Mateus 9:22 - Etestamende Epe Moludhimba

²² Iya Jesus wa piluluka, he mu mono, ha tyaa: “Likolethela, mukadhona wandje, eitavelo lyoye lye ku velula.” Iya poluvedhe lwatjo vala mpoka omukadhintu wa veluka.

Mateus 9:22 Iomraidhean Croise

Mateus 15:28

Okudha mpoka Jesus we mu yaka ha tyaa: “O, eitavelo lyoye enene. Ningilwa ngahi mo hala.” Iya omukadhona we okudha powola yatjo ndjoka wa veluka.

Mateus 17:18

Jesus wa anda ondemoni, ondemoni hai dhi mo mondele, ondele wa veluka powola yatjo ndjoka.

Mateus 8:13

Jesus wa heela omunene wovakwavita ha tyaa: “Enda, ngahi wa itavele, ngatjo u ningilwa.” Omuntu we wa veluka powola yatjo vala ndjoka.

Mateus 9:2

Iya taa tuutuu, ovantu ve mu etela omulumentu nguu na otjinteya, aa lalekwa po kotjintali. Jesus hiaa mono eitavelo lyawo, wa heela omuvedhi wotjinteya ha tyaa: “Likolethela, ndele yandje, odhonkali dhoye dha ithwa po.”

Mateus 9:29

Iya Jesus wa t̯in̯a omeho awo ha tyaa: “Ningilwen̯i ngahi mwa itavele.”

Markus 10:52

Iya Jesus we mu heela ha tyaa: “Enda, eitavelo lyoye lye ku velula.” Iya dhivadhiva okudha mpoka ha twikuluka, he mu landula mondjila.

Markus 5:34

Jesus we mu yaka ha tyaa: “Mukadhona wandje, eitavelo lyoye lye ku velula. Enda nouwa, ouvela woye wa veluka.”

Lukas 17:19

Jesus we mu heela ha tyaa: “Kulama, enda, eitavelo lyoye lye ku velula.”

Lukas 18:42

Jesus we mu heela ha tyaa: “Twikuluka, eitavelo lyoye lye ku velula.”

Lukas 7:50

Jesus wa heela omukadhintu ha tyaa: “Eitavelo lyoye lye ku hupitha. Enda nouwa.”

Lukas 8:48

Jesus we mu heela ha tyaa: “Mukadhona wandje, eitavelo lyoye lye ku velula. Enda nouwa.”

Johannes 4:53

Ihe wa thipaluka okutya opo pe li po nawanawa powola yatjo ndjoka Jesus ndjee mu heelele ha tyaa: “Omunoye u na omwenyo.” Ye ha itavele pamo nonganda ye aihe.

Ovilinga 14:9

Omulumentu hengu otjilema wa li ama teelele Paulus hima popi. Paulus we mu tongolola, ha mono okutya omulumentu hengu wa itavele, ma ulu okuvelulwa.

Ovilinga 16:18

Iya omukadhona hengu we tji ninga omatango omengi, hatji ulithwa Paulus. Iya wa piluluka, ha heele ombepo ndjoka ha tyaa: “Mena lyaJesus Kristus me ku heele okutya dha mo muye!” Iya ombepo ya dha mo muye poluvedhe ndoka.

Ovaheberi 4:2

Iya nt̯e twa tyaa eteetho lyondaka ombwa ngawo wo hive i tyaa. Iya napano eteetho lyondaka ndjiva tyaa, kali na hilye ve popila, mena lyokutya kave i tambulile neitavelo.