Ovilinga 1:3 - Etestamende Epe Moludhimba

³ Kon̯ima yomatatetho net̯o lye, Jesus we liyulika movipuka ovingi okutya u na omwenyo. Oule womatango omilongo vine, Jesus we liholololela wo, ye he ve hipululile ovipuka vyotjilongo tjaKalunga.

Ovilinga 1:3 Iomraidhean Croise

Mateus 21:43

“Iya mena lyanyahi me mu heele okutya otjilongo tjaKalunga mamu tji nyekwa, hatji pewa ovantu mbava tyaa Kalunga.

Mateus 28:9

Iya Jesus wa wanena nawo ha tyaa: “Okamenen̯i!” Va hweena kuye, have mu kambula kodhompadhi, have liyongamene kuye.

Mateus 3:2

ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 4:2

Iya Jesus hiee litjaela ovikulya ovitenya omilongo vine novit̯iku omilongo vine, héya lya tja, wa li aa t̯i ondjala.

Markus 16:19

Iya kon̯ima Muhona Jesus hiee ve heele nyahoka, wa twalwa meulu. Iya ha kala pohi kokulyo kwaKalunga.

Johannes 20:26

Kon̯ima yomatango epandutatu, ovalongwa va vadhwa uke ava ongana mondjuwo, naTomas va li naye. Omivelo vya li avya ikwa. Jesus we ya, ha kulama mokati kawo ha tyaa: “Ouwa ngau kale nan̯e!”

Johannes 21:1

Kon̯ima yovipuka mbyoka Jesus we liholololela uke ovalongwa ve pelunga lyaTiberias hinyahi.

Johannes 21:14

Hehi otjikando otjityatatu, Jesus hiee liholololela ovalongwa ve kon̯ima yokwiimunwa kwe kout̯e.

Ovilinga 13:31

Omatango omengi Jesus wa kala ame liholololele ovantu mboka nahi mbava enda naye okudha koGalilea katee koJerusalem. Iya ovantu mboka owo ve li odhombangi dhe mokati kotjiwan̯a tjaIsrael.

Ovilinga 19:8

Paulus wa ya kosinagoga, ha tompola nawo, ha kondjo oku ve teethela nouvandhi ouhunga notjilongo tjaKalunga oule womiedhi vitatu.

Ovilinga 28:23

Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus.

Ovilinga 28:31

Ovantu we ve teethela nouvandhi otjilongo tjaKalunga, he ve hipululile Muhona Jesus Kristus, ye ka tjaelelwe komuntu noumo.

Ovilinga 8:12

Iya ovantu hiva itavele ondaka ombwa ndjoka ndjiva teethelwa kuFilippus, ndjimai popi otjilongo tjaKalunga nena lyaJesus Kristus, ovalumentu novakadhintu va tjatjwa.

Ovaroma 14:17

Iya otjilongo tjaKalunga hákulya nokunwa, iya otjouvyuuki, ouwa nehuluko, hembi mavi dhi kOmbepo Ondhilikwa.

Ovakolossa 1:13

We tu hupitha metumino lyet̯iku, he tu eta motjilongo tjOmuna omuhivilikwa.

1 Ovatessalonika 2:12

Twe mu pukulula, hatu mu vandhipaleke, hatu mu heele mu ende ngahi matji thevelwa Kalunga ngwee mu ithanena motjilongo tje nometumbalo lye.

1 Johannes 1:1

Nt̯e matu mu heele Ondaka yomwenyo ndjaa li ko okudha peutilo. Twe i tyaa, nt̯e twe i mona nomeho etu, twe i tala, nomawoko etu e i t̯in̯a.