Ovilinga 1:13 - Etestamende Epe Moludhimba

¹³ Iya hive ya motjitungwalongo, va ya mondjuwo yopeulu nahi muva kala ae lukulu. Mboka mbava li po, ooPetrus naJohannes naJakob naAndreas naFilippus naTomas naBartolomeus naMateus naJakob yaAlfeus naSimon ngoka nguu tiwa ombandhi naJudas yaJakob.

Ovilinga 1:13 Iomraidhean Croise

Mateus 9:9

Jesus hiaa dhi hoka, wa mona omuntu nguu tiwa oMateus, aa kala pohi pombonge yokuthendelela elilimo. Jesus we mu heela ha tyaa: “Ndandula ndje.” Mateus wa kulama, he mu landula.

Markus 14:15

Ye me mu yulikile ondjuwo onene yopeulu ndjaa kombwa nawa. Ngamo mu tu longekedhela moka.”

Markus 14:33

Iya ye wa itha po Petrus naJakob naJohannes, ha i nawo, iya wa uta okutila, he ihamenwa.

Markus 2:14

Iya hiaa hweene komeho, wa mona Levi yaAlfeus, aa kala pohi pombonge yokuthendelela elilimo. Jesus we mu heela ha tyaa: “Ndandula ndje!” Levi wa kulama, he mu landula.

Markus 5:37

Jesus ovantu avehe ke ve yethele a ende nawo kakele vala kaPetrus naJakob nomunitje Johannes.

Markus 9:2

Iya kon̯ima yomatango epandu Jesus wa itha po Petrus naJakob naJohannes, he ve twala kondundu onde, ve ke likalele. Olupe lwe lwa lunduluka movipathi vyawo,

Lukas 22:12

Iya ye me mu yulikile ondjuwo onene yopeulu ndjaa kombwa nawa. Ngamo mu longekedhela moka.”

Johannes 11:16

Iya Tomas, ngoka nguu tiwa oKawiyu, wa heela ovalongwa ovakwawo ha tyaa: “Ngatu enden̯i, nant̯e wo tu ka t̯e pamo naye.”

Johannes 14:22

Judas, nguhe thi Judas Iskariot, ha tyaa: “Muhona, omena lyatji himo hala okuliholololela nt̯e, hihamo liholololele ouye?”

Johannes 18:17

Omukadhona ngoka omuyungi wopotjivelo wa pula Petrus ha tyaa: “Ove haove wo umo owomovalongwa womulumentu ngu?” Petrus we mu yaka ha tyaa: “Aai, ame haame.”

Johannes 21:2

Mbava li ava ongana pamo, va li: Simon Petrus, Tomas, ngoka nguu tiwa oKawiyu, Natanael ngwaa dha koKana moGalilea, oomunkwaSebedeus novalongwa ovakwawo vaJesus vavali.

Ovilinga 12:17

Petrus we ve anda nokuwoko kwe, va nyime. We ve hipululila, Muhona hiee mu pititha mokaliwoso. Ye we ve heela ha tyaa: “Otjipuka hehi ke tji hipululilen̯i Jakob novaitaveli ovakwetu avehe.” Hiee ve heele nyahoka, okutya ye ha piti mo ha i.

Ovilinga 15:13

Iya hiva mana okupopya, Jakob ha tyaa: “Vakwetu! Nteelela ndjen̯i!

Ovilinga 2:14

Petrus wa kulama pamo nomulongo naumo, ha popi nondaka ndjaa yeluka okuheela owingi wovantu ha tyaa: “Vajuda vakwetu, nan̯e amuhe mbamu li moJerusalem, nteelela ndjen̯i nawa, hime mu heele.

Ovilinga 2:38

Petrus we ve yaka ha tyaa: “Liteyululen̯i, omuntu auhe e litjatjethe mena lyaJesus Kristus, mu ithilwe po odhonkali dhen̯i. Iya n̯e mamu ka pewa otjali Ombepo Ondhilikwa.

Ovilinga 20:8

Iya mondjuwo yopeulu, moka mutwa li atwa onganene, mwa li amu na odholamba odhingi ndhaa tema.

Ovilinga 4:13

Ovanene wOtjoongi va kuminwa ouvandhi waPetrus naJohannes nahiva mona okutya ovayapostoli mboka va li vala ovantu mbahava longelwe. Iya wo ve ve ivilwe okutya ovalumentu mboka nahi va kala naJesus.

Ovilinga 4:19

Iya Petrus naJohannes ve ve yaka hava tyaa: “Tokolen̯i vala n̯e ovene, andaa kotjipala tjaKalunga hitja vyuuka okutyaa kun̯e ne okutyaa kuKalunga.

1 Ovakorinto 15:7

Kon̯ima we ke liholololela Jakob, okudha mpoka he ke liholololela ovayapostoli avehe.

Ovagalati 1:19

Iya ovayapostoli vamo hí ve mwene, kakele kaJakob vala, omunitjaMuhona.

Ovagalati 2:9

Iya Jakob naPetrus naJohannes mboka mbava talwa okutya odhongundhi dheongalo, va koneka okutya Kalunga oye a mpa otjilinga hehi. Iya ve tu pa omawoko himatji yulike okutya twa ile omapanga, nt̯e naBarnabas tu ende kovapaani, wo va ende kOvajuda.

Jakob 1:1

Omukanda hembu mau dhi kwaame Jakob, omuntu waKalunga nowaMuhona Jesus Kristus. Me menekele po omaanda omulongo naavali ngoka ngaa handjana nouye auhe.

2 Johannes 1:1

Aame omuviyuli omunene, me sonekele omukadhintu omuholowolwa nodhondele dhe, mbandji hole tjatjili, haame vala aika, iya namboka wo avehe mbave i otjatjili,

Judas 1:1

Omukanda hembu mau dhi kwaame Judas, omupika waJesus Kristus, omunitjaJakob. Me sonekele n̯e amuhe mbamwa ithanwa, mbamu holwe kuIhe Kalunga, mbamwa amenwa kuJesus Kristus.