Ovaefeso 4:3 - Etestamende Epe Moludhimba

³ Kalen̯i nehalo lyokukaleka po oukumo womOmbepo Ondhilikwa, ouwa u mu kute kumo.

Ovaefeso 4:3 Iomraidhean Croise

Markus 3:24

Otjilongo andaa matji lit̯ile onki otjene, otjilongo soka kaatji kala po.

Johannes 13:34

Otjitumino otjipe me mu pa tjo, mu kale amu lihole, ngahi ndji mu hole, nan̯e wo kalen̯i amu lihole.

1 Ovakorinto 1:10

Vakwetu, ame me mu pukulula, mena lyaMuhona wetu Jesus Kristus okutya kalen̯i nomalipulo amo movipuka avihe mbimamu popi, mokati ken̯i hámu kala okuliyapauka, iya likuten̯i kumo, mu kale nondunge imo nomalipulo amo.

2 Ovakorinto 13:11

Vakwetu, iya kalen̯i nawa! Kalen̯i amwa hwile po okupwa. Vandhipalekwen̯i, mu ilikin̯we, kalen̯i nomalipulo amo, kambulithen̯i ouwa. Kalunga nguu hole ovantu, nguu na ouwa, ma kala pamo nan̯e.

Ovaefeso 4:13

katee atuhe matu i moukumo womeitavelo nokwiiwa OmunwaKalunga, tu ile ovantu ovanene, tu kale naa atwa hwile po ngaKristus.

Ovaefeso 4:4

Pe na olutu lumo nOmbepo imo ngahi pe na eliun̯iko limo ndimwa ithanenwa.

1 Ovatessalonika 5:13

mu ve tumbaleke unene, mu kale amu ve hole tjatjili, mena lyotjilinga tjawo. Kalen̯i nouwa.

Ovaheberi 12:14

Kondjen̯i okukala nouwa novantu avehe, n̯e mu kondje okukala ovadhilikwa, mena lyokutya kape na nguma ka mona Muhona, andaa hamudhilikwa.