Ovilinga 12:3 - Etestamende Epe Moludhimba

³ Herodes hiaa mono okutya otjipuka soka tje hulukitha Ovajuda, wa twikila uke okukambulitha Petrus. (Hehi tja ningwa potembu yotjipito tjomingome mbihavi tuwa ontathi.)

Ovilinga 12:3 Iomraidhean Croise

Mateus 26:17

Etango lyolutenga lyotjipito tjomingome mbihavi tuwa ontathi, ovalongwa ve ya kuJesus, hava tyaa: “Opi mpamo hala oku ka lila Opaasa, opo tu ke ku longekedhela?”

Johannes 12:43

Iya wo va li ave hole okupandulwa kovantu okupon̯a okupandulwa kuKalunga.

Johannes 19:11

Jesus we mu yaka ha tyaa: “Ku na tja odhonkono okunkondjetha, andaa ku dhi pelwe kuKalunga. Iya nomulumentu ngoka ngwaa ndjandja kwoove, onkali ye ya pon̯a uke oyoye.”

Johannes 21:18

Ame me ku heele otjatjili okutya hiwa li omudhantu, nahi u likuta omuvya motjivya, ho i humo hala, iya andaa wa kulupa, mo yele omawoko oye, umo he ku kutu, ye he ku twala hoka huhamo hala okuya.”

Ovilinga 12:4

Hiee mu kambula, we mu twaa mokaliwoso, he mu yandja kovilombo vine, otjilombo atjihe tja li novakwavita vane, va ninge odholenda, himave mu yungu. Herodes we lipula okutya me ke mu eta kovikoya kotjipala tjovantu kon̯ima yetango enene lyOpaasa.

Ovilinga 2:14

Petrus wa kulama pamo nomulongo naumo, ha popi nondaka ndjaa yeluka okuheela owingi wovantu ha tyaa: “Vajuda vakwetu, nan̯e amuhe mbamu li moJerusalem, nteelela ndjen̯i nawa, hime mu heele.

Ovilinga 20:6

Kon̯ima yotjipito tjomingome mbihavi tuwa ontathi, nt̯e twa kulama nombapolo okudha koFilippi, twa enda po omatango atano okuthika koTroas, hatu kala mo otjivike tjimo.

Ovilinga 24:27

Iya hipa piti odhombula mbali, Porkius Festus wa pinga polukalo lwaFeliks. Iya Feliks hiaa li ama hala okulimoneketha nawa kOvajuda, wa thiaa Paulus mokaliwoso.

Ovilinga 25:9

Iya Festus wa li ama hala okuthevelwa Ovajuda, iya wa pula Paulus ha tyaa: “Mo hala okuya koJerusalem, oko ndji ke ku koyela?”

Ovilinga 4:13

Ovanene wOtjoongi va kuminwa ouvandhi waPetrus naJohannes nahiva mona okutya ovayapostoli mboka va li vala ovantu mbahava longelwe. Iya wo ve ve ivilwe okutya ovalumentu mboka nahi va kala naJesus.

Ovagalati 1:10

Iya napano ame nge taendhe himatji hulukitha ovantu ne ohimatji hulukitha Kalunga? Andaa nan̯i me hulukitha vala ovantu, himupika waKristus.

1 Ovatessalonika 2:4

Iya ngahi twa tambulwa kuKalunga, hatu liun̯ikilwa okuteetha ondaka ombwa, kaatu popi himatji hulukitha ovantu, iya oKalunga nguu thongonona omitima vyetu.