Ovilinga 11:18 - Etestamende Epe Moludhimba

¹⁸ Iya wo hiva tee odhondaka hendhi, kave na uke hiva popya, va hivilika Kalunga hava tyaa: “Kalunga wa yandja oluvedhe kovapaani, ve liteyulule, opo va kale nomwenyo.”

Ovilinga 11:18 Iomraidhean Croise

Mateus 9:8

Iya owingi wovantu hiwe tji mono, wa li awa tila, hava hivilike Kalunga, ngwaa yandja odhonkono ndhii lithike hempa kovantu.

Ovilinga 11:1

Ovayapostoli novaitaveli mbava li moJudea atjihe, va tyaa okutya ovapaani nawo va itavela odhondaka dhaKalunga.

Ovilinga 14:27

Paulus naBarnabas hive thiki koAntiokia va konga eongalo. Ve li hipululila ovipuka mbyoka Kalunga mbyee ve undapetha, okutya Kalunga wa yelulila ovapaani omuvelo, nawo va ninge ovaitaveli.

Ovilinga 15:3

Wo hiva dhi pokulekelwa keongalo, va yatakana moFoinikia nomoSamaria, va ka enda amava hipulula okutya ovapaani ve liteyulule, va itavele muKalunga. Ondaka hendji ya etela ovaitaveli avehe ehuluko.

Ovilinga 20:21

Iya mba heela Ovajuda nOvagreka, ve liteyulule, wo va tjune kuKalunga, wo va itavele muMuhona wetu Jesus Kristus.

Ovilinga 21:20

Hiva dhi pokuteelela otjihipululo tje, avehe va hiva Kalunga, wo have mu heele hava tyaa: “Ove Paulus, u tji i ae okutya muno mu na Ovajuda omayovi omengi mbava ninga ovaitaveli, avehe va kambulitha nawa oveta yaMoses.

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovilinga 3:26

Kalunga hiaa imuna omuntu we kout̯e, olutenga we mu tuma kun̯e, he mu pa elao hiaa teyulula ovantu avehe komauvi awo.”

Ovilinga 5:31

Omulumentu hengu Jesus, Kalunga we mu yelela peulu kokulyo kwe, a kale Ohongodhi nOmuhupithi, opo a pe Ovaisraeli oluvedhe lwokuliteyulula, va ithilwe po odhonkali dhawo.

Ovaroma 9:30

Iya ngatu tye vi? Ovapaani kava kondjele okulitwaa pouvyuuki, iya ouvyuuki mbuva pewa owomeitavelo.

2 Ovakorinto 3:18

Napano nt̯e atuhe mbahatu tjikuluka kovipala, tu ngala otjilivandjelo mumamu monekele elaimo lyaMuhona ngoka nguu li Ombepo, matu lundululwa, tu lithe kolupe lwe omwene lwelaimo enene okupon̯a omalaimo aehe.

2 Ovakorinto 7:10

Iya okuningithwa omitima omivi kehalo lyaKalunga kwe etela omuntu eliteyululo. Eliteyululo li etela omuntu ehupitho, iya okuningithwa omitima omivi katji pukile. Iya okuningithwa omitima omivi mena lyouye ku twala met̯o.

Ovagalati 1:24

Wo va tumbaleka Kalunga mena lyovipuka mbyaa ndjundapela.