Ovaefeso 1:4 - Etestamende Epe Moludhimba

⁴ We tu holowola ae lukulu muKristus, tainkolo héya uta ouye, tu kale ovadhilikwa, ahamatu kala nombedhi kotjipala tje, mena lyokutya Kalunga u tu hole,

Ovaefeso 1:4 Iomraidhean Croise

Mateus 24:22

Ngaile omatango ngoka kaa ningilwe omathupi, ngai kape na tja omuntu nguma hupithwa. Iya mena lyovaholowolwa omatango ngoka maa ningwa omathupi.

Mateus 24:24

Iya maku ke ya oomessias wovithithi novaprofeti wovithithi, mava ka ninga omatangan̯eko omanene novilingakumithi, va pukithe, andaa matji tjiiwa, novaholowolwa wo.

Mateus 24:31

Iya ma ka tuma ovaengeli ve nonkwino ndjii popya unene, mava ka ongedha ovaholowolwa ve kodhontyo ne dhouye, okudha mpapa hulila eulu katee kontyo onkwawo.

Mateus 25:34

Iya ohamba mai heele owokokulyo kwe hai tyaa: ‘N̯e ovapewa velao vaTate, indjen̯i mu ka pingane otjilongo tjaKalunga himwa longekedhelwa okudha keuto lyouye.

Johannes 10:16

Ku na odhondhu dhandje dhimo ndhoka ndhihadhi mo motjuunda hehi. Me tha wo oku dhi eta mo. Madhi ka tyaa ondaka yandje, hadhi ningi otjuunda tjimo, dho hadhi kala nomut̯ita umo.

Johannes 15:16

Han̯e mwa ntjolowola, iya ame mbe mu holowola, mbe mu holowola mu ende ko, mu ka me ovinyango mbimavi kala ko, opo atjihe himamu kumbu Tate mena lyandje, e mu pe tjo.

Johannes 17:24

“Taa, me hala mboka mbawa mpa, va kale wo pamo naame hoka hundji li, opo va tale etumbalo lyandje, etumbalo ndyoka ndiwa mpa, mena lyokutya ove wa kala au ntjole, tainkolo ouye háuya utwa.

Ovilinga 13:48

Iya ovapaani hive tji tee, ve hulukwa, hava tumbaleke odhondaka dhaKalunga, mboka Kalunga mbaa holowolela omwenyo waapehe va ninga ovaitaveli.

Ovilinga 15:18

Muhona ovipuka hembi we vi ivithila ae ovakulu.’ ”

Ovilinga 18:10

mena lyokutya ame ndji li pamo naove. Kape na omuntu ngume ku kondjetha, he ku ningile ouvi, mena lyokutya ndji na ovantu ovengi motjitungwalongo hehi.”

Ovaroma 8:33

Aan̯i nguma kondjetha ovaholowolwa vaKalunga? Kalunga ye omwene oye me ve ningi ovavyuuki.

1 Ovakorinto 1:8

Kalunga me mu pameke katee kehulilo, opo hámu kala nombedhi metango lyaMuhona wetu Jesus Kristus.

Ovagalati 5:13

Vakwetu, mwa ithanwa mu kale amwa kutuluka. Okukutuluka hehu, hakutya mu ninge ngahi matji hala omalutu en̯i. Iya mu kale amu lihole, n̯e mu lipopile.

Ovagalati 5:22

Iya ovinyango vyoMbepo hoovyombi: Okukala amu lihole, okuhulukwa, ouwa, okulikambulithila, oupanga, okukala nawa novantu, okukala omuliun̯ikwa,

Ovagalati 5:6

Iya atu li muKristus Jesus, okupita etanda nokuhapita etanda, avihe hembi kavi na himavi tya. Hitji na otjilinga okukala atu na eitavelo ndimali yulike okutya tu hole ovakwetu.

Ovaefeso 2:10

Kalunga Omuuti wetu, iya moukumo naKristus Jesus, Kalunga we tu uta tu kale atu na ovilinga oviwa monkalamwenyo yetu. Ovilinga mbyoka Kalunga we tu twiila po vyo ae lukulu, tu ende muvyo.

Ovaefeso 3:17

Kristus opo a kale momitima vyen̯i mena lyeitavelo, mwa twikwa, n̯e mwa twama mohole,

Ovaefeso 4:2

mu kale ovalinunupiki novanankenda, ovalikambulithili mohole.

Ovaefeso 5:2

Kalen̯i mohole ngaKristus hiee tu hole wo, hiee liyandja poluvedhe lwetu oviyandjwa vyotjali neyambo, ndyaa pepa nawa kuKalunga.

