Ovaefeso 4:1 - Etestamende Epe Moludhimba

¹ Ame ndjinkwatwa mena lyokutya ndji undapela Muhona, me mu kumbu mu ende ngahi mwa thele okweenda paithano ndimwa ithanenwa,

Ovaefeso 4:1 Iomraidhean Croise

Ovakolossa 1:10

okweenda kwen̯i opo ku thevelwe Muhona, mu ninge himatji hulukitha Muhona apehe. Ovilinga vyonkalamwenyo yen̯i avihe mavi ka kala oviwa, okwiiwa kwen̯i Kalunga, maku ile okunene.

Ovafilippi 1:27

Okukala kwen̯i ngaku kale vala akwe thevelwa ondaka ombwa yaKristus, opo andaa mbe ya ko ndji mu mone ne ahe dhile ko, ndji mu tyee amu li mombepo imo, amamu kondjele eitavelo lyondaka ombwa pamo naame.

1 Ovatessalonika 2:12

Twe mu pukulula, hatu mu vandhipaleke, hatu mu heele mu ende ngahi matji thevelwa Kalunga ngwee mu ithanena motjilongo tje nometumbalo lye.

2 Petrus 1:3

Odhonkono dhe dhopaukalunga dhe tu pa ovipuka avihe mbitu hepa, opo tu kale nomwenyo nontilokalunga. Hehi matji tjiiwa, mena lyokutya nt̯e napano Kalunga tu mu i. Oye e tu ithana netumbalo nouwa we.

2 Timoteus 1:9

Kalunga we tu hupitha, ye we tu ithana, tu kale ovadhilikwa, hamena lyovilinga vyetu, iya omena lyontanto ye omwene nolyet̯ilonkenda lye ndyee tu pa otjali muKristus Jesus, tainkolo ouye háuya utwa.

1 Ovakorinto 4:16

Iya me mu ilikin̯a, mu ntjolele.

2 Ovatessalonika 1:11

Iya otjo tu mu kumbila apehe, Kalunga ketu, e mu tale okutya mwe thevelwa okwiithanwa, ye a hwithile po ehalo lyen̯i alihe nodhonkono, mu kale nehalo ewa motjilinga tjeitavelo.

Ovaefeso 4:17

Iya hehi me mu heele tjo mena lyaMuhona. Hámu ende uke ngovapaani mbahave liun̯ikile muKalunga, mbava enda mouhima wodhondunge dhawo.

Ovaroma 12:1

Vakwetu ame me mu ilikin̯a mena lyet̯ilonkenda lyaKalunga, yandjen̯i omalutu en̯i eyambo ndii na omwenyo, edhilikwa, hehi otjo tji li otjilinga tjen̯i tjopambepo himatji thevelwa Kalunga.

Ovakolossa 2:6

Iya ngahi mwa tambula Kristus Jesus, Muhona, kalen̯i muye.

1 Petrus 3:9

Ngume ku ningi navi, hó mu tjun̯ine ouvi, ngume ku penye, hó mu penye, mu pa elao, ngahi mwa ithanwa mu pingane elao.

2 Ovakorinto 6:1

Nt̯e tuvaundapi pamo naKalunga, matu mu ilikin̯a wo okutya et̯ilonkenda lyaKalunga ndimwa tambula hámu li dhanetha.

2 Johannes 1:5

Iya napano ame me ku kumbu, ove omukadhintu omuholowolwa, híme ku sonekele otjitumino otjipe, iya hootjohi hitu kala natjo okudha peutilo okutya ngatu kale atu lihole.

1 Petrus 5:10

Iya napano Kalunga nguu na onkenda aihe, ngwee mu ithanena metumbalo lye ndihamali anda, muKristus Jesus, himwa kala kohi youdheu okaluvedhe okanunu, ye omwene me mu longekedha, he mu pa odhonkono, hamu pama, hamu kala amwa kolo.

1 Petrus 2:11

Vahivilikwa, me mu pukulula, mu li ngovayenda nodhongendi mouye hembu. Litjaelen̯i komahalo aehe ountu ngaa kondjetha omwenyo.

Ovaheberi 13:21

Iya Kalunga nge mu pe ouwa auhe, opo mu undape ehalo lye. Kalunga nga undape munt̯e tu mu thevelwe okupitila muJesus Kristus, ye nga tumbalekwe apehe katee apehe. Amen.

Ovafilippi 3:14

Ame me dhamukile humaku vyuukwa, kondjambi yomeulu, Kalunga ndjee tu ithanena muKristus Jesus.

Ovaefeso 5:2

Kalen̯i mohole ngaKristus hiee tu hole wo, hiee liyandja poluvedhe lwetu oviyandjwa vyotjali neyambo, ndyaa pepa nawa kuKalunga.

Ovaefeso 4:4

Pe na olutu lumo nOmbepo imo ngahi pe na eliun̯iko limo ndimwa ithanenwa.

Ovaefeso 3:1

Ame Paulus ndjinkwatwa mena lyokutya n̯e ovapaani ndji mu teethela Kristus Jesus,

Ovagalati 4:12

Vakwetu, me mu kumbu mu ngale ame, ngaame wo hindji ngala n̯e. Kamu ndjihamethele nokanunu.

Ovaheberi 3:1

Iya vakwetu ovadhilikwa, mbamwa ithanwa kuKalunga, tween̯i omalipulo en̯i momuyapostoli nomuyambethi omunene ngutu hipulula, nguu li Jesus.

2 Ovakorinto 10:1

Aame omwene Paulus me mu ilikin̯a, ame ngumu tya ndjimukata, andaa ndji li pun̯e, iya ndjimbandhi, andaa hí li pun̯e. Me mu kumbu mena lyouwa nolweembya lwaKristus.

Titus 2:10

ahamave ve vaka, iya ngava yulike okutya wo ovantu ovawa, ovaliun̯ikwa, opo va tumbalekethe elongo ndyoka ndimali popi Kalunga Omuhupithi wetu, movipuka avihe mbyoka mbimava ningi.

Ovakolossa 4:12

Epafras, owomun̯e, omupika waKristus Jesus, me mu menekele po wo, ye wa kambulitha unene oku mu kumbila, u kumba Kalunga, mu tjiiwe okukala amwa kola meitavelo, n̯e mu tyee ehalo lya Kalunga movipuka avihe.

2 Ovakorinto 5:20

Iya nt̯e tuvakalelepo vaKristus. Kalunga omwene oye me tu undapetha, tu mu ilikin̯e, iya poluvedhe lwaKristus matu mu kumbu, mu wan̯en̯ekwe naKalunga.

Ovilinga 9:31

Iya eongalo alihe moJudea, moGalilea nomoSamaria lya kala nouwa. Kepopilo lyOmbepo Ondhilikwa eongalo lya tana motjihavelo, ovaitaveli avehe va tumbaleka Muhona.

Ovaroma 11:29

Iya Kalunga ka lundulula otjali tje kovantu, ye ka lundulula eithano lye.

Ovaefeso 2:10

Kalunga Omuuti wetu, iya moukumo naKristus Jesus, Kalunga we tu uta tu kale atu na ovilinga oviwa monkalamwenyo yetu. Ovilinga mbyoka Kalunga we tu twiila po vyo ae lukulu, tu ende muvyo.