Ovilinga 10:22 - Etestamende Epe Moludhimba

²² Wo ve mu yaka hava tyaa: “Nt̯e twa tumwa komunene wovakwavita Kornelius. Ye omulumentu omuwa unene omutilikalunga, ngwaa tumbalekwa unene kOvajuda avehe. Wa heelwa komweengeli omudhilikwa memoneko e ku ithane, u ye konganda ye, a tyee soka hiuu na tjo, u mu heele.”

Ovilinga 10:22 Iomraidhean Croise

Mateus 1:19

Iya omulumentu we Josef, ngwaa li omulumentu omuvyuuki, hiaa li ahama hala oku mu t̯itha ohon̯i, wa soka oku mu yala meholamo.

Mateus 2:12

Kalunga hiee ve londola mondjodhi okutya ahamava tjuna uke kuHerodes, va ya nondjila imo yokuya kotjilongo tjawo.

Markus 6:20

Herodes wa li aa tila Johannes, mena lyokutya wa li ae mu i okutya omulumentu omuvyuuki ye omudhilikwa, iya we mu amena. Wa li ae hole oku mu teelela, nandaku tiwa moku mu teelela u mu kulungitha omutima.

Markus 8:38

Iya nguma nt̯a ohon̯i, ye ha t̯a ohon̯i odhondaka dhandje mekula hendi lyovayoni wolukupo nolyoulundhi, Omuna wOmuntu me ke mu t̯a ohon̯i, hime ya metumbalo lyaIhe pamo novaengeli ovadhilikwa.”

Lukas 2:25

Iya moJerusalem mwa li omuntu nguu tiwa oSimeon, wa li omuvyuuki nomutilikalunga, ngoka ngwaa kevelela ehupitho lyaIsrael. Ombepo Ondhilikwa ya li muye.

Lukas 23:50

Kwa li omulumentu nguu tiwa oJosef, owomOtjoongi tjOvanene. Omulumentu hengu wa li omuwa, omuvyuuki,

Lukas 9:26

Iya nguma nt̯a ohon̯i, ye ha t̯a ohon̯i odhondaka dhandje, Omuna wOmuntu me ke mu t̯a ohon̯i, hime ya metumbalo lye nolyaIhe nolyovaengeli ovadhilikwa.

Johannes 13:20

Ame me mu heele otjatjili okutya ngoka nguma tambula auhe ngoka ngume tumu, ma ntambula, nangoka nguma ntambula, ma tambula ngoka ngwaa ntuma.”

Johannes 17:20

“Háwo aveika hemba mbame kumbile, iya namboka wo mbava itavela keteetho lyawo.

Johannes 17:8

Iya ame mbe ve pa odhondaka ndhoka ndhiwa mpa, wo ve dhi tambula. Wo ve tji i okutya ame mba dha tjatjili kwoove, wo va itavela okutya ove wa ntuma.

Johannes 5:24

“Ame me mu heele otjatjili okutya ngoka nguma tee odhondaka dhandje, ye ha itavele mungoka ngwaa ntuma, u na omwenyo waapehe, ye kaa koywa, wa dha mo met̯o, we ya momwenyo.

Johannes 6:63

Ombepo oyo mai yandja omwenyo, soka hitji li momuntu kaatji popile tja. Odhondaka ndhimbe mu heele odho dhi li Ombepo ndjimai yandja omwenyo.

Johannes 6:68

Simon Petrus we mu yaka ha tyaa: “Muhona, matu i kwaan̯i? Ove u na odhondaka dhomwenyo waapehe.

Ovilinga 10:2

Kornelius wa li omuundapeli nomutilikalunga pamo nonganda ye aihe. Ye wa li aa yandja omapopilo kOvajuda ovathona, ye wa kambulithile wo okukumba kuKalunga.

Ovilinga 10:21

Petrus wa heluka, ha i pohi kovalumentu, ye he ve heele ha tyaa: “Aame hengu ngumamu hala. Mwe ya okweeta tji?”

