Ovilinga 10:19 - Etestamende Epe Moludhimba

¹⁹ Iya Petrus tainkolo a li ame lipula uke nemoneko okutya mali tya vi, Ombepo Ondhilikwa ye mu heela hai tyaa: “Teelela, pomuvelo pe na ovalumentu vatatu mbamave ku pula.

Ovilinga 10:19 Iomraidhean Croise

Johannes 16:13

Ombepo yatjatjili himai ya, mai ke mu longa otjatjili atjihe. Yo kaai ka popya muyo oyene, iya mai ke mu heela soka hiya tyaa, mai ke mu hipululila ovipuka mbyoka mbimavi ke ya.

Ovilinga 10:18

Wo va pula monganda amava wololoka unene hava tyaa: “Monganda muka kamu thikilile omulumentu nguu tiwa oSimon Petrus?”

Ovilinga 10:3

Etango limo powola ontyatatu yokomatango Kornelius wa mona emoneko, omweengeli waKalunga ame ya kuye, ye he mu ithana ha tyaa: “Kornelius!”

Ovilinga 11:12

Ombepo Ondhilikwa ya ntjeela okutya hé limbililwa, nge ende dhiva pamo nawo. Iya ovakwetu hemba epandu, va ya wo pamo naame koKesarea, hatu i monganda yaKornelius.

Ovilinga 13:2

Iya tainkolo va li amava undapele Muhona Kalunga, have litjaele ovikulya, Ombepo Ondhilikwa ye ve heela hai tyaa: “Ntjolowolela ndjen̯i Barnabas naSaulus, va ka undape otjilinga soka himbe ve ithanena.”

Ovilinga 15:7

Hive litetha ombata olule, Petrus wa kulama ha tyaa: “Vakwetu, n̯e mu tji i nawa okutya omatango omengi ngaa pita, Kalunga wa ntjolowola mokati ken̯i ndji ka teethele ovapaani ondaka ombwa, Kalunga hehi we tji ningila okutya va tyee, wo va itavele muKalunga.

Ovilinga 21:4

Moka twa vadha mo ovaitaveli, hatu ve valulile po omatango epanduvali, ovaitaveli va heela Paulus ngahi va heelwa kOmbepo Ondhilikwa hava tya koJerusalem há i ko.

Ovilinga 8:29

Iya Ombepo Ondhilikwa ya heela Filippus hai tyaa: “Enda, u ka kale popedhi netemba ndyoka.”

1 Ovakorinto 12:11

Iya ovipuka hembi avihe vi undapwa kOmbepo yatjo tuu ndjoka Ondhilikwa ndjii li imo, oyo i yandja komuntu auhe ngahi mai hala.

1 Timoteus 4:1

Iya Ombepo Ondhilikwa mai thitulula nawa himai tya pomatango athiinina ovantu vamo mava ka yetha eitavelo, hava landula odhombepo dhokupukitha nomalongo odhondemoni.