Ovilinga 10:3 - Etestamende Epe Moludhimba

³ Etango limo powola ontyatatu yokomatango Kornelius wa mona emoneko, omweengeli waKalunga ame ya kuye, ye he mu ithana ha tyaa: “Kornelius!”

Ovilinga 10:3 Iomraidhean Croise

Mateus 27:46

Mondatu yokomutenya Jesus wa ithana nondaka onene ha tyaa: “Eli, Eli, lama sabakatani?” Matji tyaa: “Kalunga kandje, Kalunga kandje, omena lyatji wa ndjekelehi?”

Lukas 1:11

Omweengeli waMuhona we mu hololokela aa kulama kokulyo kwotjiyambelo tjokutwiimin̯ina.

Lukas 2:13

Iya dhivadhiva pomweengeli ngoka pa li engundwa lyovaengeli womeulu, hava hivilike Kalunga hava tyaa:

Ovilinga 10:17

Petrus hiaa mono emoneko ndyoka wa li aa kumwa. Tainkolo a li ame lipula nemoneko ndyoka okutya mali tya vi, ovalumentu mbenya mbava li ava tumwa kuKornelius va yulikilwa onganda yaSimon, wo ve ya hava kulama potjivelo.

Ovilinga 10:19

Iya Petrus tainkolo a li ame lipula uke nemoneko okutya mali tya vi, Ombepo Ondhilikwa ye mu heela hai tyaa: “Teelela, pomuvelo pe na ovalumentu vatatu mbamave ku pula.

Ovilinga 10:30

Kornelius wa yaka ha tyaa: “Iya hipa piti omatango ane powola nawanawa ngahendji, ame mba vadhwa ame kumbu monganda yandje powola ondatu yokomatango. Dhivadhiva mbe ya okulihaka momulumentu ngwaa kulama komeho yandje, nguu na ovikutu mbimavi ngen̯auka.

Ovilinga 10:9

Iya ngamuhuka, tainkolo ava li mondjila, popedhi nokuthika motjitungwalongo tjaJoppe, Petrus wa londa kombanda yondjuwo pondatu oku ka kumba.

Ovilinga 11:13

Kornelius we tu heela okutya wa mona omweengeli, ngwaa kulamene pondjuwo ye, omweengeli we mu heele ha tyaa: ‘Tuma omuntu koJoppe, a ka ete omulumentu nguu tiwa oSimon Petrus.

Ovilinga 27:23

Iya motjit̯iku tjandino pwaame pe ya omweengeli waKalunga kandje, Kalunga ngoka ame ngundji undapela,

Ovilinga 3:1

Petrus naJohannes va ile kotempeli mondatu yokomatango, ndjaa li owola yokukumba.

Ovilinga 5:19

Iya mokati kovit̯iku omweengeli waMuhona Kalunga wa yelula omivelo vyokaliwoso, ha pititha mo ovayapostoli, he ve heele ha tyaa:

Ovilinga 9:10

MoDamasko mwa li omulongwa umo nguu tiwa oAnanias. Muhona we liholololela ye memoneko, we mu ithana ha tyaa: “Ananias!” Ananias we mu yaka ha tyaa: “Muhona, aame hengu!”

Ovilinga 9:4

Saulus wa wila pohi, ha tee ondaka ndjimai mu popitha hai tyaa: “Saulus, Saulus, mo ntaantele tji?”

Ovaheberi 1:14

Ovaengeli owaan̯i? Ovaengeli avehe odhombepo ndhii undapela Kalunga, dho ndhii tumwa kuKalunga okupopila ovantu mbamava ka hupithwa.

Ovaheberi 1:4

Omuna wa ningwa omunene okupon̯a ovaengeli, ngena lye Kalunga ndyee mu luka hili li enene okupon̯a oawo.