Ovilinga 10:30

Kornelius wa yaka ha tyaa: “Iya hipa piti omatango ane powola nawanawa ngahendji, ame mba vadhwa ame kumbu monganda yandje powola ondatu yokomatango. Dhivadhiva mbe ya okulihaka momulumentu ngwaa kulama komeho yandje, nguu na ovikutu mbimavi ngen̯auka.

Ovilinga 10:33

Iya ame opo mba dhi oku ku tumina dhiva elaka. Ove wa ningi nawa hiwe ya. Nt̯e atuhe tu li pamo hempa kotjipala tjaKalunga, u tu heele atjihe soka Muhona hiee ku heela.”

Ovilinga 10:6

Ye omuyenda monganda yaSimon omupeli woviyalo, owonganda ndjii li popedhi nelunga.”

Ovilinga 11:14

Petrus me ku heele ondaka ndjimai ku hupitha pamo nonganda yoye aihe.’

Ovilinga 22:12

“Motjitungwalongo moka mwa li omulumentu umo nguu tiwa oAnanias, omutilikalunga, nguu tumbaleka oveta yaMoses. Wa tumbalekelwe kOvajuda avehe womoDamasko.

Ovilinga 24:15

Ame ndji na ekevelelo limo nawo okutya Kalunga ma ka imuna ovantu avehe kout̯e, ovavyuuki nambahave thi ovavyuuki.

Ovilinga 6:3

Vakwetu, holowolen̯i mokati ken̯i ovalumentu epanduvali, mbave tjiiwa okuliuun̯ikwa, ovanandunge, wo mbave na Ombepo Ondhilikwa. Nt̯e owo matu twaa motjilinga hehi.

Ovaroma 1:17

Iya ouvyuuki waKalunga mau hololoka mondaka ombwa, Kalunga hima ningi ovantu, va ile ovavyuuki okupitila meitavelo okudha komautilo katee komaandelo, omusonekwa ngahi mau tyaa: “Omuvyuuki ma ka kala nomwenyo mena lyeitavelo.”

2 Ovakorinto 5:18

Ovipuka avihe vi dha kuKalunga ngwee tu wan̯en̯eka naye omwene okupitila muKristus. Kalunga we tu pa otjilinga tjewan̯en̯eko.

1 Timoteus 3:7

Nga kale omuntu nguu tumbalekwa nokovantu mbahave thi ovakwaneongalo, opo há penywa, ye ahama i momoo womudiapoli.

Ovaheberi 10:38

Iya omuvyuuki wandje ma ka kala nomwenyo mena lyeitavelo, iya andaa ma tjuna mon̯ima, omwenyo wandje kaau mu hulukilwa.”

Ovaheberi 11:2

Iya ovantu ovakulu va hopelwe kuKalunga mena lyokwiitavela kwawo.

Ovaheberi 12:23

N̯e mwe ya kotjipito tjehuluko nokeongalo lyoviveli vyaKalunga, mboka mbave na omana ngaa sonekwa membo lyomeulu. Mwe ya kuKalunga nguu koya ovantu avehe, nokodhombepo dhovavyuuki mboka mbava hwila po okupwa.

2 Petrus 3:2

Ame me hala oku mu thipalukitha odhondaka ndhaa popilwe lukulu kovaprofeti ovadhilikwa notjitumino hitja dha kuMuhona Omuhupithi, okupitila movayapostoli ven̯i.

3 Johannes 1:12

Ovantu avehe va hipulula nawa Demetrius, otjatjili tjo otjene tje mu popya nawa, nant̯e wo matu mu hipulula nawa, ove u tji i okutya otjihipululo tjetu otjatjili.

Eholololo 14:10

ye ma ka nwa ovinyu vyoluyuma lwaKalunga mbihavi lumbwalumbilwe natja moneka yoluyuma lwaKalunga, ma ihamethwa momulilo nomosulfuri movipathi vyovaengeli ovadhilikwa nomovipathi vyOndjona.