Ovaefeso 1:1 - Etestamende Epe Moludhimba

¹ Omukanda hembu mau dhi kwaame Paulus, omuyapostoli waKristus Jesus kehalo lyaKalunga. Me sonekele ovadhilikwa vaKalunga mbava kala moEfeso, mbava itavela muKristus Jesus.

Ovaefeso 1:1 Iomraidhean Croise

Lukas 16:10

Omuliun̯ikwa movinunu, omuliun̯ikwa wo nomovingi, iya onkembi movinunu, onkembi wo nomovingi.

Ovilinga 16:15

Iya Lidia pamo nonganda ye hiva tjatjwa, we tu konga tu ye konganda ye, ha tyaa: “Iya amu ndwete okutya ndjimuliun̯ikwa muMuhona, indjen̯i mu kale monganda yandje.” Iya he tu hekele, tu kale puye.

Ovilinga 18:19

Wo ve ya moEfeso, moka Paulus mwaa thiaa Priskila naAkula, ye wa ya kosinagoga hoka huva ka tompola nOvajuda.

Ovilinga 18:21

Iya ye we ve lekela ama tyaa: “Kalunga andaa we tji hala, me tjuna uke.” Paulus moEfeso wa dha mo nombapolo.

Ovilinga 9:13

Ananias we mu yaka ha tyaa: “Muhona, mba hipululilwa kovantu ovengi ouhunga nomulumentu hengu, ovipuka ovivi mbyaa ningila ovantu woye ovadhilikwa moJerusalem.

Ovaroma 1:1

Omukanda hembu mau dhi kwaame Paulus, omupika waKristus Jesus ngumba holowolwa, he ithanwa ndji kale omuyapostoli wokuteetha ondaka ombwa yaKalunga.

Ovaroma 1:7

Iya me mu sonekele n̯e amuhe mbamu li moRoma okutya Kalunga u mu hole, hiee mu ithana, mu ile ovantu ve ovadhilikwa. Et̯ilonkenda nouwa waKalunga Tate nowaMuhona Jesus Kristus ngau kale nan̯e.

Ovaroma 8:1

Iya napano kape na tja ekoyo okupa onkali mbave li muKristus Jesus,

1 Ovakorinto 4:12

Tu undapa unene nomawoko etu. Amave tu thingi, nt̯e tu ve pa elao, amave tu tatetha, nt̯e tu likambulithila.

1 Ovakorinto 4:17

Mena lyotjipuka hehi, me mu tumine Timoteus, ye nguu li ondele yandje omuhivilikwa, omutakamethi muMuhona. Me ke mu thipalukitha onkalo yandje muKristus Jesus, nambimba longa apehe momaongalo aehe.

2 Ovakorinto 1:1

Omukanda hembu mau dhi kwaame Paulus, omuyapostoli waKristus Jesus kehalo lyaKalunga, wo mau dhi wo nokomukwetu Timoteus. Me sonekele eongalo lyaKalunga lyomoKorinto nokovadhilikwa vaKalunga avehe mbave li moAkaia atjihe.

Ovagalati 1:1

Omukanda hembu mau dhi kwaame Paulus, omuyapostoli nguhe tuminwe komuntu ne ketumino lyomuntu, iya mba tumwa kuJesus Kristus nokuKalunga Ihe, ngwee mu imuna kout̯e.

Ovagalati 3:26

Iya n̯e amuhe muKristus Jesus mudhondele dhaKalunga mena lyeitavelo.

Ovagalati 3:28

Iya kape na tja uke okapungulula okutya hengu Omujuda ne Omugreka ne omupika ne nguhe thi omupika ne omulumentu ne omukadhintu, iya n̯e amuhe muvamo muKristus Jesus.

Ovagalati 3:9

Abraham wa itavela, ha pewa elao, iya mbava itavela, mava pewa elao ngaAbraham hiaa pewa elao.

Ovaefeso 1:15

Iya ame himba tyaa eitavelo lyen̯i muMuhona Jesus nohole yen̯i yokuhole ovantu ovadhilikwa avehe vaKalunga,

Ovaefeso 2:10

Kalunga Omuuti wetu, iya moukumo naKristus Jesus, Kalunga we tu uta tu kale atu na ovilinga oviwa monkalamwenyo yetu. Ovilinga mbyoka Kalunga we tu twiila po vyo ae lukulu, tu ende muvyo.

Ovaefeso 2:13

Iya napano mu li muKristus Jesus, n̯e mbamwa li owokokule napano mwa ila owopopedhi mena lyombindhi yaKristus.

Ovaefeso 2:6

Kalunga we tu imuna kout̯e pamo naKristus, he tu kaleke pamo naye movyomeulu muKristus Jesus,

Ovaefeso 6:21

Tikikus, omukwetu omuhivilikwa, omuliun̯ikwa motjilinga tjaMuhona, me mu hipululile ovipuka avihe ouhunga naame, opo mu iwe hindji li po, nahime undapa.

Ovakolossa 1:2

Me sonekele ovadhilikwa vaKalunga, ovaitaveli vakwetu muKristus womoKolossa. Et̯ilonkenda nouwa waKalunga Tate ngau kale nan̯e.

Eholololo 17:14

Otjithitu nodhohamba madhi ka lwitha Ondjona. Ondjona pamo novaithanwa novaholowolwa novaliun̯ikwa mai ke dhi ton̯a, mena lyokutya oye e li Muhona wovahona, Ohamba yodhohamba.”

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.

Eholololo 2:13

Mpa u kala, ndji pe i, potjipunditumino tjaSatana, atjaa wa kambulitha ena lyandje. Ku litendelele okwiitavela mwaame nopomatango aAntipas, ombangi yandje, omuliun̯ikwa, ngwaa dhipaelwa mokati ken̯i, mpapa kala Satana.