Ovilinga 10:35 - Etestamende Epe Moludhimba

³⁵ Kalunga u tambula omuntu moviwan̯a avihe, nguu mu tila nanguu undapa ouvyuuki.

Ovilinga 10:35 Iomraidhean Croise

Lukas 1:28

Omweengeli hiee ya puMaria, we mu heela ha tyaa: “Okupopithwa, nguwa t̯ilwa onkenda! Muhona nga kale naove, ye nge ku pe elao.”

Ovilinga 10:2

Kornelius wa li omuundapeli nomutilikalunga pamo nonganda ye aihe. Ye wa li aa yandja omapopilo kOvajuda ovathona, ye wa kambulithile wo okukumba kuKalunga.

Ovilinga 10:28

Iya Petrus we ve heela ha tyaa: “N̯e mu tji i nawa okutya kOvajuda tji dhila okulitjinga nokulivalula nomihoko vimo. Iya Kalunga wa ndjulikila okutya hé popi omuntu okutya omuvi ne hamudhilikwa.

Ovilinga 15:9

Kalunga hiee tu ningila, novapaani otjo e ve ningila. Mena lyeitavelo ndive na lyo, Kalunga we ve ithila po odhonkali dhawo.

Ovilinga 9:31

Iya eongalo alihe moJudea, moGalilea nomoSamaria lya kala nouwa. Kepopilo lyOmbepo Ondhilikwa eongalo lya tana motjihavelo, ovaitaveli avehe va tumbaleka Muhona.

Ovaroma 2:13

Omuntu kaa ile omuvyuuki kotjipala tjaKalunga hima teelele oveta, iya ma ile omuvyuuki ama hwithile po oveta.

Ovaroma 2:14

Ovapaani, mbahave na oveta, iya andaa mava hwithile po soka himatji pulwa koveta monkalo yawo, okutya wo oveta muwo ovene, nandaku tiwa kave na tja oveta.

Ovaroma 3:22

Kalunga otjipuka hehi me tji ningile ovantu avehe mbava itavela muJesus Kristus. Me ve ningile tjo, hápe na tja okapungulula.

1 Ovakorinto 12:13

Iya nant̯e wo atuhe kutya nee Ovajuda ne Ovagreka ne ovapika ne ombahave thi ovapika twa tjatjelwa molutu lumo kOmbepo Ondhilikwa imo, hatu pewa Ombepo yatjo tuu ndjoka.

2 Ovakorinto 7:1

Vahivilikwa, iya hitu na omaudhiko henga, ngatu likohe osilo aihe, ndjimai silike olutu ne omwenyo. Ngatu kale nontanto yokwiila ovadhilikwa, nt̯e tu tile Kalunga.

Ovagalati 3:28

Iya kape na tja uke okapungulula okutya hengu Omujuda ne Omugreka ne omupika ne nguhe thi omupika ne omulumentu ne omukadhintu, iya n̯e amuhe muvamo muKristus Jesus.

Ovaefeso 1:6

tu hivilike etumbalo lyet̯ilonkenda lye ndyoka ndyee tu pa otjali mOmuhivilikwa we.

Ovaefeso 5:21

Kalen̯i amamu litee, mu tile Kristus.

Ovafilippi 3:3

Mbatwa pita etanda lyatjatjili ombatu undapela Kalunga mOmbepo yaKalunga, mbatu litangela muKristus Jesus, nt̯e katu liun̯ikile movipuka vyountu,

Ovakolossa 1:6

ndjee ya kun̯e. Ondaka ombwa mai eta elao, hai handjana wo nouye auhe nawanawa ngahi ya handjana mokati ken̯i okudha ketango ndyoka himwe i tyaa, n̯e hamu iwa et̯ilonkenda lyaKalunga ngahi li li tjatjili,

Ovakolossa 3:11

Iya kape na tja uke okapungulula pokati kOmugreka nOmujuda, ngwaa pita etanda nanguha pitile etanda, ongendi nomutombwantu, omupika nanguhe thi omupika, iya ovipuka avihe mbyoka vi li muKristus, ye oye e na ovipuka avihe.

1 Johannes 2:29

Andaa mu tji i okutya Kristus omuvyuuki, mu tji i wo okutya auhe ngoka nguma undapa hitja vyuuka, wa yumukwa muKalunga.