Ovilinga 11:14 - Etestamende Epe Moludhimba

¹⁴ Petrus me ku heele ondaka ndjimai ku hupitha pamo nonganda yoye aihe.’

Ovilinga 11:14 Iomraidhean Croise

Markus 16:16

Nguma itavele, ha tjatjwa, ma hupithwa, iya nguhama itavele, ma ka koyelwa mekeko.

Lukas 19:10

Iya Omuna wOmuntu we ya okutaendha nokuhupitha mbava keka.”

Johannes 12:50

Ame ndji tji i okutya otjitumino tje matji eta omwenyo waapehe. Iya soka himba hee, otjo soka Tate hiaa ntjeela ndji tji popye.”

Johannes 20:31

Iya hembi vya sonekwa, opo mu itavele okutya Jesus oye e li Messias, OmunwaKalunga, andaa mwa itavele muye, mamu kala amu na omwenyo.

Johannes 4:53

Ihe wa thipaluka okutya opo pe li po nawanawa powola yatjo ndjoka Jesus ndjee mu heelele ha tyaa: “Omunoye u na omwenyo.” Ye ha itavele pamo nonganda ye aihe.

Johannes 6:63

Ombepo oyo mai yandja omwenyo, soka hitji li momuntu kaatji popile tja. Odhondaka ndhimbe mu heele odho dhi li Ombepo ndjimai yandja omwenyo.

Johannes 6:68

Simon Petrus we mu yaka ha tyaa: “Muhona, matu i kwaan̯i? Ove u na odhondaka dhomwenyo waapehe.

Ovilinga 10:2

Kornelius wa li omuundapeli nomutilikalunga pamo nonganda ye aihe. Ye wa li aa yandja omapopilo kOvajuda ovathona, ye wa kambulithile wo okukumba kuKalunga.

Ovilinga 10:22

Wo ve mu yaka hava tyaa: “Nt̯e twa tumwa komunene wovakwavita Kornelius. Ye omulumentu omuwa unene omutilikalunga, ngwaa tumbalekwa unene kOvajuda avehe. Wa heelwa komweengeli omudhilikwa memoneko e ku ithane, u ye konganda ye, a tyee soka hiuu na tjo, u mu heele.”

Ovilinga 10:43

Ovaprofeti avehe va popile Jesus okutya omuntu auhe nguma itavele muye, ma ithilwa po odhonkali dhe mena lye.”

Ovilinga 10:6

Ye omuyenda monganda yaSimon omupeli woviyalo, owonganda ndjii li popedhi nelunga.”

Ovilinga 11:13

Kornelius we tu heela okutya wa mona omweengeli, ngwaa kulamene pondjuwo ye, omweengeli we mu heele ha tyaa: ‘Tuma omuntu koJoppe, a ka ete omulumentu nguu tiwa oSimon Petrus.

Ovilinga 16:15

Iya Lidia pamo nonganda ye hiva tjatjwa, we tu konga tu ye konganda ye, ha tyaa: “Iya amu ndwete okutya ndjimuliun̯ikwa muMuhona, indjen̯i mu kale monganda yandje.” Iya he tu hekele, tu kale puye.

Ovilinga 18:8

Krispus, ngwaa li omunene wosinagoga, wa itavela muMuhona pamo nonganda ye aihe. Ovantu ovengi owomoKorinto mbava teele ondaka yaKalunga, va itavela, hava tjatjwa.

Ovilinga 2:39

Iya eudhiko hendi ndimwa udhikilwa olyen̯i nodhondele dhen̯i novantu avehe mbave li kokule, wo avehe Muhona Kalunga ketu me ke ve ithana.”

1 Ovakorinto 1:16

Iinga, mba tjatja wo owoyaStefanas, híme thipaluka, andaa pe na uke umo ngumba tjatja.