Ovilinga 11:23 - Etestamende Epe Moludhimba

²³ Iya ye hiee thiki koAntiokia, wa li nehuluko, hiaa mona ovilinga vyonkenda, Kalunga mbyaa undapa mokati kovantu. Barnabas we ve ilikin̯a okutya va kale puMuhona nomitima vyawo avihe.

Ovilinga 11:23 Iomraidhean Croise

Mateus 16:24

Iya Jesus wa heela ovalongwa ve ha tyaa: “Andaa pe na nguma hala okundandula, nge lidhimbe ye omwene, ye a tjinde omutjaakano we, a ndandule.

Markus 2:5

Jesus hiaa mono eitavelo lyawo, wa heela omuvedhi wotjinteya ha tyaa: “Ndele yandje, odhonkali dhoye dha ithwa po.”

Johannes 15:4

Kalen̯i mwaame, naame me kala mun̯e. Ngontai hihamai ulu okuma, andaa kai li komuti, nan̯e kaamu ulu okuma, andaa kaamu kala mwaame.

Ovilinga 13:43

Ovantu hive liyapauka, Ovajuda ovengi novapaani ovengi mbava undapela Kalunga mbave lininga Ovajuda, va landula Paulus naBarnabas. Iya Paulus naBarnabas ve ve teethela, have ve ilikin̯a, va kale ave liun̯ika met̯ilonkenda lyaKalunga.

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovilinga 14:26

Hiva dhi koAtalia va londa mombapolo, hava tjuna koAntiokia moSiria, eongalo hoka oko lya yandjelele Paulus naBarnabas met̯ilonkenda lyaKalunga, mena lyotjilinga soka hiva undapa.

Ovilinga 15:40

Iya Paulus wa holowola Silas. Ovaitaveli hiva yandja Paulus met̯ilonkenda lyaMuhona, ha i.

Ovilinga 20:24

Iya kombinga yandje ame híme yavala omwenyo wandje, tjinene vala me hwithile po ovilinga mbyoka Muhona Jesus mbyaa mpa okuundapa, vyokuteetha ondaka ombwa yet̯ilonkenda lyaKalunga.

Ovilinga 20:32

“Iya napano me mu yandja motjiho tjaKalunga nokodhondaka dhet̯ilonkenda lye. Ye u na odhonkono dhoku mu koleka noku mu pa oumpinga pamo novantu ovadhilikwa ve avehe.

Ovilinga 4:36

Josef, Omulevi ngwaa yumukilwa moKipros ngoka ovayapostoli nguva ithana Barnabas (ena ndyoka li tya omuvandhipalethi),

Ovaroma 12:8

Ne andaa okuvandhipaleka ovakwawo, nge ve vandhipaleke. Nguma yandja, nga yandje nomutima omuwa. Nguu na odhonkono okutumina ovantu, nge tji ninge nodhondunge. Nguma popile mbave li moluhepo, nge tji ninge nehuluko.

1 Ovakorinto 15:58

Vahivilikwa vandje, pamen̯i, hámu tenguka. Kalen̯i odhombandhi apehe movilinga vyaMuhona, mu kale amu tji i okutya otjilinga tjen̯i muMuhona katji li vala.

2 Ovakorinto 1:17

Iya himba li ame hala okuninga hinyahi, hí sokele nawa mpaeli? Ne ndji panga odhompango dhandje dhountu ndji kale nodhondaka mbali ndhimadhi tyaa: “Iinga, iinga” na “Aai, aai”?

2 Ovakorinto 6:1

Nt̯e tuvaundapi pamo naKalunga, matu mu ilikin̯a wo okutya et̯ilonkenda lyaKalunga ndimwa tambula hámu li dhanetha.

Ovakolossa 1:6

ndjee ya kun̯e. Ondaka ombwa mai eta elao, hai handjana wo nouye auhe nawanawa ngahi ya handjana mokati ken̯i okudha ketango ndyoka himwe i tyaa, n̯e hamu iwa et̯ilonkenda lyaKalunga ngahi li li tjatjili,

2 Timoteus 3:10

Iya ove wa landula nawa elongo lyandje, onkalo yandje nontanto yandje. Wa ndandula meitavelo, melikambulithilo, mohole nahihe tyola,

1 Petrus 5:12

Silas, omukwetu ngumbe liun̯ika, wa mpopila okuntjonekela ko omukanda hembu pauthupi. Me hala oku mu vandhipaleka, ndji mu hipululile okutya hehi et̯ilonkenda lyaKalunga lyatjatjili. Kalen̯i amwa kola.

1 Johannes 2:28

Vanwandje, napano kalen̯i muye, opo katango me ke ya, nt̯e tu kale neliun̯iko, opo hátu ka t̯ithwa ohon̯i, nt̯e ahamatu ka tewa po hime ya.

3 Johannes 1:4

Ame hí na tja ehuluko limo ndyaa pon̯a hendi, hindji yuvite odhondele dhandje hiva enda motjatjili.

Judas 1:4

Iya ku na ovantu vamo mbave liyombela mokati ken̯i, va sonekelwa lukulu ekoyo. Ovantu hemba kave na ko natja naKalunga, et̯ilonkenda lyaKalunga ketu ve li pidhidhika novilinga vyawo vyokuhelitjaela movihulo. Wo ve litendela Jesus Kristus, Muhona wetu, elombe aika.