Mateus 7:21 - Etestamende Epe Moludhimba

²¹ “Hamuntu auhe nguma ntyaa: ‘Muhona, Muhona,’ ma ulu okuya motjilongo tjeulu, iya onguma undapa ehalo lyaTate owomeulu.

Mateus 7:21 Iomraidhean Croise

Mateus 12:50

Iya auhe ngoka nguma hwithile po ehalo lyaTate nguu li meulu, oye e li meme, ye oye e li omunitjandje nompandjandje.”

Mateus 16:17

Jesus we mu yaka ha tyaa: “Simon yaJona, umunalao, mena lyokutya hamuntu e ku holololele soka, iya oTate nguu li meulu.

Mateus 18:10

“Talen̯i, hámu tombo omuntu noumo owomountu hembu oununu. Iya me mu heele okutya ovaengeli vawo meulu apehe va tala otjipala tjaTate meulu.

Mateus 18:19

“Me mu heele otjatjili okutya andaa vavali mun̯e kombanda yohi ve litee motjipuka himava kumbu, mave tji pewa kuTate owomeulu.

Mateus 18:3

ha tyaa: “Ame me mu heele otjatjili okutya andaa kaamu liteyulula, hamu ngala oulele, kaamu ka ya motjilongo tjeulu.

Mateus 18:35

“Iya Tate owomeulu otjo me mu ningi wo nyahoka andaa kaamu ithile po ovakwen̯i nomitima vyen̯i.”

Mateus 19:24

Me mu heele uke okutya ongamelu okupitila meyulu lyonguya otjipu okupon̯a omuhona okuya motjilongo tjaKalunga.”

Mateus 25:10

Iya hiva i, va ka lande, omukupi we ya. Mboka mbava vadhwa ave lilongekedha, va hita mo pamo naye motjipito tjolukupo, omuvelo hau yedhilwa.

Mateus 25:21

Iya omuhona we we mu yaka ha tyaa: ‘Iiya, oove omupika omuwa omuliun̯ikwa. Wa li omuliun̯ikwa movipuka ovinunu, me ku pa u tumine ovipuka ovingi. Enda mehuluko lyomuhona woye.’

Mateus 26:39

Wa hweena uke komeho kanunu, ha wile pohi ompupama, ha kumbu, ha tyaa: “Taa, andaa matji tjiiwa otjinwino hehi ngatji mpon̯oke. Iya hangahi me hala, ongahi mo hala.”

Mateus 26:42

Iya Jesus wa tjuna ko uke otjikando otjityavali, wa kumba ha tyaa: “Taa, andaa kaatji tjiiwa otjinwino hehi tji mpon̯oke, ahame tji nu, ehalo lyoye ngali hwithilwe po.”

Markus 3:35

Meme nomunitjandje nompandjandje omuntu ngoka nguma hwithile po ehalo lyaKalunga.”

Markus 9:47

Iya eho lyoye andaa mali ku tyoletha, li dhoola mo. Okuya motjilongo tjaKalunga au na eho limo hahe, hatjo ngokukala nomeho avali, ove ho yumbwa moheli.

Lukas 11:28

Jesus wa yaka ha tyaa: “Otjatjili, ovanalao owomboka mbamava tee odhondaka dhaKalunga, wo have dhi takametha.”

Lukas 13:25

Iya omwene wonganda andaa wa kulama, ha yedhile potjivelo, n̯e mamu utu okukulama kotjila, otjo mamu popitha monganda amamu tyaa: ‘Muhona, tu yelula!’ Ye me mu yaka ama tyaa: ‘Ame hí mu i, nahumamu dhi, hí ku i.’

Lukas 18:25

Ongamelu okupitila meyulu lyonguya otjipu okupon̯a omuhona okuya motjilongo tjaKalunga.”

Lukas 6:46

“Otjitji himu ntyaa: ‘Muhona, Muhona,’ n̯e ahamu undapa soka hindji popya?

Johannes 14:7

Ngaile mu ndji i, ngai naTate wo mu mu i, okudha napano mu mu i, n̯e mwe mu mona.”