Ovaefeso 5:27

opo a ule oku li kulameka po movipathi vye omwene, li kale eongalo ndyaa koholwa ndihali na tja osilo ne eonya ne otjipuka notjimo, iya li kale edhilikwa ndihali na tja ombedhi.

Ovafilippi 2:15

opo mu kale odhondele dhaKalunga ovakohoki mbahamu na tja otjipo mokati kekula ndyaa uvala ndihali tee. Laiminen̯i mokati kawo ngodhonyothi mouye,

Ovakolossa 1:22

Iya napano Kalunga we mu tjun̯a puye okupitila met̯o lyOmuna, opo e mu ninge ovadhilikwa, mbamwa kohoka, mbahamu na ombedhi kotjipala tje,

Ovakolossa 2:2

Me tji ningi, opo ohole i ve kute kumo, va kale nouvandhi okwiiwa ovipuka avihe. Wo mava ka iwa okutya Kristus oye e li otjiholekwa tjaKalunga.

Ovakolossa 3:12

Muvantu vaKalunga, Kalunga u mu hole, we mu holowola, mu kale ovantu ve omwene. Kalen̯i amu na olweembya, onkenda, elinunupiko, ouwa nelikambulithilo.

1 Ovatessalonika 3:12

Muhona nge mu kulithe, ye nge mu kute kumo mu kale amu lihole, n̯e mu kale amu hole ovantu avehe, ngant̯e wo hitu mu hole.

1 Ovatessalonika 4:7

Iya Kalunga ke tu ithanene tu kale movihulo, iya we tu ithana tu kale mouvyuuki.

2 Timoteus 1:9

Kalunga we tu hupitha, ye we tu ithana, tu kale ovadhilikwa, hamena lyovilinga vyetu, iya omena lyontanto ye omwene nolyet̯ilonkenda lye ndyee tu pa otjali muKristus Jesus, tainkolo ouye háuya utwa.

2 Timoteus 2:10

Iya me likambulithile movipuka avihe, opo ovaholowolwa vaKalunga va mone ehupitho ndii li muKristus Jesus nelaimo lyaapehe.

2 Timoteus 2:19

Iya ekulameno ndyaa tungwa kuKalunga, lya kola, kaali tenguka. Kekulameno ndyoka kwa sonekwa odhondaka ndhimadhi tyaa: “Muhona ovantu ve u ve i,” omukwawo mau tyaa: “Auhe nguma tumbula ena lyaMuhona nga yethe oulundhi.”

Jakob 2:5

Vakwetu ovahivilikwa, teelelen̯i! Kalunga ka holowolele nan̯i mbava talwa mouye okutya ovathona, va ile ovahona meitavelo nodhompinga dhotjilongo tjaKalunga hitja udhikilwa mboka mbave mu hole?

1 Petrus 1:2

Kalunga Ihe we ve holowola ae lukulu. Ombepo Ondhilikwa ye ve ninga ovantu ovadhilikwa, va tyee muJesus Kristus, wo va kohwa nombindhi yaKristus. Et̯ilonkenda nouwa owingi ngau kale nan̯e.

1 Petrus 1:20

Kalunga we mu holowola ae lukulu, tainkolo ouye ahauya utwa, he mu hololola pomatango henga opehulilo mena lyen̯i.

1 Petrus 2:9

Iya n̯e mumuhoko mbwaa holowolwa, ovayambethi wombala, otjiwan̯a otjidhilikwa, ovantu vaKalunga omwene mbamwa holowolwa, mu hipulule ovilinga vye ovinene. Kalunga we mu ithana mo met̯iku, mu ye motjiten̯i tje otjikumithi.

2 Petrus 3:14

Vakwetu ovahivilikwa, tainkolo mamu kevelele etango ndyoka, kondjen̯i mu kale amwa kohoka, ahamu na tja ombedhi, mu kale naye nouwa.

1 Johannes 4:16

Nt̯e tu i i, ye twa itavela ohole hendji Kalunga ndjee na yo, hiee tu hole. Kalunga ohole, nguma kala mohole, ma kala muKalunga, Kalunga ma kala muye.

Eholololo 13:8

Ovantu avehe mbava kala kombanda yohi, mave ke tji tumbaleka, avehe mboka mbahava sonekelwe omana awo membo lyomwenyo lyOndjona ndjaa dhipawa, okudha keuto lyouye.

Eholololo 17:8

Otjithitu soka hiwa mono oko tja li, napano katji ko, iya tji li pokwiinduka menkomototo, atjaa matji ka han̯aunwa po. Mbava kala kombanda yohi, mbahava sonekelwe omana awo membo lyomwenyo okudha keuto lyouye, mave ke kumwa himava ka mona otjithitu okutya oko tja li, napano katji ko, iya matji ke ya.