Ovilinga 12:5 - Etestamende Epe Moludhimba

⁵ Petrus wa yungilwa mokaliwoso, iya eongalo lye mu kumbila kuKalunga.

Ovilinga 12:5 Iomraidhean Croise

Mateus 18:19

“Me mu heele otjatjili okutya andaa vavali mun̯e kombanda yohi ve litee motjipuka himava kumbu, mave tji pewa kuTate owomeulu.

Lukas 18:1

Iya Jesus wa heela ovalongwa ve eeli okutya ngava kumbe apehe, háva poyola.

Ovilinga 12:12

Petrus hiaa koneke ovipuka avihe mbimavi ningwa, wa ya koyooMaria ina yaJohannes ena limo u tiwa oMarkus. Ovaitaveli ovengi va vadhwa ava onganene monganda moka, amava kumbu kuKalunga.

Ovilinga 12:4

Hiee mu kambula, we mu twaa mokaliwoso, he mu yandja kovilombo vine, otjilombo atjihe tja li novakwavita vane, va ninge odholenda, himave mu yungu. Herodes we lipula okutya me ke mu eta kovikoya kotjipala tjovantu kon̯ima yetango enene lyOpaasa.

Ovilinga 12:6

Otjit̯iku soka tainkolo etango ndyoka Herodes ndyaa li aa soko okweeta Petrus movipathi vyovantu avehe, Petrus wa lalele pokati kovakwavita vavali. Ye wa li aa kutwa nomalyenge avali, po pomuvelo wokaliwoso pa li ovakwavita.

1 Ovakorinto 12:26

Iya otjin̯ipo tjimo amatji ihama, ovin̯ipo ovikwawo mavi ihama pamo natjo wo, ne otjin̯ipo tjimo atja tumbalekwa, ovin̯ipo avihe mavi hulukwa.

2 Ovakorinto 1:11

ngan̯e wo himamu tu popile nomaalikano en̯i. Iya Kalunga aa yaka omaalikano en̯i, okutya ovengi mava ka hiva Kalunga mena lyetu nolyotjilinga tjet̯ilonkenda lye kunt̯e.

1 Ovatessalonika 5:17

Kumben̯i, hámu petuka.

Ovaheberi 13:3

Thipaluken̯i odhonkwatwa, mu ngale mbamwa kambulwa pamo nawo. Thipaluken̯i mbava monethwa ovihuna, mu ngale mbamwa monethwa ovihuna pamo nawo.

Jakob 5:16

Iya lihipululilen̯i odhonkali dhen̯i, mu likumbile, opo mu veluke. Ealikano lyomuvyuuki li na odhonkono odhonene, mali ulu okuninga tja.