluhandja, matji ile otjiten̯i. Ngahi maku tiwaa: “Nguwa lala, imuka po, kulama, dha mo movat̯e, Kristus me ku tungatele.”

Ovaheberi 1:14

Ovaengeli owaan̯i? Ovaengeli avehe odhombepo ndhii undapela Kalunga, dho ndhii tumwa kuKalunga okupopila ovantu mbamava ka hupithwa.

Eholololo 18:1

Kon̯ima yovipuka hembi mba mona omweengeli omukwawo, ama dhi nomeulu, ae na odhonkono odhonene, elaimo lye lya laimina ohi.