Johannes 15:23

Ngoka nguu ndjele, u yele wo Tate.

Johannes 3:5

Jesus we mu yaka ha tyaa: “Ame me ku heele otjatjili okutya omuntu kaa ulu okuya motjilongo tjaKalunga, andaa ka yumukilwe momeva nomOmbepo,

Johannes 5:17

Jesus we ve yaka ha tyaa: “Tate katee napano ma undapa, naame wo me undapa.”

Johannes 6:40

Iya ehalo lyaTate hoolyondi okutya auhe ngoka nguma mono Omuna, ha itavele muye, ma kala nomwenyo waapehe, ame me ke mu imuna metango lyathiinina.”

Johannes 7:17

Kwalukele ngoka nguma hala okuundapa ehalo lyaKalunga, ma ka nongonoka elongo hendi ndime longo, andaa lya dha kuKalunga, ne me popi vala mwaame omwene.

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovaroma 12:2

N̯e hámu litha kouye hembu, iya ilen̯i ovape momalipulo en̯i, opo mu tjiiwe okuthongonona ehalo lyaKalunga okutya olin̯i, otjiwa, hitje thevelwa Kalunga, tji kale ngahi tji tha okukala.

Ovaroma 2:13

Omuntu kaa ile omuvyuuki kotjipala tjaKalunga hima teelele oveta, iya ma ile omuvyuuki ama hwithile po oveta.

Ovaefeso 6:6

Hámu tji ningi vala mena lyovahona ven̯i ave mu lwete oku ve hulukitha, iya undapen̯i nomwenyo auhe soka himatji hopwa kuKalunga ngovapika vaKristus.

Ovakolossa 4:12

Epafras, owomun̯e, omupika waKristus Jesus, me mu menekele po wo, ye wa kambulitha unene oku mu kumbila, u kumba Kalunga, mu tjiiwe okukala amwa kola meitavelo, n̯e mu tyee ehalo lya Kalunga movipuka avihe.

1 Ovatessalonika 4:3

Ehalo lyaKalunga hoolyondi, mu kale ovadhilikwa, mu yepe ovihulo.

1 Ovatessalonika 5:18

Yandjen̯i ompandu movipuka avihe. Hehi otjo tji li ehalo lyaKalunga kun̯e muKristus Jesus.

Titus 1:16

Wo va tya ve i Kalunga, atjaa ovilinga vyawo vi mu tendela, mena lyokutya ovatyolethi kava tee, wo kava ulu okuundapa otjilinga otjiwa notjimo.

Ovaheberi 13:21

Iya Kalunga nge mu pe ouwa auhe, opo mu undape ehalo lye. Kalunga nga undape munt̯e tu mu thevelwe okupitila muJesus Kristus, ye nga tumbalekwe apehe katee apehe. Amen.

Ovaheberi 4:6

Iya pe na vamo mbamava hiti moluthuwo lwe, iya mboka mbava teethelwa olutenga ondaka ombwa kava hitile mo, mena lyokutya kava itavelele.

Jakob 1:22

Tyeen̯i odhondaka dhaKalunga, hakuteelela vala nokulikembela po.

1 Petrus 2:15

Iya Kalunga ma hala okutya ovipuka mbimu undapa oviwa, vi tutuvaleke omapopyo omawoova.

1 Petrus 4:2

Iya okudha ndino hendi okukala kwen̯i kombanda yohi ngaku kale mehalo lyaKalunga, hámu kala mehalo lyen̯i.

Eholololo 2:27

Ye me vi litha nonkunye yotjivela. Me vi nyanyauna ngomume wodhombiya hiaa nyanyauna odhombiya.

Eholololo 22:14

Ovanalao ombava koha omidhalo vyawo, opo va itavelelwe okulya ovinyango vyomuti womwenyo, wo va hite motjitungwalongo amava pitile momivelo.

Eholololo 3:5

Nguma ton̯a, ma ka dhalekwa hinyahi omudhalo omupembadhi, nena lye híme li dhimi mo membo lyomwenyo, iya ena lye me li hipulula kotjipala tjaTate nomovipathi vyovaengeli ve.