Ovaefeso 2:1 - Etestamende Epe Moludhimba

¹ Lukulu mwa li amwa t̯a mombepo mena lyodhonkali nokuhatyaa kwen̯i.

Ovaefeso 2:1 Iomraidhean Croise

Ovakolossa 2:13

N̯e mwa t̯ile mena lyodhonkali dhen̯i nomena lyahihamu landula oveta yaKalunga. Iya napano Kalunga we mu pa omwenyo pamo naKristus, hiee tu ithila po odhonkali adhihe.

Ovaroma 8:2

mena lyokutya oveta yOmbepo yomwenyo muKristus Jesus ya nkutulula moveta youlundhi noyet̯o.

Ovaefeso 4:18

Odhondunge dhawo dha dhiwela, kave na tja omwenyo mboka Kalunga mbwaa yandja mena lyokuhaiwa nokulikukutika omitima vyawo.

Johannes 5:21

Iya ngaIhe hima imuna ovat̯e noku ve yandjela omwenyo, nOmuna otjo ma yandja omwenyo kumboka mbama hala.

1 Johannes 3:14

Nt̯e tu tji i okutya twa dha met̯o, twe ya momwenyo, mena lyokutya tu hole ovakwetu. Nguhe hole omukwawo, ma kala met̯o.

Johannes 14:6

Jesus we mu heela ha tyaa: “Aame ondjila notjatjili nomwenyo. Kape na tja ngume ya kuTate, ahama pitile mwaame.

Ovaefeso 5:14

Iya otjipuka atjihe himatji etwa poluhandja, matji ile otjiten̯i. Ngahi maku tiwaa: “Nguwa lala, imuka po, kulama, dha mo movat̯e, Kristus me ku tungatele.”

1 Timoteus 5:6

Omuhepe ngume litwaa movipuka vyokulihulukithwa, wa t̯a nandaku tiwa, ye u na omwenyo.

Johannes 5:25

Ame me mu heele otjatjili okutya owola mai ya, ye ya ae, katango ovat̯e mava ka tyaa ondaka yOmunwaKalunga. Avehe mboka mbamave i tee, mava ka kala nomwenyo.

1 Ovakorinto 15:45

Kwa sonekwa wo okutyaa: “Omuntu omutenga, Adam, wa ninga omwenyo,” Adam owathiinina wa ninga Ombepo yokuyandja omwenyo.

Johannes 10:10

Otjimpulu tji endela vala okuvaka, okudhipaa nokuhan̯auna. Ame mbe ya, opo va kale nomwenyo, omwenyo mbwaa hulu.

Eholololo 3:1

“Sonekela omweengeli weongalo lyokoSardes u tyee: “Nguu na odhombepo epanduvali dhaKalunga nodhonyothi epanduvali, ma tyaa: Ovilinga vyoye ndji vi i, u na ena nganguu na omwenyo, atjaa wa t̯a.

Lukas 15:32

Iya napano ngatu hulukwe unene, mena lyokutya omunitjoye ngwaa t̯ile u na omwenyo, nahi wa kekele, napano wa moneka.’ ”

Lukas 15:24

mena lyokutya omunwandje hengu wa t̯ile, napano u na uke omwenyo. Wa kekele, napano wa moneka.’ Wo va uta okuhulukwa.

Mateus 8:22

Jesus we mu heela ha tyaa: “Ndandula ndje, yetha ovat̯e va pake ovat̯e vawo.”

2 Ovakorinto 5:14

Iya ohole yaKristus mai tu tumine, mena lyokutya twa koneka okutya omuntu umo wa t̯ila ovantu avehe. Hehi matji tya ovantu avehe va t̯